Okhurula 39
39
Obukholi bwebiifwalo biabakuhani
(Okhuru. 28.1-43)
1Ne khungubo yeibuluu, neyeisambarau, neiranzayi, bakhola ebiifwalo ebialukhwa bulayi, ebiokhukhalabanila habundu ahatakatifu; nibakhola nende ebiifwalo ebitakatifu biaHaruni; shinga OMWAMI olwa yali niyamulaka Musa.
2Ne yakhola ifoti eyo yetsingubo tsieitsahaabu, netsieibuluu, netsieisambarau, netsiranzayi, neikitani indorotoro isiire. 3Nibeeraanya itsahaabu yibe shinga amabaati amanyelele muno, nibachiarasia tsinaalo tsinyelele shinga obuusi, obwokhulushilwa halala nobweibuluu, nobweisambarau, noburanzayi, nende ikitani indorotoro, emilimo chiomulushi wamang'oole. 4Bachikholela ebitonye ebiokhumabeka ebioongasibwa halala, khundulo tsiayo tsiombi nikhwo okhwa yoongwa. 5Ne omushiipi kwobulushi bwamang'oole okwalikhwo, okwokhuchibohela, kwali eshindu shilala khuyo, nikufwanana ninayo okhunabwa khwayo; mbu okwobuusi bweitsahaabu, nobweibuluu, nobweisambarau, noburanzzyi, neikitani indorotoro isiire; shinga OMWAMI olwa yamulaka Musa.
6Nibakasia amachina keishohamu ako, akafumbilwa mubitiili bieitsahaabu imbase, akasaarilwa okhusaarwa khweshibalikho, ameera kabaana baIsiraeli shinga olwa kali. 7Nakara khubitonye ebiokhumabeka bieifoti, kabe amachina keshiitsulilo khulwa abaana baIsiraeli; shinga OMWAMI olwa yamulaka Musa.
8Khandi yakhola iloloti eyokhushilifu, emilimo chiomulushi wamang'oole, shinga emilimo chieifoti; eyetsingubo tsieitsahaabu, netsieibuluu, netsieisambarau, netsiranzayi, neikitani indorotoro Isiire. 9Nayo yahelana tsimbeka tsine tsiosi; bakhola iloloti nibafumba yibe eshikhabili; oburambi bwavo bwali inusu yomukhono, nobuchiikha bwayo inusu yomukhono, niyifumbilwe eshikhabili. 10Nibara khushio tsinyaali tsine tsianachina; olunyaali olwalimwo odemu, neipiteta, neibaraketsi, nilwo olunyaali lwambeli; 11oiunyali lwakhabili, mbu inopeki, neisapiri, nende yahalomu; 12olunyaali lwakhataru, mbu ileshemu, neishebu, nende ikhalama; 13olunyali lwakhane, mbu itarashishi, neishohamu, nende yashepe; nikafumbilwakhwo itsahaabu munyanzilo tsiako. 14Amachina ako kali shinga ameera kabaana baIsiraeli olwa kali, ekhumi nakabiri, ameera kabwe shinga olwa kali; shinga okhusaarwa khwelichina lieshibalikho, buli elala nende eliira lialio, khulwa tsimbia esio ekhumi natsibili. 15Khandi khuloloti eyo bakhola eminyolo shinga emikoye emiborole chieitsahaabu inzeleleshe. 16Nibakhola ebitiili bibili bieitsahaabu imbase, netsingaka Isibili tsieitsahaabu, nibara tsingaka etsio tsibili khundulo tsibili tsieiloloti. 17Nibara eminyolo echio chibili emiborole chieitsahaabu mungaka etsiali khundulo weiloloii. 18Ne tsindulo tsindi tsibili tsieminyolo emiborole chibili bara khubitiili bilia bibili, nibabira khubitonye ebiokhumabeka bieifoti, hambeli wayo. 19Nibakhola nende tsingaka tsibili nibatsira khundulo tsibili tsieiloloti, hakari, heifoti. 20Nibakhola nende tsingaka tsibili tsieitsahaabu, nibatsira khubitonye ebiokhumabeka bieifoti hasi khushitonye shieimbeli, ahambi nende obuunjilo bwayo, ikulu womushiipi kwobulushi bwamang'oole okweifoti. 21Nibaboha iloloti netsingaka tsiayo khungaka tsieifoti nolutsaha Iweibuluu, mbu yibe khumushiipi okwo kwobulushi bwamang'oole kweifoti, khandi mbu iloloti eyokhushilifu yirskabukhana nende ifoti ta; shinga OMWAMI olwa yamulaka Musa.
22Khandi yakhola ikanzu yeifoti yemilimo chiomulushi, yeibuluu yosi; 23nomuluhu kweikanzu hakari wayo, shinga omuluhu kweshitsengwa shietsinzubu, nikubotokhasibwa olulika khundulo wakwo, kuleshe okhurandukha. 24Nibakhola khundulo weikanzu hasi amakomamanga kobuusi bweibuluu, nobweisambarau, noburanzayi, neikitani isiire. 25Nibakhola nende tsinyimba tsieitsahaabu inzeleleshe, nibara tsinyimba hakari wamakomamanga okhubotokhasia khundulo weikanzu, hakari wamakomamanga; 26inyimba nelikomamanga, inyimba nelikomamanga, khundulo weikanzu okhuchibotokhasia, okhwifwala nakhalabananga; shinga OMWAMI olwa yamulaka Musa.
27Nibakhola nende amakoti keikitani indorotoro, emilimo chiomulush;, khulwa Haruni nende abaanabe, 28neshilemba shieikitani indorotoro, netsingofia etsieikitani indorotoro, netsiserwali tsieikitani isiire, 29nomushiipi kweikitani isiire, nikunabilwekhwo amang'oole keibuluu, neisambarau, namaranzayi, shinga OMWAMI olwa yamulaka Musa.
30Nibakhola nende eshimuli eshipaarale shiolusimbi olutakatiiu eshio shieitsahaabu inzeleleshe, nibahandiika khushio lihandiiko shinga okhusaarwa khwelichina, mbu OMUTAKATIFU wOMWAMI. 31Nibashibohakhwo olutsaha lweibuluu, okhushiboha khushilemba ikulu; shinga OMWAMI olwa yamulaka Musa.
Ebikholelo bieshimeyo biosi biamalilisibwa
(Okhuru. 35.10-19)
32Kho emilimo chiosi chieshimenyo shieliheema liokhwakaana chiamalilisibwa chirio; abaana baIsiraeli nibakhola kosi shinga OMWAMI olwa yamulaka Musa; nilwo olwa bakhola.
33Nibaleerela Musa eshimenyo, nende liheema, nebichio biashio biosi, ebitiili biashio, nebitiisi biasl io, netsisheti tsiashio, netsisiilo esiashio, nebichibi biashio; 34nende eshifuunikho shiamaseelo kamamiiku akanyushilwa iranji iranzayi, neshiiuunikho shiamaseelo kandi amanyushe, neingubo ishinga yolwichi; 35lisanduku lioburumbusi, netsinyanzo tsialio, nelitisilo; 36imeesa, nebindu biayo biosi, nomukaate kwokhubaho; 37eshichibi shietsitaha eshieitsahaabu inzeleleshe, netsitaha tsiashio, nitsio tsitaha etsiokhwanzwakhwo, nebichio biashio biosi namafura ketsitaha; 38nende eshimalilo shieitsahaabu, namafura akokhutsushiilila, namalesi kelibuuliesi keisuuswa, nolwichi Iwomuliango kweliheema; 39eshimalilo shiomukasa, nolukhanda lwashio Iwomukasa, netsinyanzo tsiashio, nebichio biashio biosi; nolutaabo neshichibi shialwo; 40tsingubo tsinzeleesia tsiolwanyi, netsisiilo tsialwo, nebichibi bialwo, nolwichi Iweshilibwa shiolwanyi, nemikoye chialwo, nebibambo bialwo, nende biosi ebiokhwikhoonyela mubukhalabani bweshimenyo, khulwa liheema liokhwakaana; 41ebiifwalo ebialukhwa bulayi ebiokhukhalabanila habundu ahatakatifu, nebiifwalo ebitakatifu ebiaHaruni omukuhani, nebiifwalo biabaanabe, ebiokhukhalabana mubukuhani. 42Kosi aka OMWAMI yamulaka Musa shinga olwa kali, nilwo olwa abaana baIsiraeli bakhola emilimo chiosi. 43Naye Musa nalola emilimo chiosi, ne lola, bali nibachikholile; Musa nabasabila ikhabi.
Currently Selected:
Okhurula 39: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
