Ezekieli 12
12
Ezekieli yalolosia eshifwanani shiobware nobubohe
1Likhuwa liOMWAMI nilinzitsila, liri 2Mwana womundu, omenyanga hanga hakari wabeinzu yeinduli, abali netsimoni okhulola, ne nibaralola ta; abali namarwi okhuhulila, ne nibarahulila ta; okhuba nabeinzu yeinduli. 3Kho, mwana womundu, wikasilie omukanji shinga okwowarwa, mana ohuye mushiteere nibalola; ohuye orule habunduwo shinga owarwa otsie haundi nibalola; haundi balatiila khushisina, kata olwa bali abeinzu yeinduli. 4Olarusin omukanjikwo mushiteere nibalola, shinga omukanji kwowarwa; nawe omwene olarula nibwilile, nibalola, shinga abandu olwa bakhola nibali okhwarwa. 5Yaba lisiisi nibalola, orulile mushibanga. 6Khandi ore omukanji khwibeka nibalola, orule ninakwo mushiilimawifuunishe mumoni, oleshe okhulola eshialo; okhuba ekhureeleho obe eshilolelo khubeihzu yaIsiraeli.
7Nasi nikhola shinga olwa ndalakwa; mbu ndarusia omukanji kwanje mushiteere, shinga omukanji kwowarwa; mana nibwilile niyaba lisiisi namakhono kanje, nirula ninakwo mushiilima, ninguchinga khwibeka nibalola.
8Mana nibushia mutsuli likhuwa liOMWAMI nilinzitsila, liri 9Mwana womundu, abeinzu yaIsiraeli, abeinzu eyo eyinduli, shibakhureebile mbu Okholanga shi? 10Obasunjile mbu Kano niko aka Omwami NYASAYE aboola; mbu Amakhuwa amasiro kano kali khukomukhulundu ouli muYerusalemu, nabeinzu yaIsiraeli bosi abalimwo. 11Sunga mbu Nisie eshilolelo khwinywe; mbu shinga olwa ekholile, nolwa bo balakholelwa; balatsia mubwarwi, nomubuhambe. 12Naye omukhulundu ouli hakari wabo alachinjila omukanjikwe khwibeka mushiilima narula; balayaba lisiisi okhurulilamwo ninakwo; naye aleefwimba mumoni, oburalola eshialo netsimonitsie ta. 13Khandi olurimba lwanje ndalalwala khuye, naye alahambwa mushireko shianje; ndalamuyila eBabeli mushialo shiabaKalidayo; nebutswa shialishilola ta, kata olwa alifwilayo. 14Ne ndalabasalaasia khubuli muyeka abo bosi abamufumbila okhumuhabina, nabamaheke bosi; ne ndalatsomola olukanga munyuma wabwe. 15Mana balamanya mbu isie nisie OMWAMI olwa ndalabakabula mumahanga, nimbasalaasia mubialo. 16Nebutswa ndalalekha abandu abatuutu khubo beehonokoshele khulukanga, nokhunzala, nokhuluumbe, mbu batoonye ebisinyo biabwe biosi mumahanga tsana ewa beetsa okhuula; ne balamanya mbu isie nisie OMWAMI.
17Khandi likhuwa liOMWAMI nilinzitsila, liri 18Mwana womundu, lia ebiliibwabio nokhutechela, nonywa amatsiko nokhurenga nende obuhendi; 19nosunjila abandu beshialo ori Kano niko aka Omwami NYASAYE aboola khukabamenyanga muYerusalemu nomushialo shiaIsiraeli; mbu balaliitsanga ebiliibwa biabwe nobuhendi, nibanywa amatsi kabwe noburii obukhongo, okhuba eshialo shiabwe shialekhwa eshikhaya, aharali biosi ebibeetsangamwo ta, khulwa amahababa ka abo bosi abamenyamwo. 20Amataala akamenyungwamwo nako kalakwisibwa likunda, eshialo shiosi nishiba eshikhaya; mana mulamanya mbu isie nisie OMWAMI.
21Likhuwa liOMWAMI nilinzitsila, liri 22Mwana womundu, oluchelo olwa muli ninalwo shiaIsiraeli luli lurie, olusunga mbu Tsindaalo tsimeetekha, ne buli libisulo lifuba? 23Kho obaboolele ori Kano niko aka Omwami NYASAYE aboolambu Ndalaakamia oluchelo olwo, kata shibalalwikhoonyelanga lube oluchelo muIsiraeli khandi ta; nebutswa obaboolele mbu Tsindaalo tsili ahambi, nobuusibwi bwabuli libisulo. 24Okhuba shililabaho libisulo liosi likhaya kata obufumu obulombelesia munzu yaIsiraeli khandi ta. 25Okhuba isie nisie OMWAMI; ndalaboola ne likhuwa elia ndalaboola lilakholekha; shililashisibwa khandi ta; okhuba mundaalo tsieenywe, inywe abeinzu yeinduli, ndalaboola likhuwa nindikhola, Omwami NYASAYE aboola.
26Khandi likhuwa liOMWAMI nilinzitsila, liri 27Mwana womundu, lola, abeinzu yaIsiraeli baboola mbu Libisulo elia alola nelietsindaalo etsili okhwitsa olunyuma; arumbulanga akebise ebishili ehale. 28Kho obasunjile ori Kano niko aka Omwami NYASAYE aboola; mbu Libulaho likhuwa liosi eliokhumakhuwa kanje eliitsa okhushisibwa khandi ta; ne likhuwa elia ndalaboola lilakholekha, Omwami NYASAYE aboola.
Currently Selected:
Ezekieli 12: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
