Okhukalushila 10
10
Orubaho orwakhabili rwamachina
(Okhuru. 34.1-10)
1Mundaalo etsio OMWAMI yamboolela mbu Baatsa orubaho rubili rwamachina, rwi-ngana shia orwambeli, otikulushe unzitsile mushikulu; khandi okhole lisanduku liomusaala. 2Nasi ndalahandiika khurubaho orwo amakhuwa keene akabeele khurubaho orwambeli, orwa wayaaraache; norura mwisanduku tsana. 3Kho nikhola lisanduku liomusaala kwomupeeli, ni-mbaatsa orubaho rubili rwamachina rwingana shia orwambeli, nindikulukha ninzia mushikulu, nindi norubaho rubili orwo mumukhono. 4Naye yahandiika khurubaho, shinga amahandiiko akambeli olwa kali, mbu amalako ako ekhumi aka OMWAMI yamusunjila mushikulu okhurula mumulilo hakari, khunyanga yelibukaana; OMWAMI narumbeelesia. 5Nishiukhana ninzikha okhurula mushikulu, nira orubaho orwo mwisanduku tsana, elia ndali nikholile; ne yaho niho aha ruli, shinga OMWAMI olwa yandaka.
6(Ne abaana baIsiraeli bachenda okhurula eBeerotsi Bene-yaakani, nibeola eMosera; naye Haruni nafwila ebweneyo, nayabilwayo; naye Eleazari omwanawe nakhalabanila mubukuhani mushilenjeshie. 7Nibarula ebweneyo nibatsia eGudigoda; nibarula eGudigoda nibatsia eYotibatsa, eshialo eshialimwo emichela chiamatsi. 8Ne mundaalo etsio OMWAMI yaahula oluyia lwaLawi okhuchinganga lisanduku lieindakano yOMWAMI, nokhusinjila imbeli wOMWAMI okhumukhalabanila nokhuhaana ikhabi muliiralie, okhuula okva ieelo. 9Niko akachila Lawi shiabeetsanga nomukabo kata obulaame bwosi mubaana babwe ta, OMWAMI niye obulaamebwe, shinga OMWAMI Nyasayewo olwa yamuboolela.)
10Nasi nimenyakhwo mushikulu tsindaalo amakhumi kane, eshiteere neshilo, shinga olwa ndamenyayo olwambeli; naye OMWAMI niyambulila olwenolwo lwosi; OMWAMI shiyali niyeenya okhukhutibia ta. 11OMWAMI niyamboolela ari Rula obuusie oluchendolwo imbeli wabandu, mbu beenjilemwo nibabukula eshialo eshio, eshia ndeetsubila abakuuka ba'owe mbu ndakhabaheelesia.
Eshia OMWAMI akhwenyelanga
12Ne bulaano, iwe Isiraeli, eshia OMWAMI Nyasayewo akhwenyelanga nishiina, habula okhuriitsanga OMWAMI Nyasayewo, nokhuchenda khunjilatsie tsiosi, nokhumuheelanga, nokhukhalabanila OMWAMI Nyasayewo nomwoyokwo kwosi, neshiimoshio shiosi, 13nokhulindanga amalako kOMWAMI nende aka alachilisia, aka ekhulaka leelo, mbu ololenje amalayi? 14Lola, likulu neliOMWAMI Nyasayewo, nelikulu elili mwikulu, neshialo halala nabiosi ebilimwo. 15Khane OMWAMI yakoosia abakuukabo nabaheela, nalobola olwibulo lwabwe inyuma wabwe, nibo inywe, okhushila tsimbia tsiosi, shinga olwa muli leelo. 16Khulwako, mushebe lifunga liomwoyo kweenywe, nimulekha okhuba abelikosi litinyu. 17Okhuba OMWAMI Nyasaye weenywe niye Nyasaye wabanyasaye, khandi Omwami wa'ozami, Nyasaye omukhongo; owamaani, owamariisia, ourakhola ebiela mubandu kata ourabukula eshiomufuusi ta. 18Akasilinjia omubisandu nomukhasi omulekhwa ebiina biabwe; aheelanga omurende, namuheelesia ebiliibwa nende ebiifwalo. 19Kho muheele abarende murio; okhuba mwesi mwali abarende mushialo shiaMisiri. 20Riitsanga OMWAMI Nyasayewo; omukhalabanilenje ye, nomuhandakhwo, niwitsuba khuliiralie. 21Niye owa witsoominjia, khandi niye Nyasayewo, owakhukholela amakhuwa amakhongo akamariisia, aka tsimonitsio tsialola. 22Abakuukabo bakholomokha nibatsia eMisiri, nibali abandu amakhumi musaafu; ne bulaano OMWAMI Nyasayewo yakhukholile shinga tsinyininyini etsiomwikulu obunji bweenywe.
Currently Selected:
Okhukalushila 10: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
