Ezekieli 11
11
Abakhulundu ababii baloshelwa
1Khandi Roho niyanjinga, niyambila hashilibwa shiebukwe shieinzu yOMWAMI, eshihenga ebukwe; ne hamuliango kweshilibwa tsana, abandu amakhumi kabili nabaraano mbabo; nindola hakari wabwe Yaazania waAzuri naPelatia waBenaya abakhulundu babandu. 2Niyasunjila mbu Mwana womundu, bano nibo abandu abakasinjia amabii, abachesiyinjia litookho lino obuchesiyii obubii; 3ababoolanga mbu Eshise eshiokhuumbakha tsinzu shishili okhuula; litookho lino nilio eyamuunyu, nifwe khuli inyama yene. 4Khulwako, rumbula nobafukula; rumbula, iwe omwana womundu.
5Mana Roho w niyanzitsila, niyamboolela ari Boola mbu Kano niko aka OMWAMI aboola; mbu Kano niko aka muboolanga, inywe abeinzu yaIsiraeli; okhuba emanyanga amakhuwa akeetsanga mumioyo chieenywe. 6Mwayeenjiyiye abeerwa beenywe mwitookho lino, nimwitsusia tsinjila tsialio abeerwa tsana. 7Ne niko akachila kano niko aka Omwami NYASAYE aboola; mbu Abeerwa beenywe aba mwayaalisiye hakari walio, nibo abali inyama, nelitookho lino neyamuunyu; nebutswa inywe mularusibwa hakari walio. 8Mwariitsanga olukanga; ne ndalaleera olukanga khwinywe; niIwo olwa Omwami NYASAYE aboola. 9Ndalamurusia hakari walio, nimuhaana mumakhono kabasuku, nikhola obuyaasii hakari weenywe. 10Mulakwisibwa khulwa olukanga; nasi ndalamuyaasilia halwakho lwalsiraeli; ne mulamanya mbu isie nisie OMWAMI. 11Litookho lino shililaba eyamuunyu yeenywe, kata inywe shimulaba inyama eyilimwo ta; ne ndalamuyaasilia halwakho lwaIsiraeli. 12Mana mulamanya mbu isie nisie OMWAMI; okhuba shimwachendelenje mumalako kanje kata okhukhola akobukhalachi bwanje tawe; nebutswa mwakholilenje akobukhalachi bwamahanga ako akamufumbila.
13Ne olwa ndali nirumbulanga, Pelatia waBenaya nafwa. Kho ndeekhupa hasi mafumama, nikhupa tsimbungu nomwoyo omukhongo, nisunga mbu E Omwami NYASAYE, witsa okhutibilia elala omusikalo kwaIsiraeli noho?
Nyasaye yasuubisia mbu alabakalusia habwene, banyoole okhuchaaka okhuyia
14Mana likhuwa liOMWAMI nilinzitsila, liri 15Mwana womundu, abaana beenywe, mbu abaana beenywe beene, nibo abandu abaluyia beenywe, nende bosi abeinzu yaIsiraeli, bosi pe, nibo aba abamenyanga muYerusalemu babooleele mbu Muratsaalikha okhusita ahambi khuMWAMI ta; nifwe abaheebwa eshialo shino shibe eshieefwe. 16Khulwako, oboole ori Kano niko aka Omwami NYASAYE aboola; mbu Kata nimbarusiye ehale mumahanga, ne kata nimbasalaasiye mubialo, ne ndalababeelanga habundu ahatakatifu eshisa, mubialo ewa baba niboolile. 17Khulwako, oboole orio Kano niko aka Omwami NYASAYE aboola; mbu Ndalamukhung'aasia okhurula mumbia tsiabandu, nimubunjelesia okhurula mubialo ewa mwali nimusalaasibwa; ne ndalamuheelesia eshialo shiaIsiraeli. 18Mana olwa baleetsamwo, balayiniamwo emisilo chiosi nebisinyo biosi ebilimwo, birulemwo. 19Nasi ndalabaheelesia omwoyo kwobulala, nira mubo roho imbia; ndalayinia omwoyo omutinyu okwinga shinga lichina, okhuli munyama yemibili chiabwe, nimbaheelesia omwoyo omutoro okwinga shinga inyama; 20mbu mana bachendenje mumalako kanje nibalinda obukhalachi bwanje, nibakakhola; nabo balaba abandu banje, nasi ndalaba Nyasaye wabwe. 21Nebutswa abo aba emioyo chiabwe chichendanga nichilonda khukemisilo chiabwe nebisinyo biabwe, ndalabakuuma khulwa tsinjila tsiabwe; nilwo olwa Omwami NYASAYE aboola.
22Mana abakerubi nibachinguula tsimbaha tsiabwe, emikurutumu nichili ahambi ninaboing'oono yoluyali lwaNyasaye waIsiraeli niyiba ikulu wabwe. 23Nayo ing'oono yoluyali Iw niyikulukha niyirula hakari welitookho, niyisinjila khulukulu oluli elubeka Iwebukwe welitookho. 24Roho niyanjinga niyambila mwibisulo tsana khulwa Roho waNyasaye ebuKalidayo, khubeenabo abali mubwarwi. Mana libisulo elia ndali ninduutsi nilikalukha nilirulakhwo. 25Mana nisungana nabobwarwi tsana khumakhuwa kosi aka OMWAMI yali niyamanyiye.
Currently Selected:
Ezekieli 11: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
