Okhurula 26
26
Eshimenyo
(Okhuru. 36.8-38)
1Khudi, okhole eshimenyo netsingubo tsinzeleesia ekhumi; otsikhole ikitani indorotoro isiire, netsingubo tsieibuluu, netsieisambarau, netsiranzayi; nende abakerubi, emilimo chiomulushi amang'oole. 2Oburambi bwabuli ngubo inzelesia bube emikhono amakhumi kabili nanlunaane, nobubambalifu bwabuli ngubo inzeleesia emikhono chine; tsingubo tsinzeleesia tsiosi tsibe etsieshichelo shilala. 3Tsingubo tsinzeleesia tsiraano tsiungwe halala, buli ngubo khuyindi; khandi etsindi tsingubo tsinzeleesia tsiraano tsiungwe, buli ngubo khuyindi. 4Okhole ebifuulwaS bieibuluu khundulo weingubo inzeleesia eyihelelesia khutsiunjilwe etsiambeli; khandi okhole orio ebifuulwa khundulo weingubo inzeleesia eyihelelesia khutsiunjilwe tsiakhabili. 5Okhole ebifuukva amakhumi karaano khungubo inzeleesia ndala, khandi okhole ebifuulwa amakhumi karaano khundulo weingubo inzeleesia eyili mutsiunjilwe tsiakhabili; ebifuulwa ebio bihengane. 6Khandi okhole ebitiili amakhumi karaano keitsahaabu, wungasie ingubo inzeleesia ndala khuyindi nebitiili bienebio; mana eshimenyo shibe shilala.
7Okhole tsingubo tsinzeleesia tsiobwoya bwetsimbusi, tsibe liheema hekulu weshimenyo; okhole tsingubo tsinzeleesia ekhumi nandala. 8Oburambi bwabuli ngubo inzeleesia bube emikhono amakhumi kataru, nobubambalifu bwabuli ngubo inzeleesia emikhono chine; tsingubo tsinzeleesia etsio ekhumi nandala tsibe etsieshichelo shilala. 9Wunje tsingubo tsinzeleesia tsiraano khubwatsio, khandi tsingubo tsinzeleesia tsisasaba khubwatsio, nofumba eyakhasasabu yibe shikhabili imbeli weliheema. 10Okhole nende ebifuulwa amakhumi kataano khundulo weingubo inzeleesia ndala eyihelelesia khutsiunjilwe tsiambeli etsio, khandi ebifuulwa amakhumi karaano khundulo weingubo inzeleesia khutsiunjilwe tsiakhabili.
11Khandi okhole ebitiili amakhumi karaano ebiomukasa, niwinjisia ebitiili mubifuulwa, niwungasia liheema halala, libe elala. 12Ne eshitonye eshitong'a khutsingubo tsinzeleesia tsieliheema, eshieleela, mbu inusu yeingubo inzeleesia eyo eyitong'a, yeleele khushimenyo indangu Washio. 13Ne oburambi bwomukhono obwokhulubeka lulala, nende oburambi bwomukhono obwokhulubeka lundi, khubwenobwo obutong'a khuburambi bwetsingubo tsinzeleesia tsieliheema, bweleele khushimenyo elubeka eyi nende eyi, okhulifuunikha. 14Okhole nende eshifuunikho shieliheema shiamaseelo kamamiiku akanyushilwa iranji iranzayi, khandi nende eshifuunikho shiamaseelo kandi amanyushe ikulu.
15Okhole ebitiisil bieshimenyo, emisaala chiomupeeli, ebisinjila. 16Oburambi bweshitiisi bube emikhono ekhumi, khandi obuchiikha bwabuli shitiisi bube omukhono neinusu. 17Orwanzo rubeho rubili khubuli shitiisi, niruungasibwa; nindio okhole ebitiisi biosi bieshimenyo. 18Okhole ebitiisi bieshimenyo, ebitiisi amakhumi kabili khulubeka Iwomukhono musaatsa okuhenjile enasautsi. 19Okhole nende ebichibi amakhumi kane ebieifeetsa hasi webitiisi ebio amakhumi kabili; ebichibi bibili hasi weshitiisi shilala khulwa orwanzo rwashio rubili, khandi ebichibi bibili hasi weshitiisi shindi khulwa orwanzo rwashio rubili; 20khandi khulubeka lwakhabili Iweshimenyo, khulubeka Iwenotsi, ebitiisi amakhumi kabili; 21nebichibi biabio bieifeetsa amakhumi kane; ebichibi bibili hasi weshitiisi shilala, khandi ebichibi bibili hasi weshitiisi shindi. 22Ne khulwa olubeka Iweindangu Iweshimenyo, olubeka lwamumbo, okhole ebitiisi bisasaba. 23Okhole nende ebitiisi bibili ebietsikoona tsieshimenyo indangu. 24Hasi biliimaasibwe shikhabili, khandi biliimaasibwe shikhabili birio okhuula khumurwe washio, okhuula khungaka yambeli; nindio bilaba biombi; bibe ebietsikoona etsio tsibili. 25Bibeho ebitiisi munaane, nebichibi biabio bieifeetsa, ebichibi ekhumi nabisasaba; ebichibi bibili hasi weshitiisi shilala, khandi ebichibi bibili hasi weshitiisi shindi.
26Khatdi okhole tsisheti tsiomupeeli; tsiraano tsiebitiisi bieshimenyo khulubeka lulala, 27nende tsisheti tsiraano tsiebitiisi bieshimenyo khulubeka lundi, nende tsisheti tsiraano tsiebitiisi bieshimenyo khulubeka Iweindangu, elubeka lwamumbo. 28Olusheti lwahakari nalwo, hakari webitiisi, lubirile elala okhuula khundulo eyi nende eyi. 29Mana ofuume ebitiisi tsana itsahaabu, nokhola tsingaka tsiabio tsieitsahaabu tsibe habundu wetsisheti; khandi tsisheti natsio otsifuume itsahaabu. 30Kho olasinjisie eshimenyo habwene shinga omufwano kwashio okwa ndakhumanyiye mushikulu.
31Okhole ingubo ishinga yeibuluu, neisambarau, neiranzayi, neikitani indorotoro isiire; nende abakerubi, emilimo chiomulushi wamang'oole, olachikhole; 32nochiachikha khutsisiilo tsine tsiomupeeli etsiafuumwa itsahaabu, nitsili nebikuru bieitsahaabu, khubichibi bieifeetsa bine. 33Wachishe ingubo ishinga eyo khubitiili ebio yeleele, niwinjisia lisanduku lioburumbusi mubwenomwo, mungubo ishinga; ingubo ishinga nayo yilakhukabukhasilia hakari wahabundu ahatakatifu nende yaho ahashila obutakatifu. 34Mana ore litisilo elo khwisanduku lioburumbusi, habundu tsana ahashila obutakatifu. 35Orenjeshe imeesa eyo elwanyi weingubo ishinga, nende eshichibi shietsitaha, shihengane neimeesa khulubeka Iweshimenyo enasautsi; nora imeesa khulubeka Iwenotsi.
36Okhole nende olwichi Iweingubo mumuliango kweliheema, olweingubo yeibuluu, neyeisambarau, neiranzayi, neikitani indorotoro isiire, emilimo chiomunabi wamang'oole. 37Khandi okholele olwichi olwo tsisiilo tsiraano tsiomupeeli, notsifuuma itsahaabu; ebikuru biatsio bibe ebieitsahaabu; nosalulusia omukasa okhutsikholela ebichibi biraano.
Currently Selected:
Okhurula 26: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
