Okhurula 12
12
Pasaka
1Mana OMWAMI nasunjila Musa nende Haruni mushialo shiaMisiri, ari 2Omwesi kuno kulabeetsanga okhuchaaka khwemiesi khwinywe; kulabeetsanga omwesi kwambeli kwomuyika khwinywe. 3Musunjile abomukhung'aano kwosi kwaIsiraeli muri Omwesi kuno nikuli ekhumi, babukule buli mundu likondi lieshimwamwane, tsinzu tsiabasamwana shinga olwa tsili, khulwa litaala; 4ne abelitaala nibaba nibali abatuutu abaranyala okhumala likondi ta, kho ye nende omumenyaniwe ourondokhaane nende inzuye balibukule elala, obukhumi bwabandu shinga olwa buli; india yabuli mundu shinga olwa yihela, nindio mulababasilia khwikondi. 5Likondi lieenywe libe elibula obulema, khandi libe elieshimwamwane; mulibukule kata mumakondi kata mumbusi; 6mana mulibiishe okhuula omwesi kwenokwo nikuli ekhumi nakhane; mana libukana liosi liemukhung'aano kwaIsiraeli beere amakondi kabwe mungoloobe. 7Mana babukule khumalasile, babashe khubiyindi biombi biomuliango nende khuliatiilwa, khunzu etsia nabakaliilemwo. 8Balie inyama eyo mushilo shieneshio, niyisambilwe, halala nende emikaate echibulamwo amamela; bachilie nende eliani lilulu. 9Murachilia imbisi, kata niyiteeshilwe namatsi tawe, habula niyisambilwe; omurwe kwashio halala nende ebilenje nende amala kashio. 10Ne muralekhakhwo eshitonye shiosi shitong'e okhuula mukamba ta; ne eshiakhaba nishitong'ile okhuula mukamba, mushisambe mumulilo. 11Ne muchilie muri nanwa; nimwiboyile mubishienje, ebilaaro nibili mubilenje bieenywe, nende indabushi mumukhono; muchilie matetekhana; niyo ipasaka yOMWAMI 12Okhuba ndalabira mushialo shiosi shiaMisiri eshilo shieneshio, nikhupa abeekulanda bosi abomushialo shiaMisiri, kata babandu kata bemiruko; ne ndalakhalaka eshiina nimbakuuma abanyasaye bosi baMisiri; nisie OMWAMI. 13Ne amalasile ako kalamubeela eshilolelo shieenywe khunzu etsia mulabamwo; ne olwa endola amaIasile ndalamubirakhwo, ne shililabaho linyasio khwinywe okhumumulula ta, olwa ekhupa eshialo shiaMisiri.
14Inyanga yino nayo yilamubeela eshiitsulilo, ne mulachilindanga yibeetsenje lisabo liOMWAMI; munzibulo tsieenywe tsiosi mulachilindanga yibe lisabo khulwa lilako elirahwaho ta. 15Tsindaalo musaafu mulaliitsanga emikaate echibulamwo amamela; kata khunyanga yambeli mularusinjia amamela kosi munzu tsieenywe; okhuba omundu yesi owakhalia omukaate okulimwo amamela okhurula khunyanga yambeli okhuula khunyanga yomusaafu, omundu oyo yakhaarwa arule muIsiraeli. 16Ne khunyanga yambeli mulabeetsanga nende omukhung'aano omutakatifu, khandi khunyanga yomusaafu omukhung'aano omutakatifu; emilimo chiosi chiosi shichilakholungwa khutsio ta, habula chienechio echichila buli mundu alie, echio chionyene muchikholenje. 17Ne mulabeetsanga nende lisabo liemikaate echibulamwo amamela; okhuba khunyanga yene yino ndarusia emikanda chieenywe shinga echiabaseeri mushialo shiaMisiri; niko akachila mulalindanga inyanga yino munzibulo tsieenywe khulwa lilako elirahwaho ta. 18Mumwesi kwambeli, nikuli ekhumi nakhane, khushise shiamungoloobe, mulalia emikaate echibulamwo amamela, okhuula omwesi olwa kulaba amakhumi kabili nalulala mungoloobe. 19Tsindaalo musaafu amamela kaleshenje okhunyoolekhakhwo munzu tsieenywe; okhuba omundu yesi owakhalia eshindu eshilimwo amamela, omundu oyo yakhaarwa okhurula mumukhung'aano kwaIsiraeli, kata niyakhaba omurende kata niyakhaba omwibule. 20Shimulaliitsanga eshindu shiosi eshilimwo amamela ta; mubimenyo bieenywe biosi mulaliitsanga emikaate echibulamwo amamela.
21Mana Musa yarumana nalanga abakofu bosi baIsiraeli, nabasunjila ari Mutsie bulaano, mubukule amakondi kebimwamwane, abomunzu tsieenywe shinga olwa bali, nimwira khulwa ipasaka. 22Mana mubukule amasaafu kamabinu, mwine mumalasile akali mulukaye, mukhupe khuliatiilwa nende khubiyindi biombi amalasile akali mulukaye; mana omundu yesi mwinywe aleshe okhurula mumuliango kweinzuye okhuula olwa nabushie mutsuli. 23Okhuba OMWAMI yeetsa okhubira mbu akhupe abaMisiri; ne olwa alalolanga amalasile nikal i khuliatiilwa nende khubiyindi biombi, OMWAMI alabirakhwo khumuliango okwo, narafuchiilila owonooninjia oyo okhwinjila munzu tsieenywe mbu amukhupe tawe. 24Ne mulalindanga likhuwa lino libe lilako khwinywe khandi khubaana beenywe ebisoni nebisoni. 25Ne olwa muliba nimuulile khushialo eshia OMWAMI alamuheelesia, shinga olwa yaboola, mulalondanga obukhalabani buno. 26Olwa abaana beenywe balimureebanga bari Eshisina shiobukhalabani buno nishiina khwinywe? 27Mulaboolanga muri Nibwo omusango kwapasaka yOMWAMI, okhuba yabira khutsinzu tsiabaana baIsiraeli muMisiri, olwa yakhupa abaMisiri, nahonokosia tsinzu tsieefwe. Abandu nabo nibabunamin emirwe nibamwinamila OMWAMI.
28Abaana baIsiraeli nibatsia nibakhola bario; shinga OMWAMI olwa yali niyalachile Musa nende Haruni, nindio bakhola.
Linyasio eliahelelesia; Okhufwa khwabeekulanda
29Mana mushilo hakari OMWAMI yakhupa abeekulanda bosi mushialo shiaMisiri, okhurula khumwikulanda waFarao mwene oweekhala khushifumbi shiobwami okhuula khumwikulanda womuhambe owali nali mumbohe yobwina; nende ebieebulwa ebiambeli biosi biemiruko. 30Naye Farao nabuukha mushilo, ye nende abasumbabe bosi, nende abaMisiri bosi; nitsibaho tsimbungu tsinyinji muMisiri; okhuba shiyaliho inzu yosi eyiralimwo omufu tawe. 31Ne yarumana nalanga Musa nende Haruni mushilo, naboola mbu Tsie, rule mubandu banje, inywe halala nende abaana baIsiraeli; tsie, mumukhalabanile OMWAMI, shinga olwa musunjile. 32Bukule ebiayo bieenywe khandi nende tsing'ombe tsieenywe, shinga olwa musunjile, muhweho; ne nasi, musabile ikhabi. 33AbaMisiri nibabalunyia abandu, nibabeelusia mushialo matetekhana; nibasunga bari Fwesi khuli butswa abafu. 34Abandu nabo nibabukula eshinokho shiabwe nishirashiareebwamwo amamela ta, nibaboyile tsinyungu etsia banyobelangamwo munguoo tslaowe, nibeetuu kha. 35Abaana baIsiraeli nibakhola shinga Musa olwa yali nasunjile, nibasaba abaMisiri ebimili bieifeetsa, nende ebimili bieitsahaabu, nende ebiifwalo; 36OMWAMI naye nachila aba Misiri nibabakoosia abandu abo, nibabaheelesi ebin basaba. Nilwo olwa bayaaya abaMisiri.
Abalsiraeli barula eMisiri
37Abaana balsiraeli nibachenda okhurula eRamasesi okhuula eSukotsi, abandu abasaatsa shinga ebikhumila ebikhumi bisasaba abachenda namakulu, khandi nende abakhasi nabaana. 38Khandi omukanda omukhongo kwabandu nbali nibatsokatsokaane batikulukha ninabo; nende ebiayo, nende tsing'ombe, emiruko eminji. 39Nibafumbuukha eshinokho eshia bnli nibarulile ninashio eMisiri emikaate echibulamwo amamela, okhuba shiali nishishili okhureebwamwo nmamela; shichila beelusibwa eMisiri, nibaranyala okhwiyingoyia ta, kata shibnli nibakasiye eshiokhulia tawe.
40Ne okhumenya khwabaana baIsiraeli, olwn bamenya muMisiri, khwali okhwemiyika ebikhumi bine nende amakhumi kataru. 41Ne olwa emiyika chiali nichihweele ebikhumi bine nende smakhumi kataru, khunyanga yeneyo emikanda chiosi chiOMWAMI shinga echiabaseeri chiarula mushialo shiaMisiri. 42Eshio shiali eshilo eshiokhulinda muno khuMWAMI, olwa yabarusia mushialo shiaMisiri; kho khubaana baIsiraeli bosi shino nishio eshilo shiokhulindiilila muno khuMWAMI, munzibulo tsiabwe tsiosi.
Amalako keipasaka
43Mana OMWAMI nasunjila Musa nende Haruni ari Amalako keipasaka ngakano; mbu omundu omurende yesi shialaliakhwo tawe; 44habula omusumba womundu yesi, owakulwa amapeesa, olwa wakhaba nomushebile, nolwn alaliitsangakhwo. 45Omurende kata omukholi womushaara shibalaliakhwo ta. 46Yilaliilungwa munzu ndala; shiolabukulakhwo khunyama eyo, warusia elwanyi, ta; kata shiolafunaka likumba liayo tawe. 47Abomukhung'aano kwosi kwaIsiraeli balakholanga bario. 48Ne omurende oumenyanga mwinywe niyeenya okhumukholela OMWAMI ipasaka, kho abandube bosi abeshisaatsa bashebwe, mana asite ahambi nachikhola; mana alabeetsanga shinga omwibule; nebutswa omundu omusinde araliakhwo tawe. 49Lilako lilabeetsanga elala khumwibule, nende khumurende oumenyanga mwinywe.
50Abaana baIsiraeli bosi nibakhola bario; shinga OMWAMI olwa yalaka Musa nende Haruni, nilwo olwa bakhola. 51Ne khunyanga yeneyo, OMWAMI yarusia abaana baIsiraeli mushialo shiaMisiri, emikanda chiabwe shinga echiabaseeri.
Currently Selected:
Okhurula 12: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
