Okhurula 28
28
Ebiifwalo biabakuhani
(Okhuru. 39.1-31)
1Mana ositie Haruni omusiani weenywe halala nabaanabe ahambi ninawe, nobarusiye mubaana baIsiraeli, mbu yakhalabanile mubukuhani; mbu Haruni nabaanabe, Nadab naAbihu, naEleazari, nende Itsumari. 2Omukholele Haruni omusiani weenywe ebiifwalo ebitakatifu, bibe bioluyali nebiobung'oonefu. 3Nawe, obabiile bosi abali abasitsa, aba nde tsusiamwo roho yobusitsa, mbu bakhole ebiifwa biaHatuni okhumwahula, mbu yakhalabanile mubukuhani. 4Ebiifwalo ebia balakhola mbiebin mbu iloloti eyokhushilifu, nende ifoti, neikanz nelikoti liamakha, neshilemba, nende om shiipi; bakhole ebiifwalo ebitakatifu biaHaru omusiani weenywe nende abaanabe, mbu bakh labanile mubukuhani.
5Babukule itsabaabu eyo, netsingubo tsieibuluu, netsieisambarau, netsiranzayi, nende ikitani indorotoro. 6Mana bakhole ifoti eyo yeingubo yeitsahaabu, neyeibuluu, neyeisambarau, neiranzayi, nende ikitani indorotoro isiire, emilimo chiomulushi wamang'oole. 7Yibe nebitonye bibili ebiokhumabeka, ebiungwa khundulo wayo, mbu yungasibwe halala. 8Ne omushiipi kwobulushi bwamang'oole okulikhwo, okwokhuchibohela, kufwanane ninayo okhukasibwa khwayo, nikuba eshindu shilala khuyo; mbu okwetsingubo tsieitsahaabu, netsieibuluu, netsiei; sambarau, netsiranzayi, nende ikitani indorotoro isiire. 9Nawe obukule amachina kabili keishohamu, nosaarakhwo ameera kabaana baIsiraeli; 10ameera kabwe kasasaba khwichina elala, nameera kasasaba akasikala khwichina lindi, mubulondokhani bwokhwibulwa khwabwe. 11Osaare amachina ako kabili shinga omusaari olwa asaaranga, shinga okhusaarwa khwelichina lieshibalikho, ameera kabaana baIsiraeli shinga olwa kali; okafumbile mubitiili bieitsahabu imbase. 12Ore amachina ako kabili khubitonye ebiokhumabeka bieifoti, kabe amachina keshiitsulilo khulwa abaana baIsiraeli; naye Haruni alachinganga ameera kabwe imbeli wOMWAMI khumabekake kombi khulwa eshiitsulilo. 13Okhole nende ebitiili ebieitsahaabu imbase 14neminyolo chibili chieitsahaabu inzeleleshe; ochikhole shinga emikoye, emiborole; nora eminyolo echio emiborole khubitiili tsana.
15Khandi okhole iloloti yobukhalachi eyokhushilifu, emilimo chiomulushi wamang'oole; obukholi bube shinga obweifoti; ochikhole yetsingubo tsieitsahaabu, netsieibuluu, netsieisambarau, netsiranzayi, nende ikitani indorotoro isiire. 16Tsimbeka tsiayo tsiosi tsine tsihelane, nayo yifumbwe yibe shikhabili; oburambi bwayo bube inusu yomukhono, khandi obubambalifu inusu yomukhono. 17Ore khushio tsinyanzilo tsiamachina, tsinyaali tsine tsiamachina; olunyali olulimwo odemu, neipiteta, neibareketsi, luno lube olunyaali lwambeli; 18olunyaali lwakhabili, mbu inopeki, neisapiri, nende yahalomu; 19olunyaali lwakhataru, mbu ileshemu, neishebu, nende ikhalama; 20olunyaali lwakhane, mbu itarashishi, neishohamu, nende yashepe; okafumbilekhwo itsahaabu munyanzilo tsiako. 21Amachina ako kabe shinga ameera kabaana baIsiraeli olwa kali, ekhumi nakabili, ameera kabwe shinga olwa kali; shinga okhusaarwa khwelichina lieshibalikho, buli elala lisaarwekhwo eliira lialio; kabe khulwa tsimbia etsio ekhumi natsibili. 22Khandi khuloloti okhole eminyolo shinga emikoye emiborole chieitsahaabu inzeleleshe. 23Khandi khuloloti eyo okhole tsingaka tsibili tsieitsahaabu, nora tsingaka etsio tsibili khundulo tsibili tsieiloloti. 24Khandi ore eminyolo echio chibili emiborole chieitsahaabu mungaka etsili khundulo tsieiloloti. 25Ne khundulo tsindi tsibili tsieminyolo emiborole chibili, ore khubitiili bilia bibili, nobira khubitonye ebiokhumabeka bieifoti hambeli wayo. 26Okhole nende tsingaka tsibili tsieitsahaabu khundulo tsibili tsieiloloti eyokhushilifu, khundulo mukari, heifoti. 27Okhole nende tsingaka tsibili tsieitsahaabu, notsira khubitonye ebiokhumabeka bieifoti hasi khushitonye shieimbeli, ahambi nende obuunjilo bwayo, ikulu womushiipi kwobulushi bwamang'oole okweifoti. 28Kho babohenje iloloti netsingaka tsiayo khungaka tsieifoti nolutsaha Iweibuluu, mbu yibe khumushiipi okwo kwobulushi bwamang'oole kweifoti, khandi mbu iloloti eyokhushilifu yileshe okhukabukhana nende ifoti. 29Kho Haruni alachinganga ameera kabaana baIsiraeli khuloloti yobukhalachi khumwoyokwe, olwa aleenjilanga habundu ahatakatifu khulwa eshiitsulilo imbeli w obushia nobushia. 30Khandi muloloti yobukhalachi oremwo Urimu nende Tsumimu tsana; bibeetsenje birio khumwoyo kwaHaruni olwa yeenjila imbeli w; kho Haruni aleetuukhanga obukhalakwi bwabaana baIsiraeli khumwoyokwe imbeli w obushia nobushia. 31Khandi okhole ikanzu yeifoti yibe yeibuluu yosi. 32Yibe nomuluhu kwokhwinjisiliamwo omurwe hakari wayo, omuluhu okwo kubotokhasibwe olulika lwemilimo chiomulushi khundulo wakwo, shinga olwa luli khumuluhu kweshitsengwa shietsinzubu, mbu yileshe okhurandukha. 33Ne khundulo wayo hasi okhole amakomamanga l keibuluu nakeisambarau, namaranzayi, okhubotokhasia khundulo wayo; nende tsinyimba tsieitsahaabu hakari wako okhubotokhasia; 34inyimba yeitsahaabu nelikomamanga, inyimba yeitsahaabu nelikomamanga, khundulo weikanzu okhuchibotokhasia. 35Nayo yilaba khuHaruni nakhalabananga; nokhusaala khwatsio khu ahuliilikhanga olwa yeenjila habundu ahatakatifu imbeli w, khandi olwa arulamwo, aleshe okhufwa. 36Khandi okhole eshimuli eshipaapale eshieitsahaabu inzeleleshe, nosaarakhwo, shinga okhusaarwa khwelichina lieshibalikho, mbu OMUTAKATIFU wOMWAMI. 37Oshihandie khushilemba nolutsaha Iweibuluu; khulubeka Iweimbeli weshilemba niho aha shilabe. 38Kho shibe khubweni bwaHaruni, naye Haruni aleetuushenje eshikha eshiakhanyoolekha mubindu ebitakatifu ebia abaana baIsiraeli balaahulanga mubihaanwa biabwe biosi ebitakatifu; shibeetsenje khubwenibwe tsindaalo tsiosi, mbu mana bafuchiililwe imbeli w 39Khandi olalushe likoti liamakha, ikitani indorotoro, nokhola nende eshilemba shieikitani indorotoro, nokhola nende omushiipi, emilimo chiomunabi wamang'oole. 40Ne khubaana baHaruni obanabile amakoti, khandi obalushile emishiipi, nobakholela tsikofia, bibe ebioluyali nebiobung'oonefu. 41Nawe olamufwale Haruni omusiani weenywe nende abaanabe halala ninaye ebiifwalo ebio; nobatsushiilila amafura, nobeemekha khumilimo echio, nobaahula, mbu ba'khalabanile mubukuhani. 42Khandi obakholele tsiserwali tsieikitani, okhufwimba eshihechenye shiemibili chiabwe, okhurula mushishienje okhuula khumarango; 43nitsiba khuHaruni nende abaanabe olwa baleenjilanga mwiheema liokhwakaana, kata olwa balasitanga ahambi khushimalilo shiemisango okhukhalabanila habundu ahatakatifu, mbu baleshe okhwituukha obwonooni nibafwa; lino lilabeetsenje lilako obushia nobushia khuye khandi khunzibulotsie munyumawe.
Currently Selected:
Okhurula 28: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
