Okhukalushila 15
15
Omuyika kwobulekhuulwi
1Olwa emiyika chiba nichihweele musaafu, okhole obulekhuuli. 2Ne obulekhuuli obwo bube buri nanwa; mbu buli muhosii owahosia, alekhuule ako aka yahosia owashie; aramubanza owashie ouli omwana wabwe ta; okhuba obulekhuuli bwOMWAMI burumbuulwe. 3Omundu omusuku, omubanze; ne eshindushio shiosi eshia omwana weenywe ali ninashio, omukhonokwo kushilekhuule. 45Nebutswa shibeetsa okhubamwo abamanani mwinywe ta, noba noreka amarwi butinyu khumwoyo kwOMWAMI Nyasayewo, okhwitsulilanga okhukhola lilako lino liosi elia ekhulaka leelo; okhuba OMWAMI shialachweya okhukhuheelesia ikhabi mushialo eshia OMWAMI Nyasayewo akhuheelesia shibe obulaame, mbu shibe eshishio omwene. 6Okhuba OMWAMI Nyasayewo alakhuheelesia ikhabi, shinga olwa yakhusuubisia; nawe olahosinjia abamahanga amanji; habula nawe omwene shioleehola ta; khandi olarukanga amahanga amanji, nebutswa nako shikalakhuruka iwe ta.
7Noba noli nende omundu omumanani, owokhubaana beenywe, nali mwitaalalio liosi eliomushialo eshia OMWAMI Nyasayewo akhuheelesia, oroomia omwoyokwo, kata okhufumba omukhonokwo khumwana weenywe omumanani oyo ta; 8nebutswa omufumbulile bufumbula omukhonokwo, nomukhoonya ebihela obutambibwe, mu ebio ebia yeenya. 9Wirecheshe oleshe okhuba nelipaaro mumwoyo elirakhoyeele ta, mbu Omuyika kwomusaafu, omuyika kwobulekhuuli, kuli ahambi; mana ohenga omwana weenywe nende okhumookoola, noramuheelesiakhwo eshindu ta; naye nahaabila OMWAMI khukoko, nishiba khwiwe eshionoono. 10Okhuheelesia omuheelesinjie ebindu; ne omwoyokwo kuleshe okhusinyikha olwa omuheelesinjiakhwo, shichila khulwa likhuwa liene lino OMWAMI Nyasayewo alakhuheelesia ikhabi mumilimochio chiosi, nomukosi aka oreetsangakhwo o nukhono okhukhola. 11Okhuba abamanani shibalihwaho mushialo nahatuutu ta; niko akachila nikhulaka ndi Olamufumbulilanga bufumbula omwana weenywe omukhonokwo, nende khubatakha, nende khubamanani, abali mushialoshio.
Aka omundu akhoyile okhukholelanga abakholibe abakule
(Okhuru. 21.1-11)
12Omwana weenywe, omuHeburania omusaatsa kata omukhasi, naba nakusibwa khwiwe, nakhukhalabanila emiyika chisasaba, mana mumuyika kwomusaafu omulekhuule akhurulekhwo. 13Ne olwa omulekhuula akhurulekhwo, oramulekha atsie amakhono amakhaya ta. 14Omumanusie nomukhono omusiro okhurula khubiayobio, nokhurula mulwanyi ewa ohuulilanga imele, nokhurula khushitiinyilo shieidivai; shinga OMWAMI Nyasayewo olwa yakhuheelesia ikhabi, omukabilekhwo orio. 15Witsulilenje shinga olwa walinji omusumba mushibala shiaMisiri, OMWAMI Nyasayewo nakhununula; niko akachila nikhulaka likhuwa lino leelo. 16Nebutswa naba nakhusunjila mbu Shinzenya okhukhurulakhwo ta, shichila akhuheela iwe nabomunzuyo, ekhuba akeke kakaasanga nali ninawe; 17kho obukule oluchela, nofutulila eshirvishie khulwichi, mana alaba omusumbawo tsindaalo tsiosi Kata nende omukholiwo weshikhasi yesi omukholele orio. 18Raleshe okhukhubeela amatinyu olwa omulekhuula akhurulekhwo; okhuba eshia akhukholeele emiyika chisasaba chihela omurungo kwowomushaara eshikhabili; ne OMWAMI Nyasayewo alakhuheelesia ikhabi mukosi aka okhola.
Obwahulwi bwebiikulanda
19Ebiibulwa biambeli ebili bieshisaatsa mung'ombetsio nomubiayobio, obiahulile OMWAMI Nyasayewo; orashira khumilimo, eshiibulwa shiambeli shieing'ombeyo, kata orashiteta obwoya eshiibulwa shiambeli shieshiayoshio ta. 20Oshiliile, iwe nende abomunzuyo, imbeli wOMWAMI Nyasayewo omuyika buli muyika, habundu tsana aha OMWAMI alalobola. 21Ne nishiba nishilikhwo nobulema bwosi, nishitiechela, kata nishibofuule imoni, mbu obulema bwosi bwosi obubii, orashimala omusango kwOMWAMI Nyasayewo ta 22Oshiliile mwitaalalio; omusiiyikhu nouli nobukaali bombi baliekhwo, shinga eshitsusu kata shinga imbongo. 23Habula mbu oraliitsanga amalasile kashio ta; okatsushe khwiloba shinga amatsi.
Currently Selected:
Okhukalushila 15: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
