Ezekieli 16
16
Yerusalemu libula obwisiikwa
1Khandi likhuwa liOMWAMI nilinzitsila, liri. 2Mwana womundu, manyia Yerusalemu ebisinyobie, shinga olwa bili, 3nosunga ori Kano niko aka Omwami NYASAYE aboolela Yerusalemu; mbu Eshinokoshio nokhwibulwakhwo nebieshialo shiabaKanaani; so yali omuAmori, naye mawo yali omuHiti. Ne okhwibulwakhwo naye mawo yali omuHiti. 4Ne okhwibulwakhwo, khunyanga eya weebulilwakhwo shiwateetwa olulela kata okhwosibwa mumatsi mbu olabibwe, kata okhuruutwakhwo omuunyu kata okhukanyilwa mungubo ta. 5Shiyaliho imoni yosi eyakhubeele tsimbabasi, okhukhukholela amakhuwa ako kosi, kata okhukhukholela akeshisa ta; nebutswa weebalwa mumukunda ebulafu, shichila wabasinya khunyanga eyo eya weebulilwakhwo.
6Ne olwa ndali nikhubirakhwo, nikhulola nokalakalanga mumabangako, ndakhusunjila habwenaho mumabangako, mbu Obe mwoyo; 7nokhula shinga indombo eyomumukunda. Kho nokhula, noba omurambi, niwula khubukubuyu; tsimbeeletsio nitsisinjila, liswilio nilirambiha; nebutswa wali noshili omukhaya, eshihechenye.
8Kho olwa ndakhubirakhwo khandi nikhuhenga, lola, wali notuushile obuheeli; nasi ninzala ingubo yanje khwiwe, nifuunikha eshihechenyeshio; kata ndakhwitsubila, nindakana ninawe indakano, Omwami NYASAYE aboola; nawe noba owanje. 9Mana nikhwosia namatsi; toto, ndakhwosilia elala amabangako akali khwiwe, nikhubakhakhwo amafura. 10Khandi ndakhufwala tsingubo tsiamakha, nira mubilenjebio ebilaario biamaseelo amanyushe, nikhufuubila ikitani indorotoro, nikhufwimba etsieilaasi. 11Nikhusiaha ebimili, nira emikasa khumakhonoko, nomunyolo mwikosi; 12nira ingaka mumooloko, netsingaka etsiokhubirwi, nolusimbi olung'oonefu khumurwekwo. 13Kho nilwo olwa wasiahwa ebieitsahaabu neifeetsa; ebiifwalobio nabio biali ebieikitani indorotoro neilaasi netsiamakha; nokhulia waliitsanga obusie obunyushe nobuushi namafura. Wali owelikondo muno, nokaasila olukhaye Iwomuruchi. 14Kata wafuma mumahanga khulwa likondolio; shichila liali habwene, khulwa ing'oono eya ndakhurakhwo, Omwami NYASAYE aboola.
15Nebutswa weesiika likondolio, nokhola akobutamba khulwa ifumayo, nosundula busundula obuheyibwo khubuli mubiri yesi, nibuba khuye. 16Wabukula ebiokhubiifwalobio, niwikasilia habundu aheechingu, ahasiahwa amakondokondo, nokholelaho akobutamba; akafwana kario shikakholekha, kata shikalikholekha ta. 17Wabukula nende ebimilibio ebing'oonefu ebieitsahaabu yanje neifeetsa yanje, ebia ndali nikhuheele, nobikhola ebifwarani biabasaatsa, nokhola ninabio akobutamba; 18nobukula nende ebiifwalo biamakha nobifwimba, norenjekha amafura kanje namalesi kanje kelibuuliesi imbeli wabio. 19Nomukaate kwanje kwosi okwa ndakhuheelesia, okwobusie obunyushe namafura nobuushi, ebia ndakhuheelesinjia okhulia, wakureetsanga imbeli wabio khulwa eshiuya eshilayi; nikuba kurio; Omwami NYASAYE aboola. 20Khandi wabukula abaanabo abasiani nabakhaana aba wanzibulila, nobeera babe omusango khubio, okhuliibwa. Obutambabwo bwosi bwali butswa likhuwa lituutu, noho, 21mbu nomala niwira abaana banje nobahaana mumulilo khubio? 22Ne mubisinyobio biosi nobutambabwo bwosi shiwayeetsulila tsindaalo tsiobwanabwo, olwa wali omukhaya, eshihechenye, nokalakalanga mumabangako, ta.
23Mana olunyuma Iwobubiibwo obwo bwosi (Woowe, woowe khwiwe! Omwami NYASAYE aboola) 24wamala wumbashe inzu irambi, niwikholela habundu aheechingu khubuli injila. 25Wayumbakha habunduwo aheechingu khubuchaachilo bwabuli injila, nokwisia likondolio eshisinyo, niwiyikulila buli mubiri yesi, niwinjiyia obutambabwo. 26Khandi waheyanga nende abaMisiri abamenyanibo abokhwilaasia, niwinjiyia obutambabwo, okhusinyisia. 27Khulwako, lola, enyiilile omukhono kwanje ikuluwo, nindiitiyia omukabokwo, nikhuhaana khukhwenya khwa abo abakhukiya, mbu abakhaana babaFilisiti, abafwimbwa omurwe khulwa obwilaasibwo. 28Khandi wakhola akobutamba nabaAshuru, shichila shiwanyalikhanga ta; toto, wakhola akobutamba ninabo, nebutswa shiwanyalikha ta. 29Khandi wayeenjiyia obutambabwo mushialo shiobukhala, mbu ebuKalidayo; nebutswa shiwanyalikha orio ta.
30Omwoyokwo nomuteshele muno, Omwami NYASAYE aboola, olwa okholanga ako kosi, ebikhole biomutamba oweinjinia, 31niwumbakha inzuyo irambi khubuchaachilo bwabuli muhanda, nokasia habunduwo aheechingu khubuli injila. Nebutswa shiwali shinga omutamba ta, shichila walekanga emirungo. 32Omukhasi omuheyi, owinjisia abacheni mushilenje shiomusaatsawe! 33Abandu baheelesinjia abataunba bosi ebihaanwa; nebutswa iwe waheelesia abatiabo bosi ebihaanwabio, nobarunga eshiomufuusi mbu bakhwitsile okhurula tsimbeka tsiosi, khulwa obutambabwo. 34Wayahukhaniile elala nabakhasi bandi mubutambabwo, shichila babulaho abakhulonda okhuheya ninawe; khandi shichila orunganga omurungo, oburarungwa ta; akoko nakabwe kahukhaniile elala.
35Khulwako, iwe omutamba, hulila likhuwa liOMWAMI; 36kano niko aka Omwami NYASAYE aboola; mbu Okhuba wabisula obwilaasibwo nofuunula eshihechenyeshio mukhuheya nabatiabo; khandi khulwa emindu echiinamilungwa echiebisinyobio, khandi khulwa amabanga kabaanabo aba wachiheelesia, 37niko akachila, lola, ndalakhung'aasia halala abatiabo bosi aba wakholanga ninabo emienya chieenywe, nende abo bosi aba waheelanga, haiala nende abo bosi baba wakiyanga; ndalabakhung'aasia okhukhufukula tsimbeka tsiosi, mana ndalafuunula eshihechenyeshio imbeli wabwe, mbu bosi balole eshihechenyeshio. 38Ne ndalakhuyaasia, shinga abakhasi aboonoonia obuteeshani nabaraatsia amatsayi olwa bayaasibungwa; ndalakhuhaana khube imbalikha nobululu. 39Ndalakhuhaana mumakhono kabwe, nabo balakwisia inzuyo irambi nibalikulula habunduwo aheechingu, niba-khunaabula tsingubotsio nebimilibio ebilayi, nibakhulekha noli omukhaya, eshihechenye. 40Khandi balatikulusia omukanda okhukhufukula, nibakhulasa namachina, nibakhufumira netsinganga tsiabwe. 41Balasamba tsinzutsio nibakhukholela akobuyaasii abakhasi abanji nibalolane ndalaakamia obutambabwo, kata shiolarunga omurungo khandi ta. 42Nolwa ndalahutsulusilia obululu bwanje khwiwe, nayo imbalikha yanje yilakhurulakhwo, niholeela, oburaba noburima khandi ta. 43Shichila shiwayeetsulila tsindaalo tsiolwanalwo ta, nebutswa niusinyisia mumakhuwa ako kosi, niko akachila, lola, ndalaleera obukuumwi bweinjilayo khumurwekwo, Omwami NYASAYE aboola. Khubisinyobio biosi, shiomeetilekhwo okhukhola akobwilaasii?
44Lola, buli mundu owikhoonyela tsinjelo aleekhoonyela oluchelo luno khwiwe, mbu Weeyama yalia kwanyina 45Iwe oli omukhaana wamawo, owa omusaatsawe nabaanabe bamusinya; khandi oli omukhaana wabwe abakhaana beenywe, aba abasaatsa babwe nabaana babwe babasinya; mawo yali omuHiti, naye so yali omuAmori. 46Omukhaana weenywe omukhulundu niye Samaria, oyo owamenya elubeka Iwenotsi halala nabaanabe abakhaana; naye omukhaana weenywe omushe, owamenyanga esautsi, niye Sodomu, halala nabaanabe abakhaana. 47Ne shiwachenda butswa munjila tsiabwe, kata okhukhola akebisinyo biabwe, ta; nebutswa olunyuma Iweshise eshitiiti wabashila obubii munjilatsio tsiosi. 48Isie uno! Omwami NYASAYE aboola, omukhaana weenywe Sodomu nabakhaanabe shibakholile shinga iwe olwa okholile, halala nabakhaanabo, ta. 49Lola, kano niko akali obumayaanu bwomukhaana weenywe Sodomu; mbu ye nabakhaanabe bali nobwikhulumamii, nokhwikura khwebiliibwa, noburabaale; kata shibakhoonya ababisandu abatakha ta. 50Bali abeisunga, nibakhola eshisinyo imbeli wanje; niko akachila nimbarusiaho, olwa ndakalola. 51Ne kata Samaria shiyakhola inusu yebionoono bibio ta; habula iwe wayeenjiyia ebisinyobio okhushila bo, nochila abakhaana beenywe nibalolekha shinga abalunjishi, khulwa ebisinyobio ebia wakhola. 52Nawe, wituushe tsisonitsio omwene, okhuba wikholile omukayili wabakhaana beenywe; khulwa ebionoonobio ebia wakholilenje, ebiali biebisinyo okhushila biabwe, bo bakhushila obulunjishi. Kho wesi okhoyile okhufwimbwa omurwe nokhwituukha tsisonitsio, shichila niwe ouchilile abakhaana beenywe nibalolekha shinga abalunjishi. 53Ne ndalakalusia tsikhabi tsiabwe, mbu tsikhabi tsiaSodomu nabakhaanabe, netsikhabi tsiaSamaria nabakhaanabe, netsikhabi tsitsio hakari wabwe, 54mbu wituushe tsisonitsio nofwimbwa omurwe khulwa kosi aka wakhola, nobalemia omwoyo orio. 55Kata abakhaana beenywe Sodomu nabakhaanabe balakalushila liba liabwe eliambeli, nabo Samaria nabakhaanabe balakalushila liba liabwe eliambeli, nawe omwene nabakhaanabo mulakalushila liba lieenywe eliambeli. 56Shiwarumbulanga omukhaana weenywe Sodomu nomunwakwo mundaalo tsiobwikhulumamiibwo, 57obubiibwo olwa bwali niburashiafuunulwa ta? Shinga iwe olwa okwile linyeko khubakhaana baEdomu nende abamubotokhana bosi, nende khubakhaana babaFilisiti, abakhuchayanga tsimbeka tsiosi. 58Obukuumwi bwobwilaasiibwo nebisinyobio buli khwiwe, OMWAMI aboola.
59Okhuba kano niko aka Omwami NYASAYE aboola, mbu Ndalakhukholela shinga iwe olwa wakhola, iwe owaleka eshiitsubo niwoonoonia indakano. 60Nebutswa ndaleetsulila indakano eya ndalakana ninawe mundaalo tsiolwanalwo, ne ndalakhuralisilia indakano eyirahwaho ta. 61Mana oleetsulila tsinjilatsio, nofwimbwa omurwe, olwa ndalabukula abakhaana beenywe, mbu omukhulundu nende omushe, nimbakhuheelesia babe abaanabo; ne shikhulaba khulwa indakanoyo ta. 62Ne ndalaralisia indakano yanje ninawe; mana olamanya mbu isie nisie OMWAMI; 63mbu mana witsulilenje, nofwimbwa omurwe, norachinga omunwakwo khandi ta khulwa tsisonitsio; olwa ndalaba nikhulesheele kosi aka wakhola Omwami NYASAYE aboola.
Currently Selected:
Ezekieli 16: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
