Esita 4
4
Esita yeeyama okhubasaayika
1Haho olwa Moridekai yamanya kosi akakholwa shinga olwa kali, Moridekai yarandula tsingubotsie, niyeefwala ingubo yamakunia, niyeepuuka likoshe, natsia habulafu hakari welitookho, nakhupa tsimbungu tsindulu muno; 2niyoola haluyia Iwewomuruchi; okhuba shikafuchiililwa mbu omundu yesi yeenjile muluyia Iwewomuruchi niyeefwalile tsingubo tsiamakunia ta. 3Kata mubuli lukongo, buli hosi ewa lilako liomuruchi lioola, nende omulome okwa yakhupa, khwaliho okhwikhuula okhukhongo mubaYahudi, nokhuhonga inzala, nokhulila, netsimbungu; abanji nibakona khungubo tsiamakunia nelikoshe.
4Abakhaana abatiitikhani baEsita nabasumbabe abalate nibeetsa nibamuboolela; omukhaye oyo nabeelela muno; naruma ebiifwalo okhumufwala Moridekai, nokhumufwalula tsingubo tsiamakunia; ne yakhaya okhubibukula. 5Mana Esita nalanga Hatsakhi, mulala owokhubasumba abalate bomuruchi, owa omuruchi yali namulachile okhumukhalabanila, namulaka mbu atsie khuMoridekai, amureebe khumakhuwa kano, nende akachilile. 6Kho Hatsakhi yarula, natsia ewa Moridekai yali ebunashikuuri shielitookho, haluyia Iwewomuruchi. 7Moridekai namuboolela kosi akali nikamukwiliile, nende obunji bwamapeesa keene aka Hamani yali nasuubisiye okhurunga mumabiishilo komuruchi khulwa abaYahudi, mbu batibibwe. 8Namuheelesia nende ikopi yamahandiiko komulome okwakhupwa muSusa okhubatibia, mbu amumanyie Esita, namwinoosia; khandi mbu amulache atsie ewomuruchi okhumusaaya, nokhumusaba khulwa abandube. 9Naye Hatsakhi nachelela, namuboolela Esita aka Moridekai asunjile. 10Mana Esita nasungana nahatsakhi, namuruma ewaMoridekai okhuboola mbu 11Abasumba bosi bomuruchi nabandu abomungongo tsiomuruchi, bamanya mbu omundu yesi, kata omusaatsa kata omukhasi, owinjila ewomuruchi mulwanyi Iwomukari, ne naralanjilwe ta, liliho lilako elala lionyene, mbu yeerwe bwirwa; habula omwenoyo owa omuruchi yakhanyiilila indabushiye yeitsahaabu, mbu abe mwoyo; nasi shinanjilwe okhwinjila ewomuruchi ta, tsindaalo amakhumi kataru. 12Nibaboolela Moridekai aka Esita asunjile. 13Mana Moridekai nabalaka okhukalusia Esita mbu Orakaala mbu iwe wakheehonokokha munzu yomuruchi, okhushila abaYahudi bosi, tawe. 14Okhuba noba noholeela tsi leelo, ihabini nobuhonia bilabuushila abaYahudi okhurula habundu undi; nebutswa iwe nabeshilibwa shieenywe mulasikha; ne ali heena oumanyile nikakhali akeshise eshifwana shiri namwa, akachila niwula khuburuchi? 15Mana Esita nababiila okhukalusia Moridekai mbu 16Tsia okhung'aasie abaYahudi bosi abali muSusa, muhonje inzala khulwanje, oburalia kata okhunywakhwo tsindaalo tsitaru ta, eshiteere neshilo; nasi siesi halala nabakhaana abatiitikhani banje khulahonga khurio inzala; mana ndakhatsie endio okhwinjila ewomuruchi, kata olwa kuli omusilo; nimba nifwa, kho efwa bufwa. 17Kho Moridekai natsia, nakhola kosi aka Esita yali namulachile.
Currently Selected:
Esita 4: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975