Okhurula 15

Olwimbo lwaMusa

1Mana Musa nende abaana baIsiraeli nibeembela OMWAMI olwimbo luno,

bari Ndalamwimbila OMWAMI, shichila achinguushile muluyali,

ifarasi nende ouchendelakhwo abisukuune munyanza.

2OMWAMI niye amaani kanje khandi olwimbo lwanje,

khandi yeekholile obuhonia bwanje.

Uno niye Nyasaye wanje, nasi ndalamwitsoominjia;

niNyasaye wapapa, nasi ndalamufuminjia.

3OMWAMI niye omulasani;

OMWAMI nilio eliiralie.

4Amakaari kaFarao nende abelihelie, abisukuune munyanza;

abalulube abalobole nabo beeyiniishe muNyanza Inzakhanyu.

5Tsindungu tsibafuuniishe;

batibile mulusiba shinga lichina.

6E OMWAMI, omukhonokwo musaatsa, amaani kakwo nakoluyali;

e OMWAMI, omukhonokwo musaatsa kusasakanga abasuku.

7Khandi mubukhongo bwobukhulundubwo olikululanga abo abakhubuushilakhwo;

orumanga obululubwo, nabwo bubasamba shinga olububa.

8Olwa wafuura namooluko amatsi keebunjikha, omukhulukusio kwasinjila shilunji shieshituuli;

tsindungu tsieeboha mumwoyo kweinyanza.

9Abasuku baboola bari Ndalalonda, ndalanyoola, ndalakaba ebiyaayo;

obwikombi bwanje bulanyalishila khubo;

ndalatsomola olukanga, omukhono kwanje kulabalia.

10Wabahuutsa nomuyekakwo, inyanza nayo yabafuunikha;

beeyinikha shinga tsisasil mumatsi amakhongo.

11E OMWAMI, mubanyasaye ali heena ngana iwe?

Ali heena owingana iwe, owa obutakatifubwo nobwoluyali,

khandi ifumayo neyamariisia, nokholanga ebiamaklma?

12Wanyiila omukhonokwo musaatsa, liloba nilibamila.

13Iwe mumbabasitsio wabeemilila abandu aba wali nonunuule;

khulwa amaaniko wabeebaalila okhuula khushimenyoshio eshitakatifu.

14Tsimbia tsiabandu tsihulila, nitsitechela;

abamenyanga muFilisiti bayia munda.

15Mana abamakuru baEdomu nibang'ang'aala;

abetsingufu baMoabu, indenga yibahamba;

abamenyanga muKanaani nibahwa amaani pe.

16Ikholo yibsrimukha, oburii nibubatiila;

khulwa obukhongo bwomukhonokwo banyira shinga lichina;

okhuula olwa abandubo baambukha, OMWAMI,

okhuula olwa abandu baambukha, abeenabo aba wakula.

17Olabeenjisia, nobaraaka mushikulu shiobulaamebwo,

habundu aha weekasilia, OMWAMI, mbu omenyemwo,

habundu ahatakatifu, OMWAMI, aha amakhonoko karalisia.

18OMWAMI alarukanga ebisoni nebisoni.

19Okhuba tsifarasi tsiaFarao tsieenjila munyanza halala namakaarike nende abachendelakhufarasibe, mana OMWAMI yakalusia amatsi keinyanza khubo; habula abaana baIsiraeli bachenda khwiloba eliumu hakari weinyanza.

20Mana Miriamu, omunabii weshikhasi, mbootsonyene Haruni, yabukula isukuti mumukhono; mana abakhasi bosi nibalonda inyumawe, netsisukuti nende okhushina. 21Miriamu yareleesia olwimbo niyoongulilana ninabo, ari

Mumwimbile OMWAMI, shichila achinguushile muluyali,

ifarasi nende ouchendelakhwo, abisukuune munyanza.

Amatsi amalulu eMara

22Ne Musa yeemilila Isiraeli nabatsitsachisia imbeli okhurula khuNyanza Inzakhanyu, nibatsia nibeenjila mushitsi mi shiaShuru; nibachenda tsindaalo tsitaru mushitsiimi, nibaranyoolanga amatsi ta. 23Ne olwa boola eMara, shibanyala okhunywa khumatsi kaMara ta, shichila kali amalulu; niko akachila nihalangwa mbu Mara. 24Mana abandu abo nibamubuuluulila Musa, bari Khulanywa shi? 25Naye nahaabila OMWAMI; mana OMWAMI yamumanyia omusaala kundi, naye nakusukuna mumatsi, amatsi nikakaasa.

Ebweneyo yabakholela lilako nende obukhalachi, khandi ebweneyo yabateema; 26naboola ari Nimuba nimurechelesia bulayi omwoyo kwOMWAMI Nyasaye weenywe, nimukhola akali amalunji mumonitsie, nimureka amarwi khubwibaalibwe, nimulinda amalakoke kosi, shindalamuleerela oluumbe lwosi khutsienetsio etsia ndaleerela abaMisiri ta; shichila isie nisie OMWAMI oumuhoninjia.

Okhubuuluula khwabandu

27Niboola eElimu, ewa tsisebele tsiamatsi tsiali ekhumi natsibili, nende emisaala chiamashindu amakhumi musaafu; nibakhomayo ikambi yabwe ahambi nende amatsi.

Currently Selected:

Okhurula 15: OUV

Highlight

Compare

Copy