Okhurula 24
24
1Mana OMWAMI nasunjila Musa ari Tikulukha ewOMWAMI, iwe, nende Haruni, Nadabu, nende Abihu, nende abandu amakhumi musaafu abomubakofu baIsiraeli; nimunzinamila yaho ehale; 2habula Musa yenyene asite ahambi khuMWAMI; ne balia baleshe okhusita ahambi; kata abandu baleshe okhuniina ninaye halala.
3Kho Musa natsia naboolela abandu amakhuwa kosi kOMWAMI, nende obukhalachibwe bwosi; abandu bosi nabo nibafuchila nende omwoyo mulala, bari Amakhuwa ako kosi aka OMWAMI yaboolile, khulakakholanga. 4Ne Musa yahandiika amakhuwa kosi kOMWAMI; nahuuna mumabwibwi, niyoombakha eshimalilo shiemisango mundaalila weshikulu, nende tsisiilo ekhumi natsibili, shinga tsimbia ekhumi natsibili tsiaIsiraeli olwa tsili 5khandi naruma abasooliili abemubaana baIsiraeli, nabo nibamumalila OMWAMI emisango emisambe nende emisango chiokhwishia, echietsing'ombe. 6Musa nabukula eshitonye shiamalasile, nakatsukha mungaye; ne amalasile akatong'a, nakooha khushimalilo. 7Mana nabukula eshitabu shieindakano, nasoomela mumarwi kabandu; nabo nibasunga mbu Kosi aka OMWAMI yaboolile, khulahulilanga nikhukakhola. 8Musa nabukula amalasile, nakooha khu bandu, nasunga mbu Lole, amalasile akeindakano eya OMWAMI alakaane nineenyu khumakhuwa kano kosi, ngakano.
9Mana Musa nende Haruni, Nadabu, nende Abihu, nende abandu amakhumi musaafu abomubakofu baIsiraeli, nibatikulukha, 10nibalola Nyasaye waIsiraeli; ne hasi webilenjebie hali shinga amachina keisapiri nikaalilwe, nikeelelekha shinga likulu liene. 11Ne khubamakuru babaana baIsiraeli, shiyabarusilia omukhono ta; nabo nibamulola Nyasaye, mana nibalia.
Musa mushikulu shiaSinai
12OMWAMI namusunjila Musa ari Otikulushe unzitsile mushikulu, obeyo; nasi nekhuheelesie orubaho orwo rwamachina, nende ameebaalo namalako aka ndahandiichile, mbu obeechesie. 13Kho Musa nabuukha, halala nende Yoswa omukhalabaniwe; Musa natikulukha mushikulu shiaNyasaye. 14Nasunjila abakofu abo ari Mukhulinde hano, okhuula olwa khwakhakalushe; ne lole, Haruni nende Huri muli ninabo; oubakhwo neshifune atsie ewa bali.
15Mana Musa naniina mushikulu, lileesi nalio nilifuunikha eshikulu. 16Ne oluyali Iw Iweekhala khushikulu shiaSinai, lileesi elo nilishifuunikha tsindaalo tsisasaba; ne khunyanga yomusaafu yamulanjisia Musa, mukari mwileesi. 17Ne okhulolekha khwoluyali Iw mumoni tsiabaana baIsiraeli khwafwana shinga omulilo okusambanga, khubutenje bweshikulu. 18Musa niyeenjila mwileesi mukari, naniina mushikulu; Musa naba mushikulu tsindaalo amakhumi kane, eshiteere nende eshilo.
Currently Selected:
Okhurula 24: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
