Ezekieli 19
19
Olwikhuulu khulwa abakhulundu balsiraeli
1Nawe, yikhuula olwikhuulu khulwa abakhulundu baIsiraeli, 2nosunga mbu
Mawo yali shiina? Mbu italanyi ikhasi hakari wetsitalanyi.
Yakona hakari wetsitalanyi tsimbuukha,
niyinuunia abaana bayo.
3Yoola mulala khubaana bayo,
nayo niyiikhola italanyi imbuukha,
niyeka okhuhamba eshioluyiitsi,
niyilia abandu.
4Nako amahange nibachikhupila tsimbungu,
nayo niyitiililwa mubuko bwabwe nibachitiila netsisako,
nibachiyila mushialo shiaMisiri.
5Ne olwa nyina yalola mbu yilindiililanga butswa,
mbu eya yinaayilanga yakora,
kho yabukula oundi owomubaana bayo,
niyichikhola yibe italanyi imbuukha.
6Nayo yatsiitsanga eyi nende yei mutsitalanyi,
niyiikhola italanyi imbuukha;
niyeka okhuhamba eshioluyiitsi,
niyilia abandu.
7Yoonoonia tsinzu tsiabwe tsikhulundu,
niyikwisia amataala kabwe amakunda;
eshialo nishitechesibwa, nende abalimwo bosi,
khulwa amayoosi kokhuhoola khwayo.
8Mana amahanga nikachisanjilila okhurula mungongo, tsimbeka tsiosi,
nibaala olurimba lwabwe khuyo,
nayo niyitiilwa mubuko bwabwe.
9Nibachikhwesa netsisako nibachira mundindi nibachiyila ewomuruchi waBabeli;
nibachira mulukoba lwamaani,
mbu omwoyo kwayo kuleshe okhuhuliilishila khandi khungulu tsiaIsiraeli.
10Mawo yengn shinga omutsabibu mumukunda kwemitsabibu,
okwaraakwa hamatsi amanji;
kwaamanga muno nikwitsula tsisaka khulwa obunji bwamatsi.
11Kwali netsisaala tsiamaani khulwa tsindabushi tsiabaruchi;
tsiarambiha muno okhuula khumaleesi,
nitsiloleshela muburambi bwatsio hakari wobunji bwetsisaka tsiakwo.
12Nebutswa kwasiulwa khulwa obululu,
nikusukunwa hasi khwiloba,
omuyeka kwebukwe nikuumia ebiamo biakwo,
tsisaala tsiakwo tsiamaani tsiakhalakwa nitsi niala;
omulilo kwatsilia.
13Ne bulaano kwahuyibwa nikuraakwa mushitsiimi,
mushialo eshiumu eshihangalafu.
14Omulilo kurulile mutsisaala tsietsisaka tsiakwo nikulia tsisaka nende ebiamo biakwo;
kho bulaano kubulakhwo olusaala lwamaani olwakhaba indabushi yomuruchi.
Luno nolwikhuulu; nilwikhoonyelwa nabeekhuuli.
Currently Selected:
Ezekieli 19: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
