Ezekieli 31
31
Akeetsa okhukwila Farao nabandube olunyumakhwo
1Mumuyika kwekhumi nalulala, mumwesi kwakhataru nikuli lulala, likhuwa liOMWAMI nilinzitsila, liri 2Mwana womundu, sunjila Farao omuruchi waMisiri nomukanda kwosi kwabandube ori
Niwina owa ofwanana ninaye mubukhongobwo?
3Lola, ekhufwanania nomusiita kwaLebanoni,
okwetsisaka tsingaasu neshiinikha shiomutsuru,
omurambi muno,
okwa obutenje bwakwo buula mumaleesi.
4Amatsi kakuliisia,
amatsi keshitungu kakukhusia,
nikabisia emialo chiako nikachesia tsikhwakhwa tsiako okhufumbila habundu aha kwaraakwa,
khumisaala chiosi chiebulafu.
5Iihulwako oburambi bwakwo bwachinguukha okhushila emisaala chindi chiosi;
tsisaka tsiakwo tsieenjiha,
amasaka kakwo nikarambiha,
okhufumbila aha kwaraakwa,
khulwa obunji bwamatsi mundombo tsiakwo.
6Amanyonyi kosi akokhwikulu kakasinjia ebitsu biako mutsisaka tsiakwo;
kata hasi wamasaka kakwo niho aha tsisolo tsiosi tsiomubulimo tsieebulilanga abaana batsio;
nomushiinikha shiakwo nomuwa amahanga amakhongo kosi kamenyanga.
7Nolwa kwali omukaasu mubukhongo bwakwo nomuburambi bwetsisaka tsiakwo;
okhuba eshisina shiakwo shiali mubunji bwamatsi.
8Emisiita echiomumukunda kwaNyasaye chiranyala okhuhelana ninakwo,
emitaraakwe shichiayenga shinga tsisaka tsiakwo,
kata emiaramoni shinga amasaka kakwo ta;
kwabulaho mumukunda kwaNyasaye omusaala kwosi
okweengana ninakwo ingoo'no ta.
9Ndakukhola omukaasu khulwa obunji; wetsisaka tsiakwo;
kata emisaala chiosi chieEdeni chiakukhalishilwa,
echiali mumukunda kwaNyasaye.
10Khulwako, kano niko aka Omwami NYASAYE aboola; mub Okhuba kwachinguukha muburambi bwakwo, nikuusia obutenje bwakwo mumaleesi, omwoyo kwakwo nikwichinjimisia khulwa oburambi bwakwo, 11ndalakuhaana mumukhono kwowamaani mumahanga; ye alakukholela akakhoyeele obumayaanu bwakwo; isie engwibalile. 12Abasuku, abamariisia mumahanga, balakurema nibakulekha; tsisaka tsiakwo tsilalakakha mubikulu nomumabanda kosi, amasaka nako nikakona nikafunakwa khumichela chiosi chieshialo; natsio tsimbia tsiosi tsiabandu abomushialo tsilarula mushiinikha shiakwo nitsikulekha. 13Amanyonyi kosi akokhwikulu kaIamenya khushirundu shiakwo, natsio tsisolo etsiomubulimo tsilaba khutsisaka tsiakwo. 14Kalaba kario mbu mana omusaala kwosi kwosi okuli hamatsi kuleshe okhuchinguukha oburambi bwakwo, kata okhwinjisia obutenje bwakwo mumaleesi, kata mbu omusaala kwosi okunyweetsanga amatsi kuleshe okhusinjila khuburambi bwakwo; okhuba chiosi chiahaanwa khuluumbe, khushialo shiahasi, mubandu nabandu, halala nabeenabo abeekha muBuko.
15Kano niko aka Omwami NYASAYE aboola; mbu Khunyanga olwa kuleekha kutsie eMakombe ndalachila eshitungu shikulilila amasika, ninzikalila emialo eminji, nisinjisia emichela eminji nikhola Lebanoni eshiilima khulwakwo, nemisaala chiosi chiebulafu nichihweleelela khulwakwo. 16Ndalachila amahanga nikatechela khubuyoka bwokhukwa khwakwo olwa ndalakukwisia eMakombe nabeenabo bosi abeekha nibatsia muBuko; nachio emisaala chiosi chieEdeni, emilobole emilayi chieLebanoni, mbu chiosi echinyweetsanga amatsi, nichilemibwa omwoyo mushialo shiahasi. 17Nabo bosi baleekha nibatsia eMakombe ninakwo, khubeenabo abeerwa nolukanga; kata nende abo abali nibamenyanga mushiinikhashie hakari wamahanga. 18Kho niwina owa ofwanana ninaye muluyali nomubukhongo mumisaala chieEdeni? Nebutswa oleesibwa hasi halala nemisaala chieEdeni, khushialo shiahasi. Olakona hakari wabasinde, halala nende abo abeerwa nolukanga.
Currently Selected:
Ezekieli 31: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
