Okhukalushila 11
11
Obukhongo bwoOMWAMI
1Khulwako oheelenje OMWAMI Nyasayewo, nolinda aka yakhuleshela, naka yakhulachilisia, nobukhalachibwe, namalakoke, tsindaalo tsiosi. 2Ne mumanye inyanga yino (shichila shisungananga nabaana beenywe, abarashiamanya kata okhulola ta), mbu mumanye obuchesiyii bwOMWAMI Nyasaye weenywe, obukhongobwe, omukhonokwe kwamaani, nomukhonokwe okunyiirilwe okhuhonia, 3ebilolelobie, nebikholebie, ebia yakholela Farao omuruchi waMisiri muMisiri hakari, nende khushialoshie shiosi; 4khandi aka yakholela lihe liaMisiri, netsifarasi tsiabwe, namakaari kabwe; shinoa olwa yayembia amatsi keInyanza Inzakhanyu khubo, olwa bali nibamulondachililanga, khandi shinga olwa OMWAMI yabatibia okhuula olwa leelo. 5Khanei aka yamukholela mushitsiimi, okhuula olwa mwoola hano; 6naka yakholela Datsani naAbiramu abaana baEliabu waReubeni; shinga liloba liene olwa liasama omunwa nilibamila bukala, nabomunzu tsiabwe, namaheema kabwe, ne buli shili mwoyo shiosi eshiabalondakhwo, hakari waIsiraeli yosi. 7Okhuba tsimoni tsieenywe tsialola emilimo chiosi emikhongo chiOMWAblI, echia yakhola.
Tsikliabi etsimushialo eshia basuubisibwa
8Khulwako, mulindenje amalako kosi aka emulachilisia leelo, mbu mube abamaani, nimwinjila nimubukula eshialo eshia mulaambukha nimutsia okhushibukula; 9khandi mbu tsindaalo tsieenywe tsimeeteshe mushialo eshia OMWAMI yeetsubila abakuuka beenywe mbu yakhabaheelesia bo nolwibulo lwabwe, eshialo eshiitsuulemwo amabeele nende obuushi. 10Okhuba eshialo eshio eshia witsa okhwinjilamwo okhushibukula, shishili shingana eshialo shiaMisiri eshia mwarulamwo, ewa waraakanga imwoyo nochiikulila amatsi neshilenje, shinga eshilundu shieliani, ta; 11ne eshialo eshio, eshia mwitsa okhwambukha okhushibukula, neshialo shiebikulu namabanda; shio shinyweetsanga amatsi keifula yelikulu; 12neshialo eshia OMWAMI Nyasayewo atembelesinjia; tsimoni tsiOMWAMI Nyasayewo tsishihenganga tsindaalo tsiosi, okhurula khukhuchaaka khwomuyika, okhuula khubumaliilishi bwomuyika.
13Ne nimuba nimureka amarwi khumalako kanje aka emulaka leelo, nimukakhola, mbu okhuheela OMWAMI Nyasaye weenywe, nokhumukhalabanila nomwoyo kweenywe kwosi neshiimo shieenywe shiosi, 14kho ndalahaananga ifula yeshialo shieenywe munduukho yayo, ifula yeirootso nende eyeshirumbi, mbu ochese imeleyo, neidivaiyo, namafurako. 15Khandi ndalahaananga obunyaasi mubwayilobwo khulwa emirukochio; olaliitsanga niwikura. 16Mwiyile ka-hala, emioyo chieenywe chileshe okhukaatibwa, nimukotola nimukhalabanila abanyasaye bandi nimubeenamila; 17oburi na bwaNyasaye nibumwashila, niyeekala likulu if ula yileshe okhukwa, kata eshialo okhwama ebiamo, neenyu nimusikha bwangu muhweho mushialo eshilayi eshia OMWAMI amuheelesia.
18Niko akachila mubiishe amakhuwa kanje kano mumioyo chieenywe khandi mubuchesi bweenywe; mukeebohe kabe eshilolelo khumukhono, khandi kabe ebiokhubohwa khubwenibwo. 19Mukeechesie abaana beenywe, nimukhupa imbakha khuko, olwa oba nobuutsa mungo, kata olwa oba nochenda khunjila, kata olwa oba nokona, kata olwa oba nubu lkha. 20Khandi okahandiiche khubiyindi bieinzuyo, nende khubilibwabio; 21mbu tsindaalo tsieenywe tsimeeteshe, netsindaalo tsiabaana beenywe, mushialo eshia OMWAMI yeetsubila abakuukabo mbu yakhabaheelesia, shinga tsindaalo etsia likulu libeetsanga ikulu weshialo. 22Okhuba nimuba nimulalindanga obutinyu lilako lino liosi elia emulaka, okhulikhola; mbu okhuheelanga OMWAMI Nyasaye weenywe, nokhuchenda khunjilatsie tsiosi, nokhumuhandakhwo; 23kho OMWAMI aleelusia amahanga ako kosi imbeli weenywe, neenyu mulabukula ebialo biamahanga akamushila obukhongo namaani. 24Buli habundu hosi aha mulaba nimuseenilekhwo eshilenje halaba habundu weenywe; tsinzakho tsieenywe tsilaba okhurula khushitsiimi, nende Lebanoni okhurula khumwalo, nikwo omwalo kwaEuferati, okhuula khunyanza yamumbo. 25Shialabaho omundu yesi oulanyala okhusinjila imbeli weenywe ta; OMWAMI Nyasaye weenywe alachila eshialo shiosi eshia mulaseenakhwo shimurie nishimutechelela, shinga olwa yamusunjila.
26Lole, inyanga yino era imbeli weenywe ikhabi nende linyeko; 27mbu ikhabi, nimuba nimureka amarwi khumalako kOMWAMI Nyasaye weenywe, aka emulachilisia inyanga yino; 28nelinyeko, nimuba nimurareka amarwi khumalako kOMWAMI Nyasaye weenywe ta, habula okhukotola okhurula khunjila eya emulachilisia inyanga yino, okhulonda khubanyasaye bandi, aba muramanya ta.
29Ne olwa OMWAMI Nyasayewo alakhwinjisia mushialo eshia otsia okhushibukula, olara ikhabi eyo khushikulu shiaGerizimu, nelinyeko khushikulu shiaEbali. 30Ebio shibili injelekha waYorodani, elubeka lwamumbo weinjila, okuhenga ewa eliuba liyeelelanga, mushialo shiabaKanaani abamenyanga muAraba tsana, ahahengana naGiligali, enamiruba chiaMore? 31Okhuba mwitsa okhwambukha Yorodani okhwinjila okhubukula eshialo eshia OMWAMI Nyasaye weenywe amuheelesia. Mulashibukula, nimumenya mushio; 32ne mwitsulilenje okhukhola akalachilisibwa kosi nakobukhalachi bwosi aka era imbeli weenywe leelo.
Currently Selected:
Okhukalushila 11: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
