Okhurula 27
27
Eshimalilo shiemisango emisambe
(Okhuru. 38.1-7)
1Eshimalilo shiemisango shiene okhole eshiomusaala kwomupeeli; oburambi bwashio emikhono chiraano, khandi obuchiikha bwashio emikhono chiraano, tsimbeka tsiosi tsine tsieshimalilo tsihelane; obuchinguukhu bwashio nabwo bube emikhono chitaru. 2Okhole tsinzika tsiashio khukoona tsiashio tsine; tsinzika tsiashio tsibe eshindu shilala ninashio; noshifuuma omukasa. 3Okhole nende tsinyungu tsiashio okhuyoyela likoshe, nemiikho chiashio, netsingaye tsiashio, namakhango kashio, nende tsindaabo tsiomulilo; ebindu biashio biosi, obikhole biomukasa. 4Khandi oshikholele omukasa shinga olukhanda; ne khulukhanda Iwenolwo okhole tsingaka tsine tsiomukasa mukoona tsialwo tsine. 5Nolura hasi wolusiche, khulwalo, mbu olukhanda luule shinga khunusu yobuchinguukhu bweshimalilo. 6Okhole nende tsinyanzo tsieshimalilo, tsinyanzo tsiomupeeli, notsifuuma omukasa. 7Mana tsinyanzo tsiashio tsiinjisibwe mungaka tsana, tsinyanzo tsiene nitsiba khumbeka tsibili tsieshimalilo nibashichinga eshimalilo. 8Oshikhole tsimbaho, mukari mwene mube mukhaya; shinga olwa wamanyiibwe mushikulu, nilwo olwa balashikhole.
9Khandi okhole olwanyi Iweshimenyo; khulubeka Iwomukhono musaatsa, okuhenga eNegebu, tsibeho tsingubo tsinzeleesia tsiolwanyi, etsieikitani indorotoro isiire, oburambi bwemikhono eshikhumi khulubeka lulala; 10tsisiilo tsiatsio natsio tsibe amakhumi kabili, nebichibi biatsio amakhumi kabili biomukasa; ebikuru bietsisiiro nende tsinzaha tsiatsio tsibe tsieifeetsa. 11Khandi tsirio khulubeka Iwenotsi khuburambi tsibeho tsingubo tsinzeleesia, oburambi bwemikhono eshikhumi, netsisiilo tsiatsio amakhumi kabili, nebichibi biatsio amakhumi kabili biomukasa; ebikuru bietsisiilo nende tsinzaha tsiatsio etsieifeetsa. 12Ne khubuchiikha bwolwanyi khulubeka lwamumbo, tsingubo tsinzeleesia tsibeho etsiemikhono amakhumi karaano; tsisiilo tsiatsio ekhumi, nebichibi biatsio ekhumi. 13Obuchiikha bwolwanyi khulubeka Iwebukwe okuhenjile ewa eliuba lifwindilanga, bube emikhono amakhumi karaano. 14Tsingubo tsinzeleesia etsiokhulubeka lulala Iweshilibwa tsibe emikhono ekhumi nachiraano; tsisiilo tsiatsio tsitaru, nebichibi biatsio bitaru. 15Khandi khulubeka lundi tsibeho tsingubo tsinzeleesia tsiemikhono ekhumi nachiraano; tsisiilo tsiatsio tsitaru, nebichibi biatsio bitaru. 16Ne khushilibwa shiolwanyi lubeho olwichi Iwemikhono amakhumi kabili, olweingubo yeibuluu, neyeisambarau, neiranzayi, neikitani indorotoro isiire, emilimo chiomunabi wamang'oole; tsisiilotsiayo tsine, nebichibi biatsio bine. 17Tsisiilo tsiosi etsibotokhana olwanyi tsibe netsinzaha tsieifeetsa; ebikuru biatsio bieifeetsa, nebichibi biatsio biomukasa. 18Oburambi bwolwanyi bube emikhono eshikhumi, nobuchiikha amakhumi karaano, nobuchinguukhu emikhono chiraano; netsingubo tsinzelesia tsieikitani indorotoro isiire nebichibi biatsio biomukasa. 19Ebichio biosi bieshimenyo ebiobukhalabani bwashio, nebibambo biashio biosi, nebibambo biosi biolwanyi, bibe biomukasa.
20Nawe, obalache abaana baIsiraeli mbu bakhuleerelenje amafura kemitseituni amaswache ameeleleshe, khulwa itaha, mbu itaha yaashenje khatsotselo. 21Mwiheema liokhwakaana, elwanyi weingubo ishinga eyili imbeli woburumbusi obwo, Haruni nende abaanabe bachikasinjie okhurula mungoloobe okhuula mutsuli imbeli w; libe lilako obushia nobushia munzibulo tsiabwe khubaana baIsiraeli.
Currently Selected:
Okhurula 27: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
