Okhurula 37
37
Obukholi bwelisanduku
(Okhuru. 25.10-22)
1Ne Bezaleli yakhola lisanduku elo liomusaala kwomupeeli, oburambi bwalio bwali emikhono chibili neinusu, obuchiikha omukhono neinusu, nobuchinguukhu omukhono neinusu; 2nalifuuma itsahaabu inzeleleshe mukari nende ikulu walio, nalikholela olulika Iweitsahaabu okhulibotokhasia. 3Nasalulusia itsahaabu okhulikholela tsingaka tsine, mumakuru kalio kane; mbu tsingaka tsibili khulubeka lwalio lulala, netsingaka tsibili khulubeka lwalio olundi. 4Nakhola tsinyanzo tsiomupeeli, natsifuuma itsahaabu. 5Niyeenjisia tsinyanzo mungaka tsana etsiali mumbafu welisanduku, okhuchinga lisanduku. 6Nakhola nende litisilo lieitsahaabu inzeleleshe; oburambi bwalio bwali emikhono chibili neinusu, khandi obuchiikha bwalio omukhono neinusu. 7Nakhola nende abakerubi babili beitsahaabu; yabakholela emilimo chiobwiraanyi, khundulo tsibili tsielitisilo eyi nende eyi. 8Omukerubi mulala khundulo elubeka, nomukerubi mulala khundulo eundi; yakhola abakerubi abo eshindu shilala nende litisilo liene khundulo tsibili tsialio. 9Abakerubi abo nibabambula tsimbaha tsiabwe ikulu, nibafwimba litisilo netsimbaha tsiabwe, nibahengana mumoni nomumoni; mumoni mwabakerubi nimuhenga litisilo elo.
Obukholi bweimeesa
(Okhuru. 25.23-30)
10Khandi yakhola imeesa yomusaala kwomupeeli; oburambi bwayo bwali emikhono chibili, obuchiikha bwayo omukhono mulala, nobuchinguukhu bwayo omukhono neinusu. 11Nachifuuma itsahaabu inzeleleshe, nachikholela olulika Iweitsahaabu okhuchibotokhasia. 12Nachikholela olubaho olwachelwa obubambalifu bwalwo obuhela eshikalo okhuchibotokhasia, nakholela olubaho olwo olulika Iweitsahaabu okhulubotokhasia. 13Nasalulusia itsahaabu okhuchikholela tsingaka tsine, nara tsingaka etsio mukoona etsio tsine etsili khubilenje biayo bine. 14Tsingaka tsiali ahambi khulubaho olwo, niho habundu wetsinyanzo etsiokhuchinga imeesa tsana. 15Yakhola tsinyanzo tsiomupeeli, natsifuuma itsahaabu, okhuchinga imeesa. 16Nakhola nende ebindu ebiali khumeesa, mbu tsingaye tsiayo, nemiikho chiayo, nebisanda biayo, nemiendo chiayo, echiokhutsushiilila, ebieitsahaabu inzeleleshe.
Obukholi bweshichibi shietsitaha
(Okhuru. 25.31-40)
17Khandi yakhola eshichibi shietsitaha eshieitsahaabu inzeleleshe; eshichibi eshio shietsitaha shiali emilimo chiomwiraanyi, eshishienje shiene nende eshirundu; ebikwata biashio, mbu amakanikha nende ebimuli, biali eshindu shilala uinashio; 18khandi kalikhwo amasaka kasasaba akarula mumbafu washio; amasaka kataru keshichibi shietsitaha karulila elubeka lulala, khandi amasaka kataru keshichibi shietsitaha karulila elubeka lundi; 19ebikwata bitaru ebiakholwa shinga okhumulikha khwomulusi mwisaka elala, likanikha neshimuli; khandi ebikwata bitaru ebiakholwa shinga okhumulikha khwomulusi mwisaka lindi, likanikha neshimuli; amasaka kosi kasasaba akarula mushichibi, kari nanwa; 20nomushichibi shiene ebikwata bine ebiakholwa shinga okhumulikha khwomulusi, amakanikha kakwo nende ebimuli biakwo; 21likanikha hasi wamasaka kabili elili eshindu shilala ninashio; khandi likanikha hasi wamasaka kabili elili eshindu shilala ninashio; khandi likanikha hasi wamasaka kabili elili eshindu shilala ninashio; khulwa amasaka ako kasasaba akarula mushichibi. 22Amakanikha kako nende ebimuli biako biali eshindu shilala ninashio; biosi biali omulimo mulala kwomwiraanyi, okweitsahaabu inzeleleshe. 23Khandi yakhola tsitaha tsiashio, musaafu, namahana kashio, netsindaabo tsiomulilo, ebieitsahaabu inzeleleshe. 24Yashikhola itsahaabu inzeleleshe eyachelwa italanda, nende ebichio biashio biosi.
Obukholi bweshimalilo shiamalesi kelibuuliesi
(Okhuru. 30.1-5)
25Khandi yakhola eshimalilo shiamalesi kelibuuliesi, shiomusaala kwomupeeli; oburambi bwashio bwali omukhono mulala, khandi obuchiikha bwashio omukhono, tsimbeka tsiosi tsine nitsihelana; obuchinguukhu bwashio nabwo bwali emikhono chibili; tsinzika tsiashio tsiali eshindu shilala ninashio. 26Nashifuuma itsahaabu inzeleleshe hekulu washio, netsimbeka tsiashio tsiosi, nende tsinzika tsiashio; nashikholela olulika Iweitsahaabu okhushibotokhasia. 27Khandi yashikholela tsingaka tsibili tsieitsahaabu hasi wolulika lwashio, mumbafu tsiashio tsibili, khumbeka tsiashio tsibili, nitsiba habundu wetsinyanzo etsiokhushichinga. 28Nakhola tsinyanzo etsio tsiomupeeli, natsifuuma itsahaabu.
Amafura kokhutsushiilila namalesi kelibuuliesi
29Khandi yakhola amafura amatakatifu akokhutsushiilila, nende amalesi kelibuuliesi ameeleleshe komusaala kweshing'aari, akatsokasibwa nobusitsa bwomukasii wemisaala chieshing'aari.
Currently Selected:
Okhurula 37: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
