Ezekieli 14
14
Obuyaasii khubeenamili bebifwanani abareebanga ewomunabii
1Mana abandi abokhubakofu baIsiraeli nibanzitsila, nibeekhala imbeli wanje. 2Likhuwa liOMWAMI nilinzitsila, liri 3Mwana womundu, abandu bano beenjisiye emindu echia beenamilanga mumioyo chiabwe, nibara eshiisichirasio shiobumayaanu bwabwe imbeli wetsimoni tsiabwe; kho nasi ereebungwekhwo ninabo noho? 4Kho osungane ninabo, nobaboolela ori Kano niko aka Omwami NYASAYE aboola; mbu Buli mundu weinzu yaIsiraeli owinjisinjia mumwoyokwe eminduchie echia yeenamilanga, noureetsanga eshiisichirasio shiobumayaanubwe imbeli wetsimonitsie, ne niyeetsa khumunabii, isie OMWAMI ndalamukalusiamwo omwene, khulwa obunji bweminduchie chienechio, 5mbu ehambe emioyo chiabeinzu yaIsiraeli, shichila bakwile abasuku khwisie khulwa emindu chiabwe echia beenamilanga.
6Khulwako, osunjile abeinzu yalsiraeli ori Kano niko aka Omwami NYASAYE aboola; mbu Mwikalukhasie, mushiukhane okhurula khumindu chieenywe echia mwinamilanga, nimufutaarila ebisinyo bieenywe biosi. 7Okhuba buli mundu weinzu yaIsiraeli, kata owomubarende abamenya muIsiraeli, owikabukhasia ninasi, niyeenjisia eminduchie tsana mumwoyokwe, nara eshiisichirasio shiobumayaanubwe imbeli wetsimonitsie, mana niyeetsa khumunabii okhureeba ewanje khukeke, isie OMWAMI ndalalamukalusiamwo omwene. 8Ne ndalarakhwo omwoyo okhufukula omundu oyo, nimukhola abe eshilolelo khandi oluchelo; ne ndalamukhalaka arule hakari wabandu banje; mana mulamanya mbu isie nisie OMWAMI. 9Ne omunabii oyo naba nakaatibwa naboola likhuwa, nisie OMWAMI ouba nimukaatiye omunabii oyo; ne ndalanyiila omukhono kwanje khuye, nimumalilana hakari wabandu banje Isiraeli. 10Ne obukuumwi bwobumayaanu bwabwe bulaba khubo; obukuumwi bwomunabii nabwo bulaba bulala nobukuumwi bwa oyo oumureebakhwo; 11mbu inzu yaIsiraeli yileshe okhushiama khandi okhurulakhwo, kata okhwira mwibilu khandi khulwa obumayaanu bwabwe bwosi ta; ne mbu babeetsenje abandu banje, nasi nimba Nyasaye wabwe; nolwa Omwami NYASAYE aboola.
Obukuumi bwaNyasaye khuYerusaletnu nihabwene
12Mana likhuwa liOMWAMI nilinzitsila, liri 13Mwana womundu, olwa eshialo nalebe shiba nishinzonoonela nishibula obwisiikwa, nasi ninyiila omukhono kwanje khushio, nifunaka omutiichilo okwa shiisiililanga, mbu obusuma, niruma inzala khushio, nikhalaka mushio abandu nemiruko; 14khane abandu bano bataru, mbu Noa naDanieli naAyubu, nibakhabeelemwo, khane bakheehonia butswa obulamu bwabwe bwonyene, khulwa obulunjishi bwabwe, Omwami NYASAYE aboola. 15Nimba nimbisia tsisolo tsimbalaba mushialo, natsio nishishionoonia, nishikwa likunda, mbu omundu yesi aleshe okhubiramwo khulwa tsisolo tsana; 16khane abandu abo bataru nibakhabeelemwo, isie uno! Omwami NYASAYE aboola, Khane shibakhahonia kata abaana abasiani kata abakhaana ta; bakhahona abeene bonyene, ne eshialo shiakhakwa likunda. 17Kata nimba nileera olukanga khushialo tsana, nimboola mbu Olukanga, bira mushialo shiosi; nikhalaka endio abandu nemiruko mushio; 18khane abandu abo bataru nibakhabeelemwo, isie uno! Omwami NYASAYE aboola, khane shibakhahonia abaana abasiani kata abakhaana ta, habula abeene bonyene bakhahona. 19Kata nimba niruma oluumbe mushialo tsana, nishisundulilakhwo obuIulu bwanje mumabanga, okhukhalaka mushio abandu nemiruko, 20khane Noa naDanieli naAyubu nibakhabeelemwo, isie uno! Omwami NYASAYE aboola; Khane shibakhahonia abaatla abasiani kata abakhaana ta; bakheehonia butswa obulamu bwabwe bwonyene khulwa obulunjishi bwabwe.
21Okhuba kano niko aka Omwami NYASAYE aboola; mbu Shikalashila muno olwa eruma akobukhalachi bwanje obululu kane khuYetusalemu, mbu olukanga, neinzala, netsisolo tsimbalaba, noluumbe, okhukhalaka mulio abandu nemiruko. 22Nebutswa lole, nibaba nibatong'amwo abeehonokooshe okhwimilila abaana babwe abasiani nahakhaana nibabarusiamwo, lole, balarula nibamwitsila, neenyu mulalola tsinjila tsiabwe nebikhole biabwe; mana mulalemibwa omwoyo khukamabii aha endeerile khuYerusalemu, niko kosi aka ndalaba nindeerile khulio. 23Balamulemia omwoyo, olwa mulalola injila yabwe nebikhole biabwe; mana mulamanya mbu kosi aka ndalaba nikholile mulio, shikholile aharali eshichila ta, Omwami NYASAYE aboola.
Currently Selected:
Ezekieli 14: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
