Ezekieli 13
13
Abanabii bobukaafii bakhalakwa eshiina
1Likhuwa liOMWAMI nilinzitsila, liri 2Mwana womundu, rumbula nofukula abanabii baIsiraeli abarumbulilanga muliira lianje nobaboolela abo abarumbulilanga muliira lianje akarula mumioyo chiabwe abeene, ori Hulile likhuwa liOMWAMI; 3kano niko aka Omwami NYASAYE aboolambu Woowe khubanabii abasilu abalonda khuroho yabwe abeene, nibaraluutsikhwo eshindu ta. 4E Isiraeli, abanabiibo babeelenje shinga amabwe mumakunda. 5Shimutikuluushe okhwinjila mubibanga kata okhuswalila Isiraeli olukoba, mbu beetinyie mubusolo khunduukho yOMWAMI, ta. 6Baluutsi akobukhaya nobufumu bwobubeeyi, abo abasunga OMWAMI aboola; ne OMWAMI shiyabarumile ta nibakaala mbu likhuwa lileekhola. 7Shimubeetsanga nimuluutsi libisulo likhaya, nokhuboola akobufumu bwobubeeyi buli olwa musunga mbu OMWAMI aboola; ne shimbeetsanga nimboolilekhwo ta?
8Khulwako, niko aka Omwami NYASAYE aboola; mbu Okhuba mwaboolanga amakhuwa amakhaya, nimulola akobubeeyi, kho, lole, emufukula, Omwami NYASAYE aboola. 9Omukhono kwanje kulanyinga abanabii abalola akobukhaya nibarumbula akobubeeyi muliira lianje; shibalaba mumuse kwabandu banje, kata shibalahandiikwa mulwanzilo Iweinzu yaIsiraeli kata okhwinjila mushialo shiaIsiraeli ta; ne mulamanya mbu isie nisie Omwami NYASAYE. 10Shichila, toto mwene, shichila bashiamiye abandu banje nibasunga mbu Omulembe, ne omulembe bikubulaho; khandi shichila olwa omundu yoombakha lisiisi, balihoomakhwo olufuyo; 11kho oboolele abandu abo abalihooma olufuyo, mbu liitsa okhukwa; ifula yilabaho inyinji, namachina amakhongo kelikulu, omuyeka kweimbumbuyeka nikuliabula. 12Lola, olwa lisiisi lilaba nilikwile, shimulareebwa mbu Okhuhooma okhwa mulihoomilenje khukhali heena? 13Khulwako kano niko aka Omwami NYASAYE aboola; mbu Ndalaliabula nomuyeka kweimbumbuyeka mubululu bwanje; ifula yilabaho inyinji muburima bwanje, namachina amakhongo kelikulu mubululu okhulimalilana. 14Nindio ndalalikulula lisiisi elia mwahoomilekhwo olufuyo, nindikwisia khwiloba, mbu omuse kwalio kufuunulwe; lilakwa, neenyu mulamaliIanwa hakari mulio; ne mulamanya mbu isie nisie OMWAMI. 15Nindio ndaloosia obululu bwanje khwisiisi tsana, nende khubeenabo abalihoomakhwo olufuyo; ne ndalamusunjila mbu Lisiisi lihweeleho, halala nende abo abalihooma, 16mbu abanabii baIsiraeli abarumbulanga khukeYerusalemu, abamulolela amabisulo komulembe, ne omulembe nikubulaho, Omwami NYASAYE aboola.
17Nawe, mwana womundu, rakhwo omwoyo okhufukula abakhaana babandubo, abarumbuliIanga muliira lianje amakhuwa akarula mumioyo chiabwe abeene; rumbula nobafukula, 18ori Kano niko aka Omwami NYASAYE aboola; mbu Woowe khubakhasi abanabanga tsiriisi mubiaba biosi, nibakasia ebitambaya biokhumirwe chiabandu babuli bukhongo, okhuyiima emioyo chiabandu! Mwenya okhuyiima emioyo chiabandu banje, nimuhonia emioyo chindi khulweenywe abeene noho? 19Mwayanzonooniye mubandu banje khulwa ishayiri eyifumbarwa mumakhono nende ebisonye biomukaate, okhwira abandu abarakwanile okhufwa ta, nokhuhonia abandi babe mwoyo abarakwanile okhuba mwoyo ta, khulwa obubeeyi bweenywe, olwa mubeehelanga abandu banje abareka amarwi khukobubeeyi.
20Khulwako, kano niko aka Omwami NYASAYE aboola; mbu Lola, efukula tsiriisi tsieenywe etsia muyiimilanga emioyo shinga amanyonyi, ne ndalatsirandula tsirule khumakhono keenywe ndalalekhuula emioyo tsana, nichio emioyo echia muyiima shinga amanyonyi. 21Ebitambaya bieenywe nabio ndalarandula, nireesia abandu banje mumakhono keenywe; shibalaba mumakhono keenywe okhuyiimwa khandi ta; ne mulamanya mbu isie nisie OMWAMI. 22Okhuba mwabeelesiye emioyo chiabalunjishi nobubeeyi, abo aba ndarabeelesia isie ta; nende okhutinyisia amakhono komubii, mbu aleshe okhukalukha okhurula khunjilaye imbii, yeehonokoshe abe mwoyo, ta; 23kho niko akachila shimulalola amakhuwa amakhaya khandi ta, kata okhukhola obufumu; ndalareesia abandu banje mumakhono keenywe; ne mulamanya mbu isie nisie OMWAMI.
Currently Selected:
Ezekieli 13: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
