Okhurula 14
14
Okhwambukha Inyanza Inzakhanyu
1Mana OMWAMI yasunjila Musa ari 2Biila abaana baIsiraeli mbu bakalushe, bakhome ikambi yabwe imbeli waPi-hahirotsi, hakari waMigidoli nende inyanza, ahahengaane nende Baali-zefoni; mukhome ikambi yeenywe halubeka olwo, ahatnbi nende inyanza. 3Naye Farao alaslmga khubaana baIsiraeli ari Fshialo shibaliile; eshitsiimi shibeekaliile. 4Nasi ndalatinyia omwoyo kwaFarao, naye alabalondachilila; ne ndaleenyoolela omwene oluyali khuFarao, khandi khwihelie liosi; mana abaMisiri balamanya mbu isie nisie OMWAMI. Mana nibakhola bario.
5Omuruch i waMisiri naboolelwa shinga abandu olwa bali nibeeluushe; omwoyo kwaFarao nende emioyo chiabasumbabe nichikalukhana khubandu abo, nibaboola bari Kano kabeele karie aka khukholile, mbu okhulekhuula Isiraeli batsie nibarakhukhalabanila ta? 6Kho nakasia likaarilie, natsia nende abelihelie; 7nabukula nende amakaari amalobole ebikhumi bisasaba, halala namakaari kosi kaMisiri, nende abalulu khuko kosi. 8Ne OMWAMI yatinyia omwoyo kwaFarao omuruchi waMisiri, naye nalondachilila abaana balsiraeli, olwa bali nibarulile neinjinia. 9Ne abaMisiri nibabalondachilila, tsifarasi tsiosi nende amakaari kosi kaFarao, nende abachendela; khufarasibe, nelihelie, nibabanyoola nibakhomile ikambi yabwe ahambi nende inyanza, halubeka lwaPi-hahirotsi, imbeli waBaali-sefoni.
10Nolwa Farao yoola ahambi, abaana baIsiraeli bachinguula tsimoni tsiabwe, ne lola, abaMisiri mbabo, nibeetsanga munyuma wabwe; nibaria muno; abaana baIsiraeli nibamuhaabila OMWAMI. 11Nibamusunjila Musa bari Nikhulwa tsing'ani okhubulayo muMisiri, nikhwo okhuchilile nokhurusiyeyo, khufwile mushitsiimi? Mbushiina nokhukholeele orio, nokhuyinia okhurula muMisiri? 12Likhuwa lino shilili nilio elia khwakhuboolela muMisiri, khuri Lekha khube, khubakhalabanile abaMisiri? Okhuba khwakhachama okhukhalabanila abaMisiri, okhushila okhufwila mushitsiimi. 13Naye Musa nasunjila abandu ari Muraria ta, sinjile mutinye, mulole obuhonia bwOMWAMI, obwa yeetsa okhumukholela leelo; okhuba kata olwa mubaluutsi abaMisiri olwa leelo, shimulabalolakhwo khandi inziayo tawe. 14OMWAMI alamulwanila, neenyu mulaholeela butswa.
15Mana OMWAMI namusunjila Musa ari Uhaabilanga mbushiina? Sunjila abaana baIsiraeli mbu batsiililile imbeli. 16Nawe, chinguula indabushiyo onyiile omukhonokwo hekulu weinyanza, ochikabukhasie; mana abaana baIsiraeli balabira munyanza hakari khwiloba eliumu. 17Nasi, lola, ndalatinyia emioyo chiabaMisiri; nabo baleenjilanlwo nibabalondachilila; ne ndaleenyoolela omwene oluyali khuFarao khandi khwihelie liosi, khumakaarike, khandi khubachendela-khufarasibe. 18Mana abaMisiri balamanya mbu isie nisie OMWAMI, olwa ndalaba nindinyooleele oluyali khuFarao, khumakaarike, khandi khubachendela-khufarasihe.
19Mana malaika waNyasaye, owali niyeemiliIanga omukanda kwaIsiraeli, yarulaho natsia munyuma wabwe; lileesi elo eliingana isiilo nalio nilirula imbeli wabwe, nilisinjila munyuma wabwe; 20niliula hakari womukanda kwaMisiri nende omukanda kwaIsiraeli; nibibaho lileesi nende eshiilima, nalio nililangalila eshilo; okundi nikurasita ahambi nokundi tawe, eshilo tulu.
21Mana Musa nanyiila omukhonokwe hekulu Weinyanza; OMWAMI naye nakalusia inyanza inyuma khulwa omuyeka omukhongo kwebukwe eshilo tulu, nakhola inyanza eshialo eshiumu amatsi nako nikakabukhana. 22Mana abaana baIsiraeli babira munyanza hakari khwiloba eliumu; amatsi nako nikababeela lisiisi khumukhono kwabwe musaatsa, khandi khumukhasi. 23AbaMisiri nabo nibabalondachilila, nibeenjila munyuma wabwe munyanza hakari, tsifarasi tsiosi tsiaFarao, namakaarike, nabachendela; khufarasibe. 24Mana mukhuba-meeso khubulindi okhwomumabwibwi, OMWAMI yahenjeelela omukanda kwaMisiri mumulilo okwingana isiilo khandi mwileesi elo, nakoyaasia omukanda kwabaMisiri, 25nahandia emikurutumu chiamakaari, nako nikatsia nikasitoohe; okhuula olwa abaMisiri basunga mbu Chende khwilushe abaIsiraeli; okhuba OMWAMI abalwanilanga, nayinga abaMisiri.
Lihe liabaMisiri liatibila munyanza
26Mana OMWAMI namusunjila Musa ari Nyiila omukhonokwo ikulu weinyanza, mbu amatsi kakalushe khubaMisiri, khumakaari kabwe, nokhubachendela; khufarasi babwe. 27Ne Musa yanyiila omukhonokwe ikulu weinyanza, ne olwa ebukwe bwasheba inyanza yakalukha shinga olwa yabeetsanga, abaMisiri nabo nibeelukh muyo; OMWAMI nabungulula abaMisiri hakari munyanza. 28Amatsi nako nikakalukha, nikafuunikha amakaari, nende abachendela; khufarasi mbu lihe liosi liaFarao eliali niliinjiile munyanza munyuma wabaIsiraeli; shiyatong'a kata mulala khubo tawe. 29Nebutswa abaana baIsiraeli bachenda khwiloba eliumu hakari weinyanza; amatsi nako nikababeela lisiisi khumukhono kwabwe musaatsa, khandi khumukhono mukhasi. 30Nilwo olwa OMWAMI yahonia Isiraeli inyanga eyo mumukhono kwabaMisiri; ne Isiraeli nalola abaMisiri nibafwile, khulukuku Iweinyanza. 31Isiraeli nalola omulimo omukhongo okwa OMWAMI yakhola khubaMisiri, abandu nabo nibamuria OMWAMI; nibamusuubilila OMWAMI, khandi nende omusumbawe Musa.
Currently Selected:
Okhurula 14: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
