Ezekieli 15
15
Yerusalemu lifwanana nomutsabibu okurakaasa ta
1Likhuwa liOMWAMI nilinzitsila, liri 2Mwana womundu, omusaala kwomutsabibu kushila omusaala kundi kwosi nende shiina, kata olusaka Iwomutsabibu okuli mumisaala echiomumutsuru? 3Tsimbaho tsiakhanyala okhubukulwalihwo okhukhola omulimo kwosi noho? Kata abandu bakhanyala okhunyoolakhwo eshikuru okhufungakhwo eshindu shiosi? 4Lola, kusundwa mumulilo kube tsikhwi; omulilo kuliitsanga enamurwe nende enashitakho, kata nende hakari kukwile amanda; kho kukaasila omulimo kwosi noho? 5Lola, olwa kwali nikushili omuIamba, shikwahela omulimo kwosi ta; nokhushila muno olwa omulilo kuba nikukuliile, okwene nikukwile amaanda, shikwakhanyala okhuhela omulimo kwosi ta. 6Khulwako, kano niko aka Omwami NYASAYE aboola; mbu Shinga omusaala kwomutsabibu mumisaala echiomumutsuru, okwa ndahaanile khumulilo kube tsikhwi, nolwa ndalahaana abamenyanga muYerusalemu endio. 7Ndalarakhwo omwoyo okhubafukula; balarula khumulilo, nebutswa omulilo kulabalia; mana mulamanya mbu isie nisie OMWAMI, olwa ndalarakhwo omwoyo okhubafukula. 8Khandi ndaIakwisia eshialo likunda, shichila babulile obwisiikwa, Omwami NYASAYE aboola.
Currently Selected:
Ezekieli 15: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
