Omwilwatsi 4
4
1Mana ningalukha, nindola obusandii bwosi obukholungwa hasi weliuba; ne lola ngako, amasika ka abo abasandibwa, nibabula oubalemia omwoyo; halubeka lwa abo ababasandia, bwaliho obunyali; nebutswa babula oubalemia omwoyo. 2Khulwako ndalola mbu abafu abamalile okhufwa nabeikhabi okhushila abalamu abashili mwoyo; 3ne oushila abo bosi ni oyo ourashiabaho ta, ouraluutsikhwo ebikhole ebibii ebikhoIungwa hasi weliuba tawe.
4Mana ndalola obunyakhani bwosi, nabuli mulimo kwobusitsa, shinga olwa birulanga mubuyingani bwomundu nowashie. Ako nako namakhaya, nokhulonda butswa omuyeka.
5Omuyingwa yeekhala butswa nafumbile amakhono, niyeelia omwene.
6Okhufumbarila obuholeelefu omukhono mulala, khushila okhufumbarila amakhono kabili obunyakhani nobulondi bwomuyeka.
7Mana ningalukhamwo, nindola amakhaya hasi weliuba; 8mbu omundu ouli yenyene, ourali nowashie yesi; oubula omwana, kata omwana wabwe ta; nebutswa obunyakhanibwe bubula eshiakamo, kata tsimonitsie shitsiikuranga obuyinda ta. Kho niwina owa enyakhanilanga, nindiyima amalayi? Ako nako namakhaya; toto, nokhutiika okhubii.
9Babili bashila mulalashichila bario baba nomurungo omulayi khulwa emilimo chiabwe. 10Okhuba nibaba nibakwa, mulala alachinga owashie; ne woowe khumundu owakhaba nali yenyene nakwa, nabula oundi oumuchinga. 11Khandi, mbu babili nibaba nibakona halala, balanyoola oluuya; ne omundu yakhanyoola arie oluuya nali yenyene? 12Ne kata oundi niyakhanyala okhuhula omundu ouli yenyene, nibali babili bakhanyala okhuralila. Omukoye okubaswa tsinzaha tsitaru shikukhalikha bwangu ta.
13Omusooliili omumanani ouli omuchesi ashila omuruchi omukofu ouli omuyingwa, ourafuchiilila okhuchesiyibwa khandi ta; 14kata olwa yakhaba narulile mumbohe okhwemekhwa muburuchi, kata okhwibulwa omumanani mushialo shiobwamibwe. 15Ndalola abali mwoyo bosi abachendanga hasi weliuba nibali nende omusooliili tsana, owakhabili, owasinjila mushilenjeshie. 16Abandu bali abanji, ababula eshiakamo, aba yarukanga; nebutswa abolunyuma shibalimwikhoyela ta. Toto, kata kano kal; amakhaya, nokhulonda butswa omuyeka.
Currently Selected:
Omwilwatsi 4: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
