Esita 7
7
Aka Hamaniyakasia kakhaywa, omwene niyeerwa
1Kho omuruchi naHamani nibatsia okhulia lisabo ewaEsita omukhaye womuruchi. 2Mana khunyanga yakhibili, olwa bali nibanyweetsanga idivai, omuruchi namureeba Esita khandi, ari Lisaayolio lili lirie, omukhaye Esita? Olaheebwa. Eshia osaba nishiina? Shilakholwa, kata okhuula khunusu yoburuchi bwanje. 3Mana Esita omukhaye womuruchi nakalusia ari E omuruchi, nimba ningoosibwa imbeliwo, khandi omuruchi naba nachama, embeebwe obulamu bwanje khulwa okhusaaya khwanje, nende abandu banje khulwa okhusaba khwanje. 4Okhuba khukusiibwe, isie nabandu banje, mbu khumuluwe, nikhwirwa, nikhusikha. Ne nikhuba nikhwakhakusibwa khube abakholi abakula abeshisaatsa nabeshikhasi, ndakhaholeelile; shichila obusandibwi bweefwe shibuchelasibwa nende ako aka omuruchi yakhafwilwa ta. 5Mana omuruchi Ahasuwero naboola, nareeba Esita omukhayewe, ari Omundu outsaalikha mumwoyokwe okhukhola ario niye wina? Ali heena? 6Esita nakalusia mbu Nomundu omusandii khandi omusuku, mbu Hamani uno omubii! Mana indenga niyimuhamba Hamani imbeli womuruchi nomukhayewe. 7Mana omuruchi nabuukha, nalulile, narula mwisabo, natsia mulwanyi Iweinzu eyo ikhulundu; naye Hamani nasinjila okhusaba Esita omukhaye obulamubwe; okhuba yalola mbu omuruchi ureelekhwo omwoyo okhumukholela obubii. 8Mana omuruchi nakalukha okhurula mulwanyi Iweinzu ikhulundu, niyeenjila ewa banyweeleelenje idivai, nanyoola Hamani nakwile khushitali ewa Esita yali niyeesetamiye; omuruchi naboola mbu Khane yakhamukwakhwo omukhaye wanje munzu nindiho? Ne amakhuwa ako nikashirula mumunwakwe, bamufuunikha Hamani mumoni. 9Mana Haribona, mulala khubasumba abalate bomuruchi abakhalabanila omuruchi, yasunga mbu Lola, omusaala tsana kwoburambi bwamakhono amakhumi karaa-no okwa Hamani yabeele nakholeele Moridekai, owakholela omuruchi amalayi, kushisinjiile munzu yaHamani. Omuruchi nasunga mbu Mumwelesie khukwo. 10Kho nibamwelesia Hamani khumusaala okwa yali namukasiliye Moridekai. Mana oburima bwomuruchi nibuhotselekha.
Currently Selected:
Esita 7: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975