Ezekieli 2
2
Okhulangwa khwaEzekieli
1Niyasunjila mbu Mwana womundu, sinjila, nasi ndalasungana ninawe. 2Ne olwa yasunjila, Roho niyeenjila mwisie, niyasinjisia; nimuhulila oyo owasungana ninasi. 3Niyamboolela mbu Mwana womundu, ekhuruma khubaana baIsiraeli, khubamahanga akeinduli, akakholela induli; bo nabakuuka babwe bakhayanga kata okhuula khunyanga yino eyene. 4Kata abolwibulo luno nabo babula oburii, nibali abemirwe emiumu; ne nibo aba ekhurumakhwo; olabasunjilanga mbu Kano niko aka Omwami NYASASE aboola. 5Nabo, kata nibaba nibafuchiilila okhuhulila kata nibakhaya, okhuba neinzu yeinduli, okhuunanya balamanya mbu omunabii yabeelenje hakari mubo. 6Nawe, mwana womundu, orabariitsanga kata okhuria amakhuwa kabwe ta; kata olwa oli mumarakalu namahwa, niwikhaale mumakatia; oraria amakhuwa kabwe, kata okhufwa omwoyo khulwa okhulolekha khwabwe ta, kata olwa baba abeinzu yeinduli. 7Ne olababoolelanga amakhuwa kanje, kata nibaba nibafuchiilila okhuhulila kata nibakhaya; okhuba nabeinduli muno.
8Nehutswa iwe, mwana womundu, hulila aka ekhuboolela; oraba oweinduli shinga inzu eyo eyeinduli ta; vasama omunwakwo, olie eshia ekhuheelesia. 9Ne olwa ndahenga, lola, omukhono okwanyiililwa ngwokwo; khandi lola, eshitabu eshikanye shieshio, nishili mumukhono tsana; 10naye nashibambula imbeli wanje; ne shiali nishiahandiikwakhwo tsimbeka tsiombi; nakahandiikwamwo kali am Ikhuwa ketsinzikhuulu, nakamalilo, naka Woowe!
Currently Selected:
Ezekieli 2: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
