Okhurula 33
33
Balakwa okhutsiililila imbeli
1OMWAMI namusunjila Musa ari Rule hano, iwe nende abandu aba watikulusia okhurula mushialo shiaMisiri, mutsie mutikulushe okhuula khushibala eshia ndeetsubila Aburahamu, naIsaka, naYakobo, ndi Ndalaheelesia olwibulolwo; 2ne ndalaruma malaika imbeliwo; ne ndaleelusia abaKanaani, nabaAmori, nabaHiti, nabaPerizi, nabaHivi, nende abaYebusi; 3okhuula khushibala eshiitsuulemwo amabeele nende obuushi; nebutswa shindalatsia hakari mwinywe ta; shichila muli oluyia lwabandu abelikosi litinyu; ndakhamutibilia khunjila.
4Ne olwa abandu bahulila amakhuwa ako amabii, nibeekhuula; kata omundu yesi shiyayeefwala ebiisiaho ta. 5Okhuba OMWAMI yali namusunjiile Musa mbu Sunjila abaana baIsiraeli ori Muli oluyia lwabandu abelikosi litinyu; nimba ninzinjila hakari mwinywe kata itakika ndala, ndakhamutibia; khulwako mwifwalule ebiisiaho bieenywe, emanye eshia emukholela. 6Abaana baIsiraeli nibeefwalula ebiisiaho biabwe, okhurula khushikulu shiaHorebu okhutsia imbeli.
Liheema liokhwakaana
7Ne Musa yabukulanga liheema nalikhoma elwanyi weikambi, ehale nende ikambi; nalikulikha mbu Liheema liokhwakaana. Mana buli mundu owakhaabanga OMWAMI yarulanga natsia ebuneeheema liokhwakaana, eliali elwanyi weikambi. 8Ne olwa Musa yali narulanga okhutsia ebuneeheema, abandu bosi babuukhanga nibasinjila buli mundu mumuliango weliheemalie, nibahenga munyuma waMusa, okhuula olwa yeenjilanga mwiheema. 9Mana olwa Musa yalinji niyeenjiile mwIheema, lileesi elo eliingana isiilo lieekhanga nilisinjila hamuliango weLiheema; OMWAMI nasungana nende Musa. 10Nolwa abandu bosi balolanga lileesi eliingana isiilo nilisinjilanga hamuliango weliheema, abandu bosi babuukhanga, nibeenama, buli mundu hamuliango weliheemalie. 11Ne OMWAMI yasungananga nende Musa mumoni namumoni, shinga omundu olwa asungana nomwitsawe. Mana Musa yakalukhanga mukambi; nebutswa omukhalabaniwe Yoswa, omwana waNuni, owali nali omusooliili, shiyarulanga mwIheema ta.
Omwami yabasuubisia mbu alabeetsangaho
12Ne Musa namusunjila OMWAMI ari Lola, umbiilanoa mbu Tikulusia abandu bano; ne shiumanyiye mbu niwina owa olaruma ninasi ta. Nebutswa wasunga ori Ekhumanyile neliiralio, khandi okoosibungwa imbeli wanje. 13Kho bulaano ekhusaaya, nimba ningoosibwa imbeliwo, umanyie bulaano tsinjilatsio, ekhumanye, mbu engoosibungwe imbeliwo; niwitsulila shinga lihanga lino olwa lili abandubo. 14Naye nasunga mbu Okhubaho khwanje khulatsia ninawe, khandi ndalakhuhuluusia. 15Namusunjila mbu Okhubahokhwo nikhuba nikhuratsia ninasi, orakhutikulusia okhurula hano tawe. 16Shichila kalamanyishilanga khuli shiina bulaano shinga olwa engoosibungwa imbeliwo, isie nabandubo? Shikali mwikhuwa lino, mbu ochendanga nineefwe mbu mana khwahukhasibwe, isie nabandubo, nende abandi bosi abali mubibala biosi? 17Mana OMWAMI namusunjila Musa ari Ndalakhukholela nende lildluwa lino elia oboolile; shichila okoosibungwa imbeli wanje, nasi ekhumanyile neliiralio. 18Musa nasunga mbu Ekhusaaya, undolosiliel oluyalilwo. 19Naye nasunga mbu Ndalabisia obulayi bwanje bwosi imbeliwo, nirumbula imbeliwo eliira lianje, mbu OMWAMI; ne okhukoosia ndalakoosinjia obukoosia, ne okhukhola ndalakholanga aketsimbabasi. 20Nasunga mbu Shionyala okhundola mumoni ta; shichila omundu yesi shianyala okhundola waba mwoyo tawe. 21OMWAMI nasunga mbu Lola, haliho habundu ahambi ninasi, aha olasinjila khulwanda; 22mana olwa oluyali lwanje lulabiranga, ndalakhura mumbangatsi eyomunyanda, nikhufuunikha nomukhono kwanje okhuula olwa ndalaba nimalile okhubira; 23mana ndalayinia omukhono, nawe olandola munyuma mwanje; nebutswa mumoni mwanje shimulalolekha ta.
Currently Selected:
Okhurula 33: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
