Okhukalushila 16
16
Amasabo kataru akalachilisibwa
(Okhuru. 23.14-17; 34.18-24)
1Yitsulilanga omwesi kwaAbibu nokholela OMWAMI Nyasayewo ipasaka; okhuba mumwesi kwaAbibu OMWAMI Nyasayewo yakhurusia muMisiri mushilo. 2Malilanga OMWAMI Nyasayewo omusango kweipasaka, ebiokhubiayobio nebiokhung'ombetsio, habundu tsana aha OMWAMI alalobola okhumenyiayo eliiralie 3Orachiliilanga omukaate okulimwo amamela ta; tsindaalo musaafu ochiliilenje omukaate okubulamwo amamela, nikwo omukaate kwobusandibwi; okhuba warula mushibala shiaMisiri matete-khana; mbu witsulilenje inyanga ewa warulilamwo mushibala shiaMisiri, tsindaalo tsiosi tsiobulamubwo. 4Amamela kosi kaleshenje okhunyoolekha noli ninako mushialoshio shiosi tsindaalo musaafu tawe; kata inyama yosi yosi eyokhumusango okwa wamalile khunyanga yambeli khubwile yileshe okhusikala yikone okhuula mukamba ta. 5Oramalilanga omusango kweipasaka mwitaalalio liosi elia OMWAMI Nyasayewo akhuha ta; 6habula habundu tsana aha OMWAMI Nyasayewo alalobola okhumenyiamwo eliiralie ebweneyo olamalilangayo omusango kweipasaka khubwile, eliuba niliyeela, khunduukho shinga eya warulilamwo muMisiri. 7Ochiteeshe nochiliila habundu tsana aha OMWAMI Nyasayewo alalobola; mana mutsuli oshiukhane okalushile amaheemako. 8Tsindaalo tsisasaba oliitsenje omukaate okubulamwo amamela; mana khunyanga yomusaafu omukhung'aano kwoluyali kubeho khuMWAMI Nyasayewo; orakholakhwo omulimo kwosi ta.
9Obale amahonga musaafu; olwa ochaaka okhwinjisia injeso mumimela echiomumukunda, okhurula yaho ochaache okhubala amahonga musaafu. 10Mana okhole lisabo liamahonga khuMWAMI Nyasayewo, neshihaanwa eshirula mumukhonokwo, eshia ochama okhuhaana, eshikhongo shinga olwa onyala, ikhabi eya OMWAMI Nyasayewo akhuheelesia shinga olwa yili. 11Oleekhoyela imbeli w Nyasayewo, iwe, nomwanawo omusiani nomwanawo omukhaana, omukholiwo weshisaatsa nomukholiwo weshikhasi, nomuLawi ouli mwitaalalio, nomurende, nomubisandu, nomukhasi omulekhwa, abali mwinywe, habundu yaho aha OMWAMI Nyasayewo alalobola okhumenyiayo eliiralie. 12Witsulilenje shinga olwa walinji omusumba muMisiri; mwitsulilenje okhukhola akalachilisibwa kano.
13Okhole lisabo liamatili tsindaalo musaafu olwa olaba nomalile okhukhung'aasia ebirula khulwanyi ewa ohuulilanga imele, nebirula khushitiinyilo shieidivai; 14oleekhoyela lisabolio, iwe, nomwanawo omusiani nomwanawo omukhaana, omukholiwo weshisaatsa nomukholiwo weshikhasi, nomuLawi, nomurende, nomubisandu, nomukhasi omulekhwa, abali mwitaalalio. 15Tsindaalo musaafu oliilenje lisabo khuMWAMI Nyasayewo habundu tsana aha OMWAMI alalobola; okhuba OMWAMI Nyasayewo alakhuheelesinjia ikhabi mumameetoko kosi, nomumilimo chiosi chiamakhonoko, nawe olaba nobusangaali obunji muno.
16Khataru mumuyika abeshisaatsabo bosi baloleshenje imbeli w Nyasayewo habundu tsana aha alalobola; mbu khwisabo liomukaate okubulamwo amamela, khandi khwisabo liamahonga, khandi khwisabo liamatili; kata shibalalolekha imbeli wOMWAMI amakhono amakhaya ta; 17buli mundu ahaane shinga olwa anya ikhabi yOMWAMI Nyasayewo eya yakhuheelesi shinga olwa yili.
Akobuyaesii bwatoto
18Okhole abayaasii nabasinjilili babandu mumataalako kosi aka OMWAMI akhuheelesia, tsimbiatsio shinga olwa tsili; bayaasinjie abandu obuyaasii obuli obulunjishi. 19Orashiamia obukhalachi ta; orakholanga ebiela mubandu, kata orafuchiilila eshiomufuusi ta, okhuba eshiomufuusi shibofusinjia abachesi tsimoni, nishishiamia amakhuwa komulunjishi. 20Olondenje akali amalunjishi konyene, mbu obeetsenjeho mwoyo, nolaamilwa eshialo eshia OMWAMI Nyasayewo akhuheelesia.
21Oraraaka omusaala kweimbia yosi kube omuAshera hashimalilo shiOMWAMI Nyasayewo eshia witsa okhukhola ta. 22Kata orasinjisia isiilo yelichina lisongokhu yosi ta, eya OMWAMI Nyasayewo akiyanga.
Currently Selected:
Okhukalushila 16: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
