Okhukalushila 12
12
Habundu ahokhwinamilanga Nyasaye habe halala honyene
1Kano niko akalachilisibwa nakobukhalachi aka muleetsulilanga okhukakhola, mushialo eshia OMWAMI, Nyasaye wabakuukabo, yakhuheelesiye shibe eshishio tsindaalo tsiosi etsia mulamenya mushialo. 2Okhumulula mulamulula habundu hosi omwa amahanga aka mulabukula kali nikakhalabanilangamwo abanyasaye babwe, khungulu tsirambi, khubikulu, nende mubuli musaala omutendeemu. 3Mulikulule ebimalilo biabwe biemisango, nimusasaka tsisiilo tsiabwe tsiamachina amasongokhu, nimusamba emiAshera chiabwe nomulilo; mureme ebirwanani ebibaatse biabanyasaye babwe, nimusishia eliira liabwe, lihweho habundu yaho. 4Ne murakholela OMWAMI Nyasaye weenywe murio ta. 5Nebutswa mukhaabe habundu aha OMWAMI Nyasaye weenywe alalobola mumbia tsieenywe tsiosi okhuraho eliiralie, niho eshimenyoshie, nimutsiayo; 6khandi muyileyo emisango chieenywe echiokhusambwa, nemisanao chindi, nebitonye bieenywe bielikhumi, netsisadaka etsia muhaana, nebiebiitsubo bieenywe, nebihaanwa ebia muhaana khulwa okhuchama, nebiibulwa biambeli bietsing'ombe tsieenywe nebiebiayo bieenywe. 7Ebweneyo mulaliitsanga imbeli w Nyasaye weenywe, ne muleekhoyela kosi aka murakhwo amakhono okhukhola, inywe nabomunzu tsieenywe, aka OMWAMI Nyasayewo yakhuheelesiyemwo ikhabi. 8Shimulakholanga amakhuwa kosi shinga olwa khukholanga hano leelo ta, mbu buli mundu okhukhola aka omwene aluutsi mbu nobulayi; 9okhuba mushili okhuula mubuhuluushi tsana, kata khubulaame, ebia OMWAMI Nyasayewo akhuha. 10Ne olwa mulaambukha Yorodani, nimumenya mushialo eshia OMWAMI Nyasaye weenywe amuheelesia shibe obulaame, naye namuhuluusia khukabasuku beenywe abamubotokhana, mbu mumenye shisale; 11mana habundu aha OMWAMI Nyasaye weenywe alalobola, okhumenyiayo eliiralie, muleerenjeho biosi ebia emulaka; mbu emisango chieenywe echiokhusambwa, nemisango chindi, nebitonye bieenywe bielikhumi, netsisadaka etsia muhaana, nebiolukoosi biebiitsubo bieenywe ebia mumwitsubila OMWAMI. 12Mana muleekhoya imbeli w Nyasaye weenywe, inywe, nabaana beenywe abasiani nabakhaana, nabakholi beenywe beshisaatsa nabeshikhasi, nende abaLawi abali mumataala keenywe, shichila bo shibalikhwo nomukabo kata obulaame mwinywe ta. 13Wiyile kahala, oleshenje okhumalila emisa-ngochio emisambe buli hosi aha oluutsi ta; 14habula habimdu yaho aha OMWAMI alalobola muluyia Iweenywe lulala, niho aha olamalilanga emisangochio emisambe; khandi niho aha olakholelanga kosi aka ekhulaka.
15Nebutswa osinzenje inyama yosi nochilia mumataala keenywe kosi, shinga olwa wenya, ikhabi eya OMWAMI Nyasayewo yakhuheelesia shinga olwa yili; ouli nobukaali nende omusiiyikhu bombi baliekhwo, shinga olwa baliitsanga khushitsusu kata khumbongo. 16Habula muraliitsanga amalasile ta; okatsushe khwiloba shinga amatsi. 17Oraliitsangakhwo mwitaalalio eshitonye eshio shielikhumi shieimeleyo, kata eshieidivaiyo, kata eshiamafurako, kata ebiibulwa biambeli biomung'ombetsio kata ebiayobio, kata ebiebiitsubobio ebia witsubanga, kata ebihaanwa ebia ohaana khulwa okhuchama, kata isadaka eya ohaana, ta; 18nebutswa ebienebio obiliitsenje imbeli w Nyasayewo habundu tsana aha OMWAMI Nyasayewo alalobola, iwe, nomwanawo omusiani, nomwanawo omukhaana, nomukholiwo weshisaatsa nomukholiwo weshikhasi, nende omuLawi ouli mwitaalalio; ne wikhoyenje imbeli wOMWAMI Nyasayewo mukosi aka orakhwo omukhono okhukhola. 19Wiyile kahala, oleshe okhwibala omuLawi tsindaalo tsiosi noshimenyanga mushialoshio.
20Olwa OMWAMI Nyasayewo alakaliyia tsinzakhotsio, shinga olwa yakhusuubisia, nawe noboola mbu Endie inyama; shichila omwoyokwo kwikomba okhulia inyama; kho olie inyama, shinga olwa wenya. 21Ne habundu tsana aha OMWAMI Nyasayewo alalobola okhuraho eliiralie nihaba ehale ninawe, kho osinze ebiokhung'ombetsio kata ebiokhubiayobio ebia OMWAMI yakhuheelesia, shinga olwa ndakhulaka, nolia mwitaalalio, shinga omwoyokwo olwa kwikomba. 22Shinga eshitsusu nende imbongo olwa biliibungwa, nilwo olwa olaliitsanga khubio; ouli nobukaali nomusiiyikhu bombi baliekhwo. 23Habula ohenje bulayi oleshe okhulia amalasile ta, okhuba amalasile niko obulamu; oralia obulamu bwene halala neinyama ta. 24Orakaliakhwo ta; okatsushe khwiloba shinga amatsi. 25Orakaliakhwo ta; mbu okaasenje, nende abaanabo inyumawo, olwa olakholanga akali amalunji imbeli w 26Habula mbu ebindu ebitakatifu ebia oli ninabio, nebiebiitsubobio, obibukule otsie ninabio habundu tsana aha OMWAMI alalobola; 27nomala emisangochio emisambe, inyama nende amalasile, khushimalilo shiOMWAMI Nyasayewo; nako amalasile kemisangochio katsushilwe khushimalilo shiOMWAMI Nyasayewo, ne inyama ochilie. 28Yitsulila nende okhuhulila amakhuwa kano kosi aka ekhulaka, mbu okaasenje, nende abaanabo inyumawo, ebisoni nebisoni, olwa olakholanga akali amalayi khandi amalunji imbeli w Nyasayewo.
Obuchesiyii khukobwinarmili bwebifwanani
29Olwa OMWAMI Nyasayewo alasishia amahanga imbeliwo, ebweneyo ewa otsia okhwinjila nokhukabukula, nawe nokabukula nomenya mushialo shiako, 30kho wiyile kahala oleshe okhutiilwa mumubero okwokhubalondakhwo, olwa balaba nibamalile okhutibibwa imbeliwo; khandi mbu oleshe okhureebelesia akabanyasaye babwe, mbu Abamahanga kano bakhalabanilanga abanyasaye babwe barie? Siesi ekhole endio. 31Orakholela OMWAMI Nyasayewo orio ta; okhuba buli shisinyo shiOMWAMI, eshia akiyanga, babikholeele abanyasaye babwe; okhuba basambilanga abanyasaye babwe kata abaana babwe abasiani nabakhaana mumulilo.
32Amakhuwa kosi aka emulaka, mwitsulilenje okhukakhola; orakameetakhwo akandi kata okhukaleemiakhwo ta.
Currently Selected:
Okhukalushila 12: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
