Ezekieli 29
29
Obulakusi obuyinga Misiri
1Mumuyika kwekhumi, mumwesi kwekhumi nikuli ekhumi nakhabili, likhuwa liOMWAMI, nilinzitsila, liri 2Mwana womundu, shiukhana ohenje Farao omuruchi waMisiri; olakule nomufukula, nofukula nende Misiri yosi, 3noboola ori Kano niko aka Omwami NYASAYE aboola; mbu
Lola, ekhufukula,
iwe Farao omuruchi waMisiri,
okukwena okukona hakari wemialo chiakwo;
okusunga mbu Omwalo kwaNaili kwanje nokwanje omwene,
nisie owakukhola.
4Ndaleenjisia ingaka museyatsio,
nihandia tsinyeeni etsiomumialochio mumasaleko;
ndalakhukhwesa nikhurusia mumialochio halala netsinyeeni etsiomumialochio etsiba nitsihandile khumasaleko.
5Ndalakhwibala mushitsiimi,
iwe netsinyeeni etsiomumialochio tsiosi;
olakwa mubulimo ebulafu;
shiolabunjelesibwa kata okhuyabilwa ta;
ndakhuhaanile obe ebiliibwa bietsisolo tsiomushialo, namanyonyi akokhwikulu.
6Mana abamenyanga ebuMisiri bosi balamanya mbu isie nisie OMWAMI. Shichila obeetsanga omutiichilo kwolusi khunzu yaIsiraeli; 7olwa bakhutiila nomukhono, wafinikha nobarandula bosi amabeka; khandi olwa beesiila khwiwe wafinikha, nochila nibarenga bosi ebishienje. 8Khulwako kano niko aka Omwami NYASAYE aboola; mbu Lola, ndalaleera olukanga khwiwe, nikhukhalakakhwo abandu nemiruko. 9Eshialo shiaMisiri shilaba eshikhaya, eshialo shiamakunda; mana balamanya mbu isie nisie OMWAMI.
Eshichila wasunga mbu Omwalo kwaNaili nokwanje; nisie owakukhola; 10kho, lola ekhufukula, nifukula emialochio; ndalakwisia eshialo shiaMisiri amakunda, shibe eshikhaya kuru, okhurula eMigidoli okhuula eSeyene, kata okhuula khulwakho lwaEtiopia. 11Eshilenje shiomundu yesi shishilabiramwo, kata eshilenje shiomuruko okhubiramwo, kata shishilamenywamwo emiyika amakhumi kane ta. 12Ndalakhola eshialo shiaMisiri eshikhaya hakari webialo ebili ebikhaya, namataalake hakari wamataala akakwisibwa amakunda kalaba amakhaya emiyika amakhumi kane; khandi ndalasalaasia abaMisiri mumahanga, nimbakabula mubialo. 13Okhuba kano niko aka Omwami NYASAYE aboola; mbu Emiyika amakhumi kane nichihweele, ndilikhung'aasia abaMisiri okhurula mumbia tsiabandu omwa basalaasibwa, 14ningalusia tsikhabi tsiaMisiri, nimbakalusia mushibala shiaPatsarosi, mushibala shieingulikhwa yabwe; ne ebweneyo baliba obwami obuli hasi. 15Buliba hasi okhushila obwami bwosi; kata shibuleechinga okhushila amahanga kandi ta; ndilibatiitiyia baleshe okhuruka amahanga khandi ta. 16Kata inzu yaIsiraeli shiyilabeesiikanga khandi ta, okhubeetsusia akobumayaanu olwa babahenga okhuhabinwa; mana balamanya mbu isie nisie OMWAMI.
17Mumuyika kwamakhumi kabili namusaafu, mumwesi kwambeli nikuli lulala, likhuwa liOMWAMI nilinzitsila, liri 18Mwana womundu, Nebukhadineza omuruchi waBabeli yakhosia amaheke emilimo emikhongo okhuyinga Tiro; buli murwe kwakhweyukha nikukwa eshiole, buli libeka nilifubukha; nebutswa shiyanyoolakhwo omushaara okhurula eTiro, ye omwene kata abamaheke ta, khulwa emilimo echia yakhola okhuliyinga. 19Khulwako kano niko aka Omwami NYASAYE aboola; mbu Lola, ndalaheelesia Nebukhadineza omuruchi waBabeli eshibala shiaMisiri; naye alayila obunji bwobuyinda bwashio, nashiyaaya, nabukula ebioluyiitsi biashio; nabio bilaba omushaara kwamaheke. 20Ndamuheelesiye eshibala shiaMisiri shibe omurungokwe okwa yakholela, shichila bakholela isie Omwami NYASAYE aboola.
21Khunduukho eyo ndalarombosilia Isiraeli olwika, nikhunyalila okhwikulu omunwa hakari wabo; mana balamanya mbu isie nisie OMWAMI.
Currently Selected:
Ezekieli 29: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
