Okhukalushila 2
2
Emiyika echia bamala mushitsiimi
1Mana khwashiukhana nikhubuusia oluchendo khunjila eyomushitsiimi eyitsia khuNyanza Inzakhanyu, shinga OMWAMI olwa yamboolela; nikhubotokhananga eshikulu shiaSeiri tsindaalo tsinyinji. 2Mana OMWAMI niyamboolela ari 3Mwabotokhaneenje eshikulu shino eshise eshihelile. Shiukhane mutsie enanotsi. 4Khandi olache abandu ori Mwitsa okhubira mumbali tsiabaana beenywe abaana baEsau, abamenyanga eSeiri; nabo balamuria; kho mwiyile kahala. 5Murayinganakhwo ninabo ta; okhuba shindalamuheelesiakhwo khushialo shiabwe, kata eshihela lilaaro lieshilenje okhuseena tawe; shichila ndaheelesia Esau Seiri libe elilie. 6Mukulenje ebiliibwa biabwe amapeesa, kho mulie; khandi mukulenje amatsi kosi amapeesa, kho munywe. 7Okhuba OMWAMI Nyasayewo yakhuheelesia ikhabi mumilimo chiamakhonoko. Ye yamanya okhuchendakhwo khwosi mushitsiimi shino eshikali; emiyika chino amakhumi kane OMWAMI Nyasayewo yalinji ninawe halala; shiwatamba eshindu ta. 8Kho nikhubira bubira nikhurula ewabaana beefwe abaana baEsau abamenyanga eSeiri, okhurula khunjila yaAraba tsana, okhurula eElatsi, nokhurula eEzioni-geberi.
Nikhushiukhana, nikhubirila khunjila yeshitsiimi shiaMoabu. 9OMWAMI niyamboolela mbu Oranyasia Moabu, kata okhuseerana lihe ninabo ta; okhuba shindalakhuheelesiakhwo khushialoshie shibe eshieenywe ta; shichila ndaheelesia abaana baLoti Ari, libe eliabwe. 10Khane abaEmi nibo abali nibamenyangayo; nabandu abali abakhongo, khandi abanji, khandi nabarambi, shinTa abaAnaki. 11Abo nabo babasibwa mbu nabaRefai, shinga abaAnaki; ne abaMoabu babalanganga mbu abaEmi. 12Khandi abaHori nabo bali nibamenyanga eSeiri khale; nebutswa abaana baEsau babukula eshialo shiabwe; nibabamulula imbeli wabwe, nibamenya mubwikhalo bwabwe; shinga Isiraeli olwa yakholela eshialo eshili eshishie, eshia OMWAMI yabaheelesia. 13Kho bulaano rule, mwambushe omuchela kwaZeredi. Kho nikhwambukha omuchela kwaZeredi. 14Ne tsindaalo etsio, olwa khwarula eKadeshi-barinea okhuula olwa khwambukha omuchela kwaZeredi, tsiahela emiyika amakhumi kataru namunaane; okhuula olwa okvibulo lwabandu abo abakhabeele belihe olwa bali nibasishile nibahweele hakari weikambi, shinga OMWAMI olwa yabeetsubila. 15Khandi omukhono kwOMWAMI kwali khubo okhubamalilana bahweho hakari weikambi, okhuula olwa basikha pe.
16Kho olwa abandu belihe bali nibasiEhile nibafwile bosi, nibahweele mubandu, 17OMWAMI yamboolela ari 18Inyanga yino witsa okhubira khulwakho lwaMoabu, eAri; 19ne olwa witsa okhuula ahambi ahahengana nabaana baAmoni, orabanyasia kata okhuseerana ninabo ta; okhuba shindalakhuheelesiakhwo khushialo shiabaana baAmoni shibe eshieenywe ta; shichila ndashibaheelesia abaana baLoti, shibe eshiabwe. 20(Nashio shiosi shibasibungwa mbu neshialo shiabaRefai; abaRefai bali nibamenyangamwo khale; ne abaAmoni babalanganga mbu abaZamuzumi. 21Nabandu abal abakhongo khandi abanji, khandi nabarambi, shinga abaAnaki; nebutswa OMWAMI yabamulula imbeli wabwe; nibabukula eshialo shiabwe, nibamenya mubwikhalo bwabwe; 22shinga olwa yali niyakholela abaana baEsau, abamenyanga eSeiri, olwa yamulula abaHori barule imbeli wabwe; nibabukula eshialo shiabwe, nibamenya mubwikhalo bwabwe kata okhuula olwa leelo; 23nabo abaAwi abali nibamenyanga mumataala okhuula eGaza, abaKafitori abarula muKafitori babamulula nibamenya mubwikhalo bwabwe.) 24Rule, mubuusie oluchendo, mwambushe libanda liaArinoni; lole, ehaanile Sihoni omuAmori, omuruchi waHeshiboni, neshialoshie mumukhonokwo; chaache okhushibukula, nimuseerana ninaye lihe. 25Leelo luno nenjaache okhuchila tsimbia tsiabandu abali hasi welikulu liosi bakhutechelele iwe nibakhuria, olwa balahulilanga akeifumayo, nibarenga, nibasaalila muno khululwo.
Abalsiraeli bahula Sihoni
(Obub. 21.21-30)
26Kho ndaruma abarume okhurula mushitsiimi shieKademotsi, khuSihoni omuruchi waHeshiboni, nibali namakhuwa komulembe, mbu 27Ofuchiilile embire mushialoshio; ndalabirila khumuhanda, nindeebera khumukhono musaatsa kata omukhasi ta. 28Olangusinjia ebiliibwa amapeesa mbu endie, niungusia amatsi amapeesa mbu enywe; ofuchiilile butswa mbu embirilemwo nebilenje; 29shinga abaana baEsau abamenyanga muSeiri olwa bakholela, khandi nende abaMoabu abamenyanga muAri; okhuula olwa emba ninyambuushe Yorodani ninzinjila mushialo eshia OMWAMI Nyasaye weefwe akhuhee-lesia. 30Nebutswa Sihoni omuruchi waHeshiboni shiyakhufuchiilila okhubirila khuye ta; okhuba OMWAMI Nyasayewo yatinyia rohoye niyoomia omwoyokwe, mbu amuhaane mumukhonokwo, shinga olwa kali leelo. 31Mana OMWAMI niyamboolela mbu Lola, ndakhachaaka okhuhaana Sihoni neshialoshie mumukhonokwo; ochaache okhushibukula, mbu olie eshialoshie. 32Mana Sihoni narula okhukhuyinga, ye nabandube bosi, nibakhuseerela lihe eYahaza. 33Nebutswa OMWAMI Nyasaye weefwe yamuhaana mumakhono keefwe; nikhumurootsa, nabaanabe, nabandube bosi. 34Nikhubukula amataalake kosi mundaalo etsio, nikhumululila elala buli litaala nabalimwo bosi, mbu abasaatsa, nabakhasi, nabaana abatiiti bosi; shikhwalekha omundu yesi wasikala ta; 35habula emiruko khwachibukula chibe ebioluyiitsi bieefwe, halala nebiyaayilwe mumataala aka khwali nikhubukuule. 36Okhurula eAroeri, elili khundulo welibanda liaArinoni, nokhurula khwitaala elili mwibanda okhuula eGileadi, shilianyoolekha litaala liosi elieechinga mbu likhukhaye ta; OMWAMI Nyasaye weefwe yakahaana kosi mumukhono keefwe. 37Habula khushialo shiabaana baAmoni, shiwasitakhwo ahambi ta; khulukuku lwosi Iwomwalo kwaYaboki, namataala akomushialo shiebikulu, kata hosi hosi ewa OMWAMI Nyasaye weefwe yakhukaania.
Currently Selected:
Okhukalushila 2: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
