Okhukalushila 9
9
OMWAMI alatnalilaila amahanga kaKanaani
1Iwe Isiraeli, hulila; leelo luno witsa okhwambukha Yorodani, mbu winjile obukule ebiamahanga akakhushila obukhongo namaani, amataala amakhongo aka tsingoba tsiako tsiulanga khwikulu bwene, 2abandu abali abakhongo khandi abarambi abaana babaAnaki, aba wamanya, naba wahulila nikaboolwa khubo mbu Niwina ounyala okhusinjila imbeli wabaana baAnaki? 3Kho omanye leelo mbu OMWAMI Nyasayewo niye ouranjilila okhwambukha imbeliwo shinga omulilo okusambanga; alabamalilana nabakwisia imbeliwo, kho olabeelusia nobasishia bwangu, shinga OMWAMI olwa yakhuboolela. 4Olwa OMWAMI Nyasayewo alaba nabaluumile nabarusia imbeliwo, olunyumakhwo ora-paara mumwoyokwo ori Obulunjishi bwanje nibwo owachilile OMWAMI yanzinjisiye okhubukula eshialo shino, ta; habula obubii bwamahanga ako nibwo obwachilile OMWAMI nabeelusia imbeliwo. 5Shibuli obulunjishibwo, kata obukololofu bwomwoyokwo, obuchila niwinjila okhulia eshialo shiabwe ta; nebutswa obubii bwamahanga ako buchilanga OMWAMI Nyasayewo nabeelusia imbeliwo; khandi mbu atinyisie likhuwa elia OMWAMI yeetsubila abakuukabo, mbu Aburahamu naIsaka naYakobo.
InduliyaIsiraeli nibali eHorebu
(Okhuru. 31.18—32.35)
6Kho omanye mbu OMWAMI Nyasayewo shiakhuheelesia eshialo shino eshilayi shibe eshishio khulwa obulunjishibwo tawe; okhuba oli oluyia lwabandu abelikosi litinyu. 7Yitsulila, noreebilila ta, shinga olwa wasinyisia OMWAMI Nyasayewo mushitsiimi; okhurula khunyanga eya warulilakhwo mushialo shiaMisiri, okhuula olwa mwoola hano, mukhayanga OMWAMI. 8Khandi kata muHorebu mwasinyisia OMWAMI, OMWAMI namutiililwa oburima shia oumutibia. 9Nasi olwa ndaniina mushikulu okhuheebwa orubaho orwo rwamachina, nirwo orubaho rweindakano eya OMWAMI yalakana nineenywe, ndamenya mushilulu tsindaalo amakhumi kane, eshiteere nende eshilo; shindaliakhwo omukaate kata okhunywa amatsi ta. 10OMWAMI niyambeelesia orubaho rubili orwo rwamachina orwahandiichilwa olwala lwaNyasaye; ne khurwo rwalikhwo amakhuwa kosi aka OMWAMI yasungana nineenywe mushikulu, okhurula mumulilo hakari, khunyanga yelibukaana. 11Ne tsindaalo olwa tsiali nitsihweele amakhumi kane nende ebilo amakhumi kane, OMWAMI yambeelesia orubaho rubili orwo rwamachina, nirwo orubaho rweindakano. 12OMWAMI niyamboolela ari Buukha yikha bwangu okhurula hano; okhuba abandubo aba warusia muMisiri beeyoonooniye; bakotoole bwangu nibarula khunjila eya ndabalaka; beekholeele eshifwanani eshisalule.
13Khandi OMWAMI niyamboolela ari Ndaluutsi oluyia luno, ne lola, noluyia lwabandu belikosi litinyu. 14Ndekha embe, embatibie, esiliisie eliira liabwe hasi welikulu; ne ndalakhukhola iwe obe lihanga elibashila amaani nobukhongo. 15Kho nishiukhana ninzikha okhurula mushikulu, eshikulu nashio nishiakha omulilo; ne ndali norubaho orwo rweindakano mumakhono kanje kombi. 16Nihenga, ne lole, mwali nimwonooneele OMWAMI Nyasaye weenywe; mwali nimukholile eshimoosi eshisalule; mwali nimukotoole bwangu okhurula khunjila eya OMWAMI yali namulachile. 17Ninjinga orubaho rubili orwo, nirusukuna namakhono kombi, nirwarila imbeli weenywe. 18Mana ndeekhupa hasi imbeli wOMWAMI, shinga olwa ndakhola olwambeli, tsindaalo amakhumi kane, eshiteere neshilo; shindaliakhwo omukaate kata okhunywa amatsi ta; khulwa eshionoono shieenywe eshia mwoonoona, nimukhola akali amabii imbeli wOMWAMI, nimumusinyisia. 19Okhuba ndali niriile oburima nobusinyishi obululu obwa OMWAMI yamutiililwa, niyeenya okhumutibia. Nebutswa kata khunyanga eyo OMWAMI yambulila. 20Ne OMWAMI yamutiililwa Haruni oburima muno, niyeenya okhumumalilana; nasi nimusayila Haruni yesi khunyanga eyo. 21Nimbukula eshionoono shieenywe eshio, mbu eshimoosi eshia mwali nimukholile, nishisamba nomulilo, nishisasaka, nishisia ninyukha, nishiba eshinyushe shinga olufu; nisukuna olufu lwashio mumuchela okukholomokha okhurula mushikulu tsana.
22Khandi eTabera, nende eMasa, nende eKibirotsi-hataawa, mwasinyisia OMWAMI. 23Ne olwa OMWAMI yamuruma okhurula eKadeshi-barinea, namuboolela mbu Tikulushe, mubukule eshialo eshia ndamuheelesia, inywe mwakhaya lilako liOMWAMI Nyasaye weenywe, nimuramusuubila kata okhuhulila omwoyokwe ta. 24Mukhayanga OMWAMI, okhurula khunyanga olwa ndamumanya.
25Kho nindikhupa hasi imbeli wOMWAMI tsindaalo tsana amakhumi kane, eshiteere neshilo; okhuba OMWAMI yali nasunjile mbu yakhamutibia. 26Nimusaaya OMWAMI, nisunga mbu E Omwami NYASAYE, oratibia abandubo, nibo obulaamebwo, aba wanunula mubukhongobwo, aba warusia muMisiri nomukhono kwamaani, ta. 27Witsulile abasumbabo Aburahamu nalsaka naYakobo; orahenga obukhayi bwabandu bano, kata obubii bwabwe, kata obwonooni bwabwe ta; 28eshialo eshia wakhurusiamwo shileshe okhusunga mbu Shichila OMWAMI yakhayilwe okhuboosia mushialo eshia yabasuubisia, khandi shichila yabakiya, niyeshichila wabarusia okhubeerela mushitsiimi. 29Khane nibali abandubo khandi obulaamebwo, aba warusiamwo khulwa obunyalibwo obukhongo nomukhonokwo okunyiililwe okhuhonia.
Currently Selected:
Okhukalushila 9: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
