Ezekieli 27
27
Olwikhuulu khulwa Tiro
1Likhuwa liOMWAMI nilinzitsila khandi, liri 2Nawe, mwana womundu, yikhuulila Tiro olwikhuulu, 3nosunjila Tiro oumenyanga habwinjililo bweinyanza, nali oweinganga khutsimbia tsiabandu khunguku tsinyinji, ori Kano niko aka Omwami NYASAYE aboola; mbu
Iwe, Tiro, waboola mbu Endi eliaro,
habwene mubung'oonefu.
4Tsinzakhotsio tsili munda wetsinyanza;
aboombashibo bakasia obung'oonefubwo bube habwene.
5Bakhola tsimbahotsio tsiosi etsiemitaraakwe chieSeniri;
babukula omusiita kweLebanoni okhukhukholela omulingoti.
6Khumiruba chieBashani bakhola emiikhochio;
nibakhola obwelubwo tsimbaho tsiemititsari echirula khulukuku lwaKipiro nichisiayilwe ameeno ketsinzofu.
7Litangalio liali elieikitani indorotoro eyamakha, eyarula eMisiri,
mbu likhubeele eshilolelo;
eshifuunikhoshio nashio neshieibuluu neisambarau, okhurula khubikhalachinga biaElisha.
8Abamenyanga eSidoni neArawadi bali abafuchibo;
abandubo abachesi, iwe Tiro, bali mwiwe;
nibo abali abachesiabo.
9Abakofu beGebali nabachesi bayo bali mwiwe,
nibali abasibi betsinzafwa;
amaaro kosi keinyanza nabakholi bamwo bali mwiwe nibakulaasaninjia ninawe ebiobukhala.
10AbePeresia nabeLudi nabePuti bali mwihelio, nibali abandu belihe; baachikha eshikhumba neikuutwa mwiwe; bakhumeetela obukaasu. 11AbeArawadi nabamaheko bali khulukobalwo, nabo abeGamadi bali muminaarachio; baachikha ebikhumba biabwe khulukobalwo tsimbeka tsiosi; bachila obung'oonefubwo nibuba habwene.
12Tarashishi yali omunduwo wobukhala khulwa obunji bwebiobuyinda bietsimbia tsiosi; bakulaasia emianduchio ifeetsa, neshibia, neibaati, netsisasi. 13Yawani naTubali naMeshekhu bali abahoonibo; bakulaasia emianduchio abandu nende ebindu biomukasa. 14Abeinzu yaTogama bakulaasia emianduchio tsifarasi, netsifarasi, tsielihe, netsinyumbu. 15AbaDedani bali abahoohibo; tsinguku tsinyinji tsiali ebiiro ebiomumukhonokwo; bakhuleerela ameeno ketsinzofu netsimbaho tsiemipingo bibe ebihaanwa. 16Siria yali omunduwo wobukhala, khulwa obunji bwemianduchio; babikulaasia tsinopeki, neingubo yeisambarau, neyamakha, neikitani indorotoro, netsifetsaluka, netsikatikoti. 17Yuda nende eshialo shiaIsiraeli bali abahoonibo, bakulaasia emianduchio ingaano yeMinitsi, neipanagi, nobuushi, namafura, neindesi yeshiuya eshilayi. 18Damasiko yali omunduwo wobukhala, khulwa obunji bwemianduchio, nokhulwa obunji bwebiobuyindabio bietsimbia tsiosi; neidivai yaHeliboni, nobwoya obulafu bwamakondi. 19Wedani naYawani, okhurula eUzali, bakulaana ninawe emiandu; bakulaasia emianduchio eshibia eshiiraanye, neikita, nolusi Iweshing'aari. 20Dedani yali omuhooniwo wetsingubo tsiokhwala khutsifarasi etsio khuchendela. 21AbebuArabu nabakhulundu bosi baKedari bali abandubo bobukhala; nibo abakholibo bobukhala bwamakhondi, namamiiku, netsimbusi. 22Abahooni beSheba naRaama bali abahoonibo; bakulaasinjia emianduchio tsindesi tsieshiuya tsikhulundu, noruchina rwolukoosi, neitsahaabu. 23Harani naKane naEdeni, abahooni baSheba naAshuru naKhilimadi, bali abahoonibo. 24Nibo abali abahoonibo bemiandu emilobole, mbu tsingubo tsieibuluu netsiamakha, netsingubo tsing'oonefu, etsiboyilwe butinyu, mubindubio biobukhala. 25Amaaro kaTarashishi kakhuchendelanga nikakhuchinjila ebiobukhala.
Kho wabukwa nositohelwa hakari mutsinyanza.
26Abafuchi bamaaroko bakhuusiye hamatsi amanji;
omuyeka kwebukwe kukhufunachiile hakari mutsinyanza.
27Ebiobuyindabio, nemianduchio, nebiobukhalabio,
nabakholi abomumaaroko, nabachesiabo,
nabasibi betsinzafwatsio, nabakholi beinganga,
nabandubo belihe bosi, abali mwiwe,
halala nomukandakwo kwosi kwabali hakari mwiwe,
balakwa munyanza hakari khunyanga yokhukwakhwo.
28Khuluyoka Iwetsimbungu tsiabachesiabo kata obwayilo bularenga.
29Abatiili bemiikho bosi abakholi abomumaaro nabachesia khunyanza baleekha nibarula mumaaro kabwe nibasinjila khulukuku,
30nibachinga omunwa khukoko,
nibakhupa tsimbungu nobululu,
nibeepuuka olufu khumirwe,
nibakalakala mwikoshe.
31Baleebeka olubeko khululwo,
nibeeboha tsingubo tsiamakunia,
nibakhulilila amasika nobululu bwomwoyo,
nibeekhuula obululu bwene.
32Ne mukhwikhuula khwabwe balakhukasilia olwikhuulu nibakhwimbila, bari
Ali heena owamululwa shinga Tiro hakari munyanza?
33Olwa emianduchio chiarula mutsinyanza weekusia abandu abanji;
wayindihasia abaruchi bebialo biosi nobunji bwebiobuyindabwo nobwemianduchio chiobukhala.
34Bulaano olwa wamuluulwe netsinyanza mutsisiba tsiamatsi ebiobukhalabio nabakholibo bosi bakwile halala hakariwo.
35Bosi abamenya khutsinguku bakhung'ang'aalila,
nabo abaruchi babwe baria okhuria khwamakana,
nibakhunia mumoni.
36Abandu bobukhala abali mubandu bakhunyokhoosia;
okwile eshiamariisia,
ne shiolabaho khandi inziayo ta.
Currently Selected:
Ezekieli 27: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
