Okhurula 31
31
Omulango kwaBezaleli naOholiabu
(Okhuru. 35.30—36.1)
1OMWAMI namuboolela Musa ari 2Lola, enanjile eliira liaBezaleli omwana waUri, omwana waHuri, owoluyia lwaYuda; 3nimwitsusiamwo Roho waNyasaye mubusitsa nobumanyilisi nobumanyi, nobukholi bwemilimo chiosi eel iahukhaane, 4okhukoora ebikhole biobusitsa, nokhukholela itszhaabu neifeetsa, nomukasa, 5nokhukhalaka amachina khulwa okhureebwa khushindu, nokhubaatsa emisaala, nokhukhola emilimo chiosi echiahukhaane. 6Khandi lola, ndaloboole nende Oholiabu yesi omwana waAhisamaki, owoluyia lwaDani; khandi mumioyo chiabosi abali abemioyo chiobusitsa, ndareelemwo obusitsa, mbu bakhole bios ebia ekhulachilisiye; 7mbu liheema liokhwakaana, nelisanduku lioburumbusi, nelitisilo elilikhwo, nebichio biosi bieliheema; 8nende imeesa nebindu biayo, neshichibi shietsitaha eshieleleshe nebichio biashio biosi, neshimalilo shiamalesi kelibuuliesi; 9nende eshimalilo shiemisango emisambe nebichio biashio biosi, nolutaabo neshichibi shialwo; 10nende ebiifwalo ebilukhwa bulayi, ebiifwalo ebitakatifu biaHaruni omukuhani, nebiifwalo biabaanabe, okhukhalabana mubukuhani; 11nende amafura kokhutsushiilila, namalesi kelibuuliesi akeshing'aari khulwa habundu ahatakatifu; balakhola kosi aka ekhulachilisiye shinga olwa kali.
Sabato shinga olwa yili eshilolelo
12OMWAMI namuboolela Musa ari 13Khandi osunjile abaana baIsiraeli ori Okhuula mulindenje tsisabato tsianje; shichila neshilolelo hakari wanje nineenywe munzibulo tsieenywe tsiosi; mumanye mbu nisie OMWAMI oumwahula. 14Khulwako mulindenje isabato; shichila neindakatifu khwinywe; buli mundu yesi ouchionoonia, okhuula yeerwe; okhuba omundu yesi oukholelakhwo omulimo kwosi, omlmdu oyo yaakamibwe mubandu babwe. 15Emilimo chikholungwe tsindaalo tsisasaba; ne khunyanga yomlusaafu neisabato yomuhongo, indakatifu yOMWAMi; omundu yesi oukhola omulimo kwosi khunyanga yeisabato, okhuula yeerwe. 16Khu-lwako abaana balsiraeli balindenje isabato, okhukholanga akeisabato munzibulo tsiabwe tsiosi, khulwa indakano eyirahwaho ta. 17Neshilolelo hakari wanje nende abaana baIsiraeli obushia nobushia; shichila mundaalo tsisasaba OMWAMI yalonjelamwo likulu nende eshibala, mana khunyanga yomusaafu yahuluukha nachoonyolokha.
Eshimoosi shieitsahaabu
18Haho olwa yali namalilisiye okhusungana nende Musa mushikulu shiaSinai, yamuheelesia orubaho orwo rubili rwoburumbusi, orubaho rwamachina, oruhandiichilwe nende olwala lwaNyasaye.
Currently Selected:
Okhurula 31: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
