Okhurula 16
16
1Nibachaaka oluchendo okhurula eElimu, abomukung'aano kwosi kwabaana baIsiraeli nibatsia niboola khushitsiimi shiaSini, eshili hakari waElimu nende Sinai, omwesi kwakhabili okhurula olwa barula mushialo shiaMisiri olwa kwali ekhumi nakharaano. 2Ne omukhung'aano kwosi kwabaana baIsiraeli nibabuuluulila Musa nende Haruni mushitsiimi; 3abaana baIsiraeli nibabasunjila bari Khane bwakhabeele bulayi nikhwakhafwile khulwa omukhono kwOMWAMI muMisiri olwa khweekhalanga khutsiyamuunyu, olwakhwaliitsanga ebiliibwa nikhwikura; okhuba mukhurusiyeyo nimukhuleera mushitsiimi shino, okhwira libukaana lino liosi nende inzala. 4Mana OMWAMI namusunjila Musa mbu Lola, ndalamukwisilia ebiliibwa shinga ifula okhurula mwikulu; nabo abandu balarulanga bul i nyanga okhutoola omukabo kweinyanga, mbu mana embateeme, nibaba nibeetsa okhwichendelesia mumeebaalo kanje nohomba ta. 5Ne khunyanga yakhasasaba balakasia bienebio ebia baleera, nabio bilaba ebinji okhushila ebia i atoolanga buli nyanga akhandi khabili. 6Mana Musa nende Haruni nibasunjila abaana balsiraeli bosi bari Nibwakheela, mwitsa okhumanya shinga olwa yabeele OMWAMI owamurusiye mushialo shiaMisiri; 7khandi nibwaklhashia, mwitsa okhulola oluyali lwOMWAMI, shichila ahulilanga okhubuuluula khweenywe okhwa mumubuuluulilanga OMWAMI; neefu nifwe beena, aba mubuuluulilanga? 8Khandi Musa naboola mbu Olwa OMWAMI alamuheelesinjia inyama mungoloobe mbu mulie, khandi mutsuli obusuma obumwikusia, okhuba OMWAMI ahulilanga okhubuuluula khweenywe okhwa mumubuuluulilanga kho nifwe beena? Okhubuuluula khweenywe shikhuli khwifwe ta, habula khuMWAMI.
Nyasaye yahaana imana netsisindu
9Musa namubiila Haruni ari Sunjila abomukhung'aano kwosi kwabaana baIsiraeli ori Musite ahambi, imbeli wOMWAMI; okhuba ahuliile okhubuuluula khweenywe. 10Ne olwa Haruni yali nashisunjila abomukhung'aano kwosi kwabaana baIsiraeli, bahenga enashitsiimi, ne lola, oluyali lwOMWAMI lwaloleshea mwileesi tsana. 11OMWAMI namusun jila Musa ari 12Embuliile okhubuuluula khwabaana baIsiraeli; 'basunjile ori Nibwakheela mulalia inyama, khandi nibwakhashia muleekura obusuma; mana mulamanya shinga olwa endi OMWAMI Nyasaye weenywe. 13Mana nibwakheela tsisindu tsiatikulukha nitsimaama ikambi yosi; khandi olwa bwashia mutsuli, eliime liali niliamile khwiloba okhubotokhana ikambi yosi. 14Ne eliime elo eliali niliamile olwa liamala niliamulukha, lola, orundu orupaapale shinga tsinzubu ndworwo, khwiloba lieshitsiimi, orupaapale shinga isakitu khwiloba. 15Ne olwa abaana baIsiraeli balola, bareebana bari Nishiina shino? Okhuba shibashimanya ta. Musa nababoolela ari Nibwo obusuma obwa OMWAMI amuheele mulie. 16Lino nilio elia OMWAMI alachile, mbu Mutoole, buli mundu okhuliakhwe shinga olwa khuli, indubil khubuli mundu, obukhumi bwabandu beenywe shinga olwa buli, nilwo olwa mulabukulenje, buli mundu khulwabo abali mwiheemalie. 17Abaana baIsiraeli nibakhola bario, abandi nibatoola okhushilaasia, abandi nabo nibaleemia. 18Ne olwa bachela mundubi, owatoola ebinji shiyali nende ebishilaanile ta, kata owatoola ebitiiti shiyaleema ta; bali nibatoolile buli mundu okhuliakhwe shinga olwa khwali. 19Mana Musa nababiila ari Omundu yesi arabilekha bikone tawe. 20Nebutswa shibamuhulila Musa ta; habula abandi khubo balekhakhwo eshitonye shikone, nashio nishikwa tsinyende, nishihunya; Musa naye nabasinyishila. 21Kho bashitoolanga mutsuli buli mutsuli, buli mundu okhuliakhwe shinga olwa khwali; ne omubasu olwa kwalulanga, shiasalulukhanRa. 22Ne khunyanga yakhasasaba batoola ebiliibwa ebio ebihela khandi khabili, tsindubi tsibili khubuli mundu; abeemilisi bosi bomukhung'aano nibeetsa nibamuboolela Musa. 23Naye nabasunjila ari Lino nilio elia OMWAMI yasunjile mbu Mukamba nomuhongo; neisabato indakatifu khuMWAMI; samba ebia mwenyile okhusamba, nimuteekha ebia mwenyile okhuteekha; ne ebitong'a biosi mwibiishile, bilindwe okhuula mukamba. 24Nibabibiikha okhuula mukamba shinga Musa olwa yababiila; nabio nibirahunya ta, kata inyende yosi okhubamwo tawe. 25Musa naboola mbu Mulie bienebio leelo; okhuba leelo neisabato yOMWAMI; leelo shimulabinyoola ebulafu ta. 26Tsindaalo tsisasaba mulabitoolanga; ne inyanga yomusaafu neisabato; khunyanga eyo shibilabeetsangaho tawe. 27Ne khunyanga yomusaafu abandi khubo barula nibatsia okhutoola, nibaranyoola eshindu ta. 28Mana OMWAMI yamusunjila Musa ari Mulakhayanga okhuhulila amalako kanje nende ameebaalo kanje okhuula liina? 29Lole, okhuba OMWAMI yamuha isabato, niko akachila namuheele khunyanga yakhasasaba ebiliibwa bietsindaalo tsibili; mwikhale buli mundu kawuwe, omundu yesi aleshe okhurula habunduwe khunyanga yomusaafu. 30Kho abandu nibahuluukha khunyanga yomusaafu. 31Ne abeinzu yalsiraeli babikulikha eliira mbu Imana; yali indafu shingana imwo yamabele keikhumba, ne yali neshiuya shingana ebisikuti ebiatsokasibwamwo obuushi. 32Mana Musa nasunga mbu Lino nilio elia OMWAMI alachile, mbu indubi yayo yibiishilwe abetsinzibulo tsieenywe; mbu balole obusuma obwa ndamuliisinjia mushitsiimi, olwa ndamurusia mushialo shiaMisiri. 33Musa namubiila Haruni ari Bukula inyungu, oremwo imana eyihela indubi ndala, ore imbeli wOMWAMI, yibiishilwe tsinzibulo tsieenywe. 34Shinga olwa OMWAMI yamulaka Musa, nilwo olwa Haruni yachira imbeli wOburumbusi, yibiikhwe. 35Ne abaana baIsiraeli baliitsanga imana emiyika amakhumi kane, okhuula olwa boola mushialo eshiamenywamwo; batsiililila okhulia imana okhuula olwa boola khunzakho tsieshialo shiaKanaani. 36Ne indubi tsana yahela eshitonye shielikhumi shieshimwelo.
Currently Selected:
Okhurula 16: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
