Esita 6
6
Hamani yahachilisibwa okhuheelesia Moridekai oluyali
1Ne eshilo shieneshio omuruchi yakhaywa okhukona tsindoolo; kho yalaka mbu bamuleerele eshitabu shiebiitsulilo biamakhuwa ketsindaalo; nako nikasoomelwa omuruchi. 2Nikanyoolekha nikahandiikwamwo shinga Moridekai olwa yabuula akaBigitsana naTereshi, babili abokhubasumba abalate bomuruchi, abokhubali ndi bomuliango, abakhaaba okhutiila omuruchi Ahasuwero okhumwira. 3Omuruchi nareeba mbu Noluyali shiina neing'oono shiina ebiakholelwa Moridekai khulwa ako? Abasumba bomuruchi abamukhalabanila nibakalusia mbu Shiyakholelwa eshindu ta. 4Omuruchi nareeba mbu Ouli mulwanyi niwina? Ne Hamani yali niyakhoola mulwanyi Iwelwanyi Iweinzu yomuruchi, okhusungana nomuruchi mbu amwelesie Moridekai khumusaala okwa yali nakholile. 5Abasumba bomuruchi nibamuboolela mbu Lola, Hamani usinjiile mulwanyi. Omuruchi ari Nakheenjile. 6Kho Hamani niyeenjila. Omuruchi namureeba mbu Alakholwa arie omundu owa omuruchi achamile okhumuheelesia oluyali? Hamani napaara mumwoyokwe mbu Ne yakhaba wina owa omuruchi yakhachama okhuheelesia oluyali okhushila isie? 7Hamani namusunjila omuruchi ari Khukomundu tsana owa omuruchi achama okhuheelesia oluyali, 8tsingubo tsieshiruchi tsileerwe etsia omuruchi yeefwalanga, neifarasi eya omuruchi achendelangakhwo, eyili nolusimbi Iweshiruchi khumurwe kwayo; 9mana tsingubo tsana neifarasi bihaanwe mumukhono kwamulala owokhubakhulundu aboluyali bomuruchi, mbu amufwale omundu tsana owa omuruchi achama okhuheelesia oluyali; namuniinia khufarasi, achendelekhwo khumuhanda nabira mwitookho, narumbula imbeliwe ari Nolwa alakholelwa omundu owa omuruchi achama okhuheelesia oluyali. 10Mana omuruchi nasunjila Hamani mbu Yanguha, obukule tsingubo tsana neifarasi, shing olwa oboolile, nomukholela orio Moridekai omuYahudi, owikhalanga haluyia Iwewomuruchi; liraleema likhuwa liosi liosi eliokhukosi aka oboolile ta. 11Mana Hamani nabukula tsingubo tsana, neifarasi, namufwala Moridekai, namuchesia khunjila eyomwitookho, narumbula imbeliwe ari Nolwa alakholelwa omundu owa omuruchi achama okhuheelesia oluyali.
12Mana Moridekai nakalukha enaluyia Iwewoburuchi. Habula Hamani yatsia bwangu enanzuwe, niyeekhuula niyeefuuniishe omurwe. 13Hamani natoonyela Zereshi omukhasiwe nende abeetsabe bosi amakhuwa kosi akali nikamukwiliile. Mana abandube abachesi naZereshi omukhasiwe nibamusunjila mbu Moridekai uno, owa ochaachile bulaano okhukwa imbeliwe, naba nali owolwibulo lwabaYahudi, shiwitsa okhumunyala ta; ne toto mwene, okhukwisibwa olakwisibwa imbeliwe.
14Ne olwa bali nibashisungananga ninaye, abasumba abalate bomuruchi nibeetsa, nibaanguha okhuyila Hamani khwisabo elia Esita yali nakholile.
Currently Selected:
Esita 6: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975