Okhurula 11
11
Akokhufwa khwabeekulanda karumbulwa khale
1Mana OMWAMI namusunjila Musa mbu Lishiliho linyasio elala elia enzitsa okhuleerela Farao nende Misiri; olunyumakhwo alamulekhuula muruleyo; nolwa alamulekhuula mutsie, toto mwene alamwilusilia elala. 2Musunje bulaano mumarwi kabandu, mbu buli musaatsa asabe omumenyaniwe, khandi buli mukhasi asabe omumenyaniwe, ebimili bieifeetsa nende ebimili bieitsahaabu. 3OMWAMI nachila abaMisiri nibakoosia abandu abo. Khandi Musa oyo yali omukhongo muno mushialo shiaMisiri, mumoni tsiabasumba baFarao, khandi mumoni tsiabandu bosi.
4Kho Musa nasunga mbu Kano niko aka OMWAMI aboola; mbu Mushilo hakari ndalarula nimbira muMisiri; 5mana abeekulanda abomushialo shiaMisiri balafwa, okhurula khumwikulanda waFarao mwene owikhaale khushifumbi shiobwami, kata okhuula khumwikulanda womukhasi omukholi ouli khuluchina; nende ebiibulwa ebiambeli biemiruko chiosi. 6Ne tsilabaho tsimbungu tsinyinji mushialo shiosi shiaMisiri, kata tsirashiabaho etsifwana tsirio ta, kata shitsilibaho etsifwana tsirio tawe. 7Ne khubaana baIsiraeli, kata imbwa shiyilasemakhwo ta, khumundu kata khumuruko; mbu mumanye shinga OMWAMI olwa yaahukhasinjia abaMisiri nende Isiraeli. 8Ne abasumbabo bano bosi balakholomokha nibanzitsila, nibanzinamila, nibasunga bari Orule, halala nende abandu bosi abali abalondibo; nolunyuma lwa ako, ndalarula. Narula ewaFarao noburima obululu. 9Mana OMWAMI nasunjila Musa mbu Farao shialakhuhulila ta; mbu akamakana kanje keenjihe mushialo shiaMisiri.
10Musa nende Haruni nibakhola akamakana kano kosi imbeli waFarao; nebutswa OMWAMI yatinyia omwoyo kwaFarao, Farao naye naralekhuula abaana baIsiraeli barule mushialoshie ta.
Currently Selected:
Okhurula 11: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
