Okhurula 25
25
Abalsiraeli balakwa okhuhaana ebiomusololo
(Okhuru. 35.4-9)
1OMWAMI nasunjila Musa ari 2Biila abaana baIsiraeli, mbu basololekhwo ebindu; khubuli mundu owa omwoyokwe kuchila nalaalila, musolole khuye. 3Ne bino nibio ebindu ebia mulasolola mubo; mbu itsahaabu, neifeetsa, nomukasa; 4nende tsingubo tsieibuluu, nende etsieisambarau, nende etsiranzayi, nende ikitani indorotoro, nende obwoya bwetsimbusi; 5nende amaseelo kamamiiku akanyushilwa iranji iranzayi, namaseelo kandi amanyushe, nemisaala chiemipeeli; 6amafUra keitaha yeneyo, nemisaala chieshing'aari chiamafura akokhutsushiilila, khandi echiamalesi kelibuuliesi keisuuswa; 7amachina keishohamu, namachina kandi kokhureebwa khu ifoti eyo nende khuloloti eyokhushilifu. 8Mana ba'kholele habundu ahatakatifu, mbu emenyenje hakari mubo. 9Shinga olwa ekhumanyia, omufwano kweshimenyo, nomufwano kwemiandu chiashio chiosi, nilwo olwa olashikhola.
10Khandi bakhole lisanduku liomusaala kwomupeeli; oburambi bwalio bube emikhono chibili neinusu, obuchiikha omukhono neinusu, nobuchinguukhu omukhono neinusu. 11Olifuume itsahaabu inzeleleshe; olifuume mukari nende hekulu walio, nolikholela olulika Iweitsahaabu okhulibotokhasia. 12Osalulusie itsahaabu okhulikholela tsingaka tsine, notsira mumakuru kalio kane; tsingaka tsibili tsibe khulubeka lwalio lulala, netsibili khulubeka lundi. 13Okhole tsinyanzo tsiomupeeli, notsifuuma itsahaabu. 14Mana winjisie tsinyanzo mungaka tsana etsili mumbafu welisanduku, okhuchinga lisanduku. 15Tsinyanzo etsio tsibeetsenje mungaka tsielisanduku; tsirarusibwamwo ta. 16Ne mwisanduku elo oremwo oburumbusi obwa enzitsa okhukhuha. 17Khandi okhole litisilo lieitsahaabu inzeleleshe; oburambi bwalio bube emikhono chibili neinusu, nobuchiikha bwalio omukhono neinusu. 18Mana okhole abakerubi babili beitsahaabu; bakholwe nomwiraanyi, khundulo tsibili tsielitisilo, eyi nende eyi. 19Okhole omukerubi mulala khundulo elubeka, nomukerubi mulala khundulo eundi; okhole abakerubi abo babe eshindu shilala nende litisilo liene, khundulo tsibili tsialio. 20Abakerubi abo babambule tsimbaha tsiabwe ikulu, nibafwimba litisilo netsimbaha tsiabwe, nibahengana mumoni nomumoni; mumoni mwabakerubi muhenje litisilo elo. 21Mana ore litisilo elo hekulu khwisanduku; khandi mwisanduku oremwo oburumbusi obwa enzitsa okhukhuha. 22Ne habwenaho niho aha ndalaakaanilanga ninawe, khandi ndalasungananga ninawe okhurula yaho hekulu welitisilo, okhurula hakari wabakerubi babili abo abali khwisanduku lioburumbusi, khumakhuwa kosi aka ndalakhulachilisinjia khulwa abaana baIsiraeli.
23Khandi okhole imeesa yomusaala kwomupeeli; oburambi bwayo bube emikhono chibili, obuchiikha bwayo omukhono mulala, nobuchinguukhu bwayo omukhono neinusu. 24Ochifuume itsahaabu inzeleleshe, nochikholela olulika Iweitsahaabu okhuchibotokhasia. 25Ochikholele olubaho olwa obubambalifu bwalwo buhela eshikalo okhuchibotokhasia, nokholela olubaho olwo olulika Iweitsahaabu okhulubotokhasia. 26Ochikholele tsingaka tsine tsieitsahaabu, nora tsingaka etsio mukoona etsio tsine etsili khubilenje biayo bine. 27Tsingaka tsibe ahambi khulubaho olwo, tsibe habundu wetsinyanzo etsiokhuchinjila imeesa tsana. 28Okhole nende tsinyanzo tsiomupeeli, notsifuuma itsahaabu, mbu imeesa yichingungwe ninatsio. 29Khandi okhole tsingaye tsiayo, nende emiikho chiayo, nende emiendo chiayo, nende ebisaulda biayo, ebiokhutsushiilila; obukhole itsahaabu inzeleleshe. 30Mana orenjeshenje khumeesa eyo emikaate echiokhubaho khwanje imbeli wanje tsindaalo tsiosi.
Eshichibi shietsitaha eshieitsahaabu
(Okhuru. 37.17-24)
31Khandi okhole eshichibil shietsitaha shieitsahaabu inzeleleshe; eshichibi eshio shietsitaha shikholwe nomwiraanyi, eshishienje shiene nende eshirundu; ebikwata biashio, mbu amakanikha nende ebimuli, bibe eshindu shilala ninashio; 32khandi kabekhwo amasaka kasasaba akarula mumbafu washio, amasaka kataru keshichibi shietsitaha karulile elubeka lulala, khandi amasaka kataru keshichibi shietsitaha karulile elubeka lundi; 33ebikwata bitaru ebikholwa shinga okhumulikha khwomulusi mwisaka elala, likanikha neshimuli; khandi ebikwata bitaru ebikholwa shinga okhumulikha khwomulusi mwisaka lindi, likanikha neshimuli; amasaka kosi kasasaba akarula mushichibi, kari nanwa; 34nomushichibi shiene ebikwata bine ebikholwa shinga okhumulikha khwomulusi, amakanikha kakwo nende ebimuli biakwo; 35likanikha hasi wamasaka kabili akambeli, eliba eshindu shilala ninashio; khandi likanikha hasi wamasaka kabili akakhabili; khandi likanikha hasi wamasaka kabili akahelelesia; khulwa amasaka ako kasasaba akarula mushichibi. 36Amakanikha kako nende ebimuli biako bibe eshindu shilala ninashio; shiosi shibe omulimo mulala kwomwiraanyi, okweitsahaabu inzeleleshe. 37Okhole nende tsitaha tsiashio, musaafu; ne balarenjekhanga; khwo tsitaha, tsilangaalilenje imbeli washio. 38Ne amahana kashio, nende tsindaabo tsiomulilo, bibe bieitsahaabu inzeleleshe. 39Shilakholwa itsahaabu inzeleleshe eyichelwa italanda, nende ebichio ebio biosi. 40Khandi wirecheshe mbu obikhole omufwano kwabio shinga olwa kuli, shinga olwa wamanyiibwe mushikulu.
Currently Selected:
Okhurula 25: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
