Okhurula 10
10
Linyasio lietsisiche
1Mana OMWAMI yamusunjila Musa ari Yinjila ewaFarao; okhuba enyumiye omwoyokwe nende emioyo chiabasumbabe, mbu mana endolosie ebilolelo bianje bino hakari wabwe; 2khandi mbu oboole omwanawo nahulila, khandi omwitsukhuluwo nahulila, shinga olwa ndayingoyiye Misiri, nende ebilolelo bianje ebia ndakholile mubo; mbu mana mumanye shinga olwa endi OMWAMI.
3Kho Musa nende Haruni nibeenjila ewaFarao, nibamusunjila bari Kano niko aka OMWAMI, Nyasaye wabaHeburania, asunga; mbu Olakhayanga okhwituutuyia imbeli wanje okhuula liina? Lekhuula abandu banje batsie, mbu bakhalabanile. 4Nebutswa, noba nokhaya okhulekhuula abandu banje batsie, lola, mukamba ndalaleera tsisiche mushialoshlo. 5Natsio tsilamaamila eshibala shiosi, omundu naranyala okhulola eshibala ta; ne tsilaha omusikalo okweehonokokha, okwamutong'ela inyuma weifula yamachina, nitsilia buli musaala okwamumelela mumikunda; 6tsinzutsio natsio tsileetsula, nende tsinzu tsiabasumbabo bosi, nende tsinzu tsiabaMisiri bosi; etsia abaso baralolakhwo kata abakuukabo ta, okhurula khunyanga olwa beenjila mushialo okhuula olwa leelo. Mana nashiukhana, narula ewaFarao.
7Abasumba baFarao nabo nibamusunjila bari Omundu uno alabeetsanga omubero khwifwe okhuula liina? Lekhuula abandu abo batsie, bamukhalabanile OMWAMI Nyasaye wabwe; orashiamanya shinga Misiri olwa shimalile okhukora ta? 8Kho Musa nende Haruni baleerwa khandi ewaFarao; naye nabasunjila ari Tsie, mumukhalabanile OMWAMI Nyasaye weenywe; ne nibanga wina abanabatsie? 9Musa nasunga mbu Khulatsia nende abayia beefwe nabakofu beefwe, nende abaana beefwe abasiani nabaana beefwe abakhaana, nende ebiayo bieefwe netsing'ombe tsieefwe, khulatsia ninabio; okhuba khukhoyile okhukholela OMWAMI lisabo. 10Naye nabasunjila ari Kho OMWAMI akhamale abe nineenywe, isie nimba nimulekhuula halala nende orwana rweenywe; mukheerecheshe; okhuba obubii nibwoobwamuchoomilekhwo. 11Tawe; inywe abasaatsa mutsie, mumukhalabanile OMWAMI; okhuba niko aka mwenya. Mana nibeelusibwa imbeli waFarao.
12Mana OMWAMI namusunjila Musa mbu Nyiila omukhonokwo hekulu khushialo shiaMisiri khulwa tsisiche, mbu tsitikulushile eshialo shiaMisiri, tsilie ebiraache biosi bieshialo, mbu biosi ebia ifula yamachina yalekha. 13Musa nachinguula indabushiye hekulu khushialo shiaMisiri, naye OMWAMI narusia omuyeka ebukwe khushialo eshiteere eshio tulu nende eshilo tulu; ne olwa bwashia mutsuli, omuyeka kwebukwe kwaleera tsisiche. 14Natsio tsisiche nitsitikulukha khushialo shiosi shiaMisiri, nitsiyeela mushialo shiosi shiaMisiri; tsiali tsimbii muno; tsiali nitsishili okhubaho tsisiche shinga etsio, kata shitsilibaho inyuma watsio tawe. 15Okhuba tsiamaamila eshialo shiosi pe, eshibala nashio nishimalihanatsio nitsilia ebiraache biosi bieshialo, nende ebiamo biosi biemisaala ebia ifula yamachina yali niyileshile; nilirasikalaho kata lisaafu elala ta, kata emisaala kata ebiraache ebiomumikunda, mushialo shiosi shiaMisiri. 16Mana Farao yarumana okhulanga Musa nende Haruni matetekhana; nasunga mbu Emwonooneele OMWAMI Nyasaye weenywe, halala nineenyu. 17Kho bulaano, ekhusaaya mbu undeshele eshionoono shianje lulala luno lwonyene, khandi omusaaye OMWAMI Nyasaye weenywe mbu yambiniekhwo oluumbe luno lwonyene. 18Naye narula ewaFarao, mana nasaaya OMWAMI. 19Naye OMWAMI nashiukhasia omuyeka kwamumbo okwamaani muno, nakwo nikuhuutsa tsisiche tsana nikutsiyila muNyanza Inzakhanyu; niyiratong'aho isiche kata ndala tawe, mushialo shiaMisiri. 20Nebutswa OMWAMI yatinyia omwoyo kwaFarao, Farao naye narabalekhuula abaana baIsiraeli ta.
Linyasio lteshiilima
21Mana OMWAMI nasunjila Musa mbu Nyiila omukhonokwo ikulu, mbu mana eshiilima shibeho khushialo shiaMisiri, eshiilima eshimali titit'ti. 22Musa nanyiila omukhonokwe khwikulu; nishibaho eshiilima ti mushialo shiaMisiri tsindaalo tsitaru; 23shibalolananga ta, kata omundu yesi shiyarula habunduwe mundaalo tsitaru etsio tawe; habula abaana baIsilaeli bosi bali nobulafu muhimenyo biabwe. 24Mana Farao yarumana nalanga Musa, naboola ari Mutsie, mumukhalabanile OMWAMI; habula mbu ebiayo bieenywe nende tsing'ombe tsieenywe bisikale; abaana beenywe bo mutsie ninabo. 25Musa nasunga ari Okhuula okhuheelesie mumukhono ebiemisango chiosi halala nende echiokhusambwa, mbu khumumalile OMWAMI Nyasaye weefwe emisango. 26Emiruko chieefwe nachio khulatsia ninachio; shikhulalekhakhwoho kata oluhakayu lulala inyuma weefwe ta; shichila khuchienechio nichio echia khukhoyile okhubukulakhwo, okhumukhalabanila OMWAMI Nyasaye weefwe; kata shikhumanyile mbu nishiina eshia nakhumukhalabanile OMWAMI ninashio ta, okhuula olwa nakhube nikhuulileyo. 27Nebutswa OMWAMI yatinyia omwoyo kwaFarao, Farao naye nakhaya okhubalekhuula. 28Farao namusunjila mbu Rula khumubili; wikaye; ndarakhulolakhwo mumoni khandi ta; shichila khunyanga olwa olandola mumoni, olafwa. 29Naye Musa naboola mbu Oteechile; shindalakhulola mumoni khandi tawe.
Currently Selected:
Okhurula 10: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
