Okhurula 30
30
Eshimalilo shiamalesi kelibuuliesi
(Okhuru. 37.25-28)
1Ne okhole eshimalilo eshiokhutuumiliakhwo amalesi kelibuuliesi; oshikhole shiomusaala kwomupeeli. 2Oburambi bwashio bube omukhono mulala, khandi obuchiikha bwashio omukhono; tsimbeka tsiosi tsine tsihelane; obuchinguukhu bwashio bube emikhono chibili; tsinzika tsiashio tsibe eshindu shilala ninashio 3Oshifuume itsahaabu inzeleleshe, hekulu washio, nende tsimbeka tsiashio tsiosi, nende tsinzika tsiashio; noshikholela olulika Iweitsahaabu okhushibotokhasia. 4Khandi oshikholele tsingaka tsibili tsieitsahaabu hasi wolulika lwashio, mumbafu tsiashio tsibili, khumbeka tsiashio tsibili otsikhole; natsio tsibe habundu wetsinyanzo etsiokhushichinga. 5Ne okhole tsinyanzo etsio tsiomupeeli, notsifuuma itsahaabu. 6Mana oshire imbeli weingubo ishinga eyo eyili ahambi nende lisanduku lioburumbusi, imbeli welitisilo elili hekulu woburumbusi, ewa ndalaakaanilanga ninawe. 7Naye Haruni alatuumilinjiakhwo amalesi kelibuuliesi, akamalesi keshing'aari; buli mutsuli olwa aba nakasia tsitaha, akatuumie. 8Khandi olwa Eiaruni aba narenjekha tsitaha mungoloobe, akatuumie, amalesi kelibuuliesi kakhatsotso imbeli munzibulo tsieenywe tsiosi. 9Murahaanakhwo amalesi kelibuuliesi akaambanga khushio ta, kata omusango omusambe, kata omusango kweimele, tawe; kata muratsukhakhwo omusango kwokhutsushila khushio ta. 10Ne Haruni alakholenje eshitiso khunzika tsiashio lulala mumuyika; lulala mumuyika alashikholelanga eshitiso namalasile komusango kwobwonooni okweshitiso, munzibulo tsieenywe tsiosi; neshitakatifu muno khuMWAMI.
Amapeesa keisadaka yeshitiso
11OMWAMI naboolela Musa ari 12Olwa wenya obunji bwabaana baIsiraeli, shinga olwa bali ababasibwa khubo, kho bayinilie OMWAMI buli mundu eshinunulo shiobulamubwe, olwa wakhaba nobabasia; mbu linyasio lileshe okhuba mubo, olwa obabasia. 13Eshia balayininjie, buli mundu oubira natsia muvabasiibwe, shieshino, mbu inusu yeishekeli, nochela khushekeli yahabundu ahatakatifu; nayo ishekeli netsigera amakhumi kabili; inusu yeishekeli khulwa isadaka yOMWAMI. 14Buli mundu oubira natsia mubabasiibwe, okhurula khubemiyika amakhumi kabili nende abashilaho, bayinie isadaka yOMWAMI. 15Abayinda shibalayinia okhushilaasia, kata abamanani okhuleemia khunusu yeishekeli eyo ta, olwa bayinia isadaka yOMWAMI, okhutisa obulamu bweenywe. 16Nawe obukule amapeesa keshitiso kabaana baIsiraeli nokahaanila obukhalabani bweliheema liokhwakaana; kabe eshiitsulilo shiabaana baIsiraeli imbeli w, okhutisa obulamu bweenywe.
Olutaabo olwokhwiyosiliamwo
17OMWAMI namusunjila Musa ari 18Khandi okhole olutaabo Iwomukasa okhwiyosiliamwo, nende eshichibi shialwo shiomukasa; oshire hakari weliheema liokhwakaana nende eshimalilo shiemisango, noramwo hamatsi. 19Naye Haruni nabaanabe baleeyosilinjiemwo amakhono nebilenje; 20olwa baba nibeenjila mwiheema liokhwakaana, beeyosie amatsi, baleshe okhufwa; kata olwa basita ahambi neshimalilo okhukhalabana, okhutuumia eshihaanwa eshihaanilwa OMWAMI khulwa omulilo. 21Kho beeyosinjie amakhono nebilenje, baleshe okhufwa; libe lilako khubo obushia nobushia, khuye nende khunzibulotsie munzibulo tsiabwe tsiosi.
Amafura akokhutsushiilila, nende amalesi kelibuuliesi
22Khandi OMWAMI nasunjila Musa ari 23Nawe bukuia amalesi akashila obulayi; mbu amanemane kamafura tsishekeli ebikhumi biraano, nomutaiasini kweshing'aari inusu yobusiro obwo, mbu ebikhumi bibili namakhumi karaano, nolusi Iweshing'aari ebikhumi bibili namakhumi karaano, 24neikita ebikhumi biraano, nochela khushekeli yahabundu ahatakatifu, namafura kemiseituni ihini ndala; 25okakhole amafura amKakatifu akokhutsushiilila, amafura keshing'aari akatsokasibwa mubusitsa bwomukasii wamalesi keshing'aari; kabe amafura amatakatifu akokhutsushiilila. 26Mana obitsushiilile amafura tsana liheema liokhwakaana, nelisanduku lioburumbusi, 27neimeesa nebindu biayo biosi, neshichibi shietsitaha nebichio biashio, neshimalilo shiamalesi kelibuuliesi, 28neshimalilo shiemisango emisambe halala nebichio biashio biosi, nende olutaabo neshichibi shialwo. 29Obiahule, bibe ebitakatifu muno; shiosi shiosi eshitiilakhwo khubio shilakwa eshitakatifu. 30Khandi otsushiilile haruni nende abaanabe amafura, nobaahuia, mbu bakhalabanile mubukuhani. 31Ne obooiele abaana balsiraeli ori Kano kalabeetsenje amafura kanje amatakatifu akokhutsushiilila, munzibulo tsieenywe tsiosi. 32Kaleshe okhutsukhwa khumibili chiabandu butswa, kata mywe muleshe okhukhola akafwanana ninakn, akachelwa kario, ta; namatakatifu, ne kabe khwinywe amatakatifu. 33Omundu yesi outsokasia akaFwana kario, kata omlmdu yesi oukara khumundu butswa, omundu oyo yaarwe okhurula mubandu babwe.
34OMWAMI namusunjila Musa mbu Bukula amalesi keshing'aari, mbu inatafi, neishekheletsi, nakhelebena, nibio amalesi keshing'aari, halala nende obubaane obweleleshe; biosi bichelwe obusiro obuhelana; 35nobikhola amalesi kelibuuliesi keshing'aari akakasilibwa obusitsa bwomukasii wamalesi keshing'aari, nibilunjilwa omuunyu, ameeleleshe, amatakatifu; 36akandi khuko okatubule muno, nora mbeli woburumbusi mwiheema liokhwakaana, ewa ndalaakaanilanga ninawe; kabe khwinywe amztakatifu muno. 37Ne amalesi kelibuuliesi aka olakholanga, akachelwa kario shimuleekholelanga abeene tawe, kabe khwiwe amatakatifu kOMWAMI. 38Omundu yesi oukhola akafwana kario, mbu ahulilenje eshiuya shiako, omundu oyo yaarwe mubandu babwe.
Currently Selected:
Okhurula 30: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
