Esita 5
5
Esita yalanga emuruchi naHamani khwisabo
1Mana khunyanga yakhataru Esita yeefwala tsingubo tsieshiruchi, nasinjila mulwanyi Iwomukari Iweinzu yomuruchi, ahahengana neinzu yomuruchi; naye omuruchi yali niyeekhaale khushifumbi shioburuchi, munzu yoburuchi, ahahengana nobwinjililo bweinzu. 2Mana olwa omuruchi yalola Esita omukhaye nasinjiile mulwanyi yamukoosia obukoosia; omuruchi nanyiilila Esita indabushi yeitsahaabu eya yali ninayo mumukhono. Kho Esita nasita ahambi, natiilakhwo hashikong'o shieindabushi. 3Mana omuruchi namureeba mbu Omukhaye Esita, eshia wenya nishiina? Eshia osaba nishi? Olaheebwa, kata khunusu yoburuchi bwanje. 4Esita nakalusia mbu Omuruchi naba nachama, omuruchi nende Hamani beetse leero khwisabo elia emukholeele. 5Omuruchi naboola mbu Yanguyilisie Hamani, khukhole aka Esita yeenya. Kho omuruchi naHamani nibatsia khwisabo elia Esita yali nakasiye. 6Mana olwa bali nibanyweetsanga idivai, omuruchi yamureeba Esita mbu Lisaayolio lili lirie? Olaheebwa. Eshia osaba nishiina? Shilakholwa, kata okhuula khunusu yoburuchi bwanje. 7Mana Esita nakalusia ari Lisaayo lianje, elia esaba, ndielino; 8mbu nimba ningoosibwa imbeli womuruchi, khandi omuruchi naba nachama okhuhaana elia esaayile, nokhukhola elia emusabile, omuruchi naHamani beetse khwisabo elia nembakholele, mana mukamba ndalakhola aka omuruchi aboolile.
Omusaala kwakasibwa okhwelesibwakhwo Moridekai
9Kho Hamani yarula inyanga eyo niyeekhoya, natsatsahaale mumwoyo; habula olwa Hamani yalola Moridekai nali muluyia Iwewomuruchi, shinga olwa arasinjila kata okhutechela imbeliwe ta, yatiililwa Moridekai oburima muno. 10Nebutswa Hamani yeesimilisia, natsia ingo; narumana okhulanga abeetsabe nende Zereshi omukhasiwe. 11Hamani nabatoonyela akoluyali Iwobuyindabwe, nobunji bwabaanabe, namakhuwa kosi aka omuruchi yali namwemeeshekhwo, khandi shinga olwa yali namuchinguulile okhuyomba abakhulundu nabasumba bomuruchi. 12Khandi Hamani nasunga mbu Toto, kata Esita omukhaye womuruchi shiyamoka omundu yesi okhwinjila halala nomuruchi mwisabo elia yali nakasiye ta, habula isie sienyene; ne mukamba khandi yananjile halala nomuruchi. 13Nebutswa kano kosi shikangasila ta, nishilolanga Moridekai omuYahudi niyeekhaale muluyia Iwewomuruchi 14Mana Zereshi omukhasiwe, nende abeetsabe bosi, nibamuboolela mbu Laka bakhole omusaala kwoburambi bwamakhono amakhumi karaano, mana nibushia mukamba osunjile omuruchi mbu Moridekai yeelesibwekhwo; nawe mana notsie notsatsahaale, niwinjila halala nomuruchi khwisabo. Likhuwa elo nilumuchamisia Hamani; nalaka mbu omusaala tsana kukholwe.
Currently Selected:
Esita 5: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975