Ezekieli 21
21
Olukanga lwOMWAMI oluyiakale
1Likhuwa liOMWAMI nilinzitsila liri 2Mwana womundu, choomia tsimonitsio okhuhenga enaYerusalemu, niwilwatsa nohenjile habandu ahatakatifu, nolakulila eshialo shiaIsiraeli, 3nosunjila eshialo shiaIsiraeli ori Kano niko aka OMWAMI aboola; mbu Lola, ekhufukula; endi okhutsomola olukanga lwanje muluula, ne ndalakhalaka khwiwe abalunjishi nababii bombi. 4Kho olwa endi okhukhalaka khwiwe abalunjishi nababii, niko akachila olukanga lwanje lularula muluula, niluseera abandu bosi, okhurula esautsi okhuula enotsi; 5mana abandu bosi balamanya mbu isie OMWAMI enzomoole olukanga lwanje muluula; kata shilulakalukhamwo khandi ta. 6Kho yisia amahuumo, mwana womundui yisia amahuumo nobululu, omwoyokwo nikutubuushe, imbeli wetsimoni tsiabwe. 7Mana olwa balakhureeba bari Mbushiina niwisia amahuumo? Oba-kalusie mbu Khulwa amakhuwa aka embuliile; okhuba kali okhwitsa; ne buli mwoyo kulayengukha, amakhono kosi nikatubukha, buli roho niyihweelela, amasikamo kosi nikakwa shinga amatsi. Lola, kali okhwitsa, ne kaleekhola, Omwami NYASAYE aboola. 8Likhuwa liOMWAMI nilinzitsila, liri 9Mwana womundu, rumbula nosunga ori Kano niko aka OMWAMI aboola; mbu Sunga ori
Olukanga, olukanga, oluyiakaalwe,
niluruutwa bulayi;
10luyiakaalwe khulwa obwiri,
niluruutwa luhenushe shioluhenu.
Nohomba khuboola butswa aketsinzekho? Mwana wanje, indabushi yichinguulwa okhuyinga ebindu biemusaala ebiinamilungwa. 11Luhaanilwe okhuruutwa, mbu mana lutiilungwe nomukhono; olukanga tsana luyiakaalwe niluruutwa mbu luhaanwe mumukhono kwomwiri. 12Lakaya nokhupa tsimbungu, iwe mwana womundu; okhuba luli khubandu banje, luli khubakhulundu bosi baIsiraeli; bahaanilwe khulukanga halala nabandu banje; kho wikhupe lirango. 13Okhuba okhuteemwa khuliho; ne kakhaba karie, indabushi tsana eyobulechi niyiba niyihwaho? Nolwa Omwami NYASAYE areeba.
14Kho iwe, mwana womundu, rumbula, nokhupa tsikhofi; olukanga Iwitse khabili, kata okhuula khataru, olukanga Iwobwiri; olukanga olukhongo Iwobwiri olubafumbiile. 15Ereele olukanga habilibwa biabwe biosi, mbu emioyo chiyengushe, nibeesichirala muno. Woowe! Lukwile oluhenu, niluruutwa khulwa obwiri. 16Wiyiakale khumukhono musaatsa nokhumukhasi, aha tsimonitsio tsiachoomiibwe. 17Nasi siesi ndalakhupa tsikhofi, nihutsulusia obululu bwanje; isie OMWAMI nisie ouboolile.
18Likhuwa liOMWAMI nilinzitsila khandi, liri 19Mwana womundu, raho tsinjila tsibili etsia olukanga Iwomuruchi waBabeli lunyala okhulondakhwo; natsio tsibili tsibe etsirula khushialo shilala. Mana raho eshiolelo; oshircho khubuchaachilo bweinjila eyitsia mwitookho. 20Oreho injila khulwa olukanga okhuula eRaba ewabaana baAmoni, nende okhuula khuYuda naYerusalemu eliolukhoba. 21Okhuba omuruchi waBabeli asinjiile hamasanganjila, khumirwe chietsinjila etsio tsibili, okhulakula. Areesia ebisele, nareeba omuterafi, nahenjelesia eshini. 22Ikha yaYerusalemu yimukwira khumukhono musaatsa; kho yaho niho aha alachinjila amakhu, naraho emiyini echiokhutuya ebilibwa, okhuswala ebituuli netsingoba. 23Ne kalababeela obulakusi obukhaya mumoni tsiabwe; bayeetsuba ebiitsubo; ne abeetsusia akobumayaanu bwabwe, mbu bahambwe.
24Khulwako kano niko aka Omwami NYASAYE aboola; mbu Shichila mwachilile obumayaanu bweenywe nibwitsulilwa, obukhayi bweenywe nibufuunulwa, mana mubikhole bieenywe biosi ebionoono bieenywe biloleshelanga; mbu shichila mumalile okhwitsulilwa, mulahambwa imbambe. 25Nawe, omubii iwe owoonoonekha, omukhulundu waIsiraeli owa induukhoyo yulile, eshise shiobukuumwi obuhelelesia, 26kano niko aka Omwami NYASAYE aboola; mbu Rusiaho eshilemba rungula olusimbi; shikalabeetsanga kario khandi ta; chinguula eshili hasi, niwisia eshili hekulu. 27Amalikulukho, amalikulukho, amalikulukho! Ndalalikwisia amalikulukho akaraliho khale ta, okhuula olwa aleetsa oulikhoyeele; mana ndalamuheelesia ye.
Obuyaasii khubaAmoni
28Nawe, mwana womundu, lakula, nosunga ori Kano niko aka Omwami NYASAYE aboola khukabaana baAmoni, nende khumanyeko kabwe; oboole mbu Olukanga, olukanga lutsomoolwe khulwa obwiri; luruutilwe mbu lung'inang'ine, niluhenukha shinga oluhenu; 29olwa bakhulolela akobukhaya, olwa bakhulakulila akobubeeyi; lulareebwa khwikosi liababii abo abayonooneshe, aba induukho yabwe yulile, eshise shiobukuumwi obuhelelesia. 30Olukalusie muluula lwalwo. Habundu yaho ewa walonjelwa, mushialo eshiaweebulilwamwo, neyo ewa ndalakhuyaasilia. 31Ne ndalakhutsushiilila obusinyishi bwanje; ndalakhufuurila omulilo kwoburima bwanje; ndalakhuhaana mumakhono kabandu abali eshinasolo, abali abasitsa mukhumulula. 32Olakwa butswa tsikhwi tsiomulilo; amabangako kalanyooleshela mushialo hakari; shioleetsulilwa khandi ta; isie OMWAMI nisie ouboolile.
Currently Selected:
Ezekieli 21: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
