Ezekieli 35
35
Obulakusi obuyinga olukulu lwaSeiri
1Khandi likhuwa liOMWAMI nilinzitsila, liri 2Mwana womundu, shiukhana ohenje eshikulu shiaSeiri, oshifukula noshilakulila amakhuwa kanje, 3nosunga ori Kano niko aka Omwami NYASAYE aboola; mbu Iwe eshikulu shiaSeiri, lola, ekhufukula; ndalanyiila omukhono kwanje khwiwe, nikhukwisia likunda likhaya. 4Ndalakwisia amataalako amakunda, nawe, olaba omukhaya; mana olamanya mbu isie nisie OMWAMI. 5Okhuba walinji nobusuku obushia nobushia, nohaana abaana baIsiraeli khubunyali bwolukanga mundaalo tsiamaraba kwabwe, mundaalo tsiokhukuumwa khwabwe okhuhelelesia; 6niko akachila Omwami NYASAYE aboola mbu Isie uno! Ndalakhukasilia amatsayi, nako amatsayi kalakhulonda; oli neshikha shiokhwebeenia amatsayi, kho amatsayi kalakhulonda. 7Nindio ndalakwisia eshikulu shiaSeiri eshikhaya kuru; ndalashikhalakakhwo ababiri bosi. 8Ndaleetsusia tsingulutsio abeerwa; mubikulubio nomumabandako nomumichelachio, abo abeerungwa nolukanga balakwitsangamwo. 9Ndalakhukwisia likunda obushia nobushia, kata amataalako shikalamenywamwo ta; mana mulamanya mbu isie nisie OMWAMI.
10Okhuba wasunga mbu Amahanga kano kabili nebibala bino bibili bilaba ebianje; khulabilia; nebutswa OMWAMI yali naliho; 11niko akachila Omwami NYASAYE aboola mbu Isie uno! Ndalakhukholela aka oburimabwo bukhoyeele, nelikhalikhali elia wabalolosilia khulwa obukiyibwo khubo; nasi ndaleemanyia hakari wabwe, olwa ndalakhuyaasia. 12Mana olamanya mbu isie OMWAMI ndahuliile obunyechi bwosi obwa wanyeka ebikulu biaIsiraeli, mbu Bikwisiibwe likunda; bikhuheebwa ifwe, khubilie. 13Mweekhongoyiye okhufukula neminwa chieenywe, nimwinjiyia amakhuwa keenywe khwisie; ndahuliile. 14Kano niko aka Omwami NYASAYE aboola; mbu Ndalakhukwisia omukhaya, ninzikhoyesia eshialo shiosi. 15Shinga iwe olwa weekhoyela obulaame bweinzu yaIsiraeli shichila bwali obukhaya, nolwa ndalakhukholela iwe; olaba omukhaya, iwe eshikulu shiaSeiri, nende Edomu yosi, mbu yosi pe; mana balamanya mbu isie nisie OMWAMI.
Currently Selected:
Ezekieli 35: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
