Okhurula 23
23
1Orarumbula likhuwa likhaya elia ohuliile ta; orasanjilana nende omumayaanu okhurumbula akobuloli bwobuchiishi tawe. 2Oralondana nomukanda okhukhola obubii ta; kata orarumbula akobuloli mushiina nokotola okhulondana nomukanda, okhushiamia obukhalachi; 3kata oramuterelal omumanani mushifuneshie ta.
4Olwa obukaana nende ing'ombe kata isishili yomusukuwo niyikorile, okhuula ochimukalusilie. 5Ne noba nolola isishili ya oyo oukhukiya niyikonile hasi niyisitoheelwe nomusiiko kwayo, noreenya okhumukhoonya okhuchilekhuula ta, okhuula omukhoonye okhuchilekhuula.
6Orashiamia obukhalachilwi bwomumananiwo mushifuneshie ta. 7Wiyahukhasie ehale nende likhuwa liobubeeyip; ne omundu omulunjishi oubula eshikha, oramwira tawe; shichila shindalamulanga omumayaanu mbu omulunjishi tawe. 8Khandi orabukulakhwo eshiomufuusi shiosi ta; shichila eshiomufuusi shibabofusinjia abalolanga, nishishiamia amakhuwa komulunjishi.
9Oramumiina omundu omurenoe ta; okhuba inywe mwamanya omwoyo kwomurende, shichila mwalinji abarende mushialo shiaMisiri.
Akomuyika kwomusaafu, nakaSabato
10Emiyika chisasaba oraachenje mwilobalio nende okhuchesa ebiamo biamwo; 11nelmtswa mumuyika kwomusaafu oliibale lihuluushe nilikona butswa; mbu mana abamanani abomubandubo baliitsenje; ne ebia balekha tsisolo etsiomubulimo tsilie. Khandi okholele omukundakwo kwemitsabibu ori nanwa, khandi nende omukundakwo kwemitseituni.
12Tsindaalo tsisasaba okholenje emilimochio, ne khunyanga yomusaafu ohuluushenje; mbu mana ing'ombeyo nende isishiliyo tsihuluushe, khandi mbu omwana womukholiwo weshikhasi, nende omucheni yesi, nabo basakuluushe. 13Ne mumakhuwa kosi aka ndamusunjiile, mube meeso; nimurarumbulaameeraabanyasayebandi ta, kata kaleshe okhuhuliilikha mumunwakwo.
Amasabo kataru akalachtlisibwa
(Okhuru. 34.18-26; Okhuka. 16.1-17)
14Ukholelenje lisabo khataru mumuyika. 15Okhole lisabo liemikaate echibulamwo amamela; tsindaalo musaafu olaliitsanga emikaate echibulamwo amamela, shinga olwa ndakhulaka, khunduukho eyomumwesi kwaAbibu, shichila mukwenokwo warula eMisiri; omundu yesi aleshe okhulolekha imbeli wanje nali butswa; 16khandi lisabo lielichesa, ebirongole ebirula mukhunyakhar akhwo, ebia oraakanga mumukunda; khandi nende lisabo liokhwinjisia, omuyika olwa kuhweele, olwa okhung'aasinjia ebiokhunyakhanakhwo mumukunda. 17Okhuula khataru mumuyika abeshisaatsabo bosi baloleshenje imbeli wOMWAMI NYASAYE.
18Orahaana amalasile akomusango kwanje kalala nende omukaate okulimwo amamela ta; kata amasinya kelisabo lianje kaleshe okhusikala kakone okhuula mukamba ta.
19Ebiambeli khubirongole ebielilobalio, obileerenje munzu yOMWAMI Nyasayewo.
Orateekha eshimeeme mumabeele kanyina ta.
20Lola, eruma malaika imbeliwo, okhukhulindanga khunjila, nokhukhuusia habundu tsana aha ndakhukasiliye. 21Mwirechelesinjie nimuhulila aka aboola; muramukhaya ta; okhuba shialamuleshelanga obukhayi bweenywe ta; shichila eliira lianje lili muye.
22Ne noba nohulila aka aboola toto, nokhola kosi aka emboola; mana ndalabeetsanga omusuku wabasukubo, nimbayingania abakhuyinganinjia iwe.
23Okhuba malaika wanje alakhwimilila nakhuusia euabaAmori, nabaHiti, nabaPerizi, nabaKanaani, nabaHiwi, nende abaYebusi; nasi ndalabaakamja. 24Oreenamilanga abanyasaye babwe ta, Ieata okhubakhalabanila, kata okhukhola ebikhole shinga ebiabwe ta; nebutswa obakwisilie elala, nosasaka tsisiilo tsiabwe. 25Ne mukhalabanilenje OMWAMI Nyasaye weenywe, naye alabiheelesinjia ikhabi ebiliibwa bieenywe, nende amatsi keenywe; khandi ndalarusinjia obulwale okhurula hakari mwinywe. 26Shiaabaho ouhuusa omwana kata oukumbahala mushibalashio ta; ndiliusia habwene obukhumi bwetsindaalolsio. 27Ndalarumanga oburiisii bwanje imbeliwo, ningoyaasia abandu bosi ewa otsiitsanga, ninjila abasukubo bosi nibakhufutarila. 28Ne ndalaruma amahalamba imbehwo, nako kaleelusia abaHiwi nabaKanaani nende abaHiti imbeliwo. 29Shindalabeelusia imbeliwo mumuyika mulala ta; eshialo shiakhakwa likunda, khandi tsisolo etsiomubulimo tsiakhakhwinjiyila. 30Ndalabeelusinjia imbeliwo hatiiti hatiiti, okhuula olwa olaba niwinjiihe nolia obulaame bweshialo. 31Ne ndalaraho olwakhokvo okhurula khuNyanza Inzakhanyu okhuula khunyanza yabaFilisiti, khandi okhurula khushitsiimi okhuula khumwalo kwaEufurate; shichila ndalahaana abamenyanga mushialo eshio mumukhonokwo; nawe olabeelusiaimbeliwo. 32Oralia ninabo omuuma kwosi ta, kata nabanyasaye babwe. 33Baleshe okhumenya mushialoshio; bakhachile niunzonoonela; shichila noba nokhalabanila abanyasaye babwe, liakhaba omubero khwiwe.
Currently Selected:
Okhurula 23: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
