1 Abatsesalonika 1
1
Lishiesio
1Eyirula khuPaulo neSiliwano naTimotseo; yule khukanisa yabaTsesalonika muMwami Yesu Kristo, nende Nyasaye ouli Samwana. Obukoosia bube khwinywe, nomulembe.
Obulamu nende obusuubili bwabaTsesalonika
2Khumuupilanga Nyasaye orio khulweenywe mwesi tsindaalo tsiosi, nikhumurumbulanga mwesi mukhusaaya khweefwe; 3kata shikhukonelanga tawe okhwitsulila imbeli waNyasaye weefwe, niye Seefwe, obukholi bweenywe oburula mubusuubili, nobunyakhani oburula mubuheeli, nobwisimilisi oburula mubunaayi khuMwami weefwe Yesu Kristo. 4Khumanyile, baana beefwe aba Nyasaye aheelanga, shinga olwa yamulobola toto; 5shichila injiili eya khweelwatsa shiyamuulila mumakhwa butswa ta, habula nende mubunyali, khandi muRoho Omutakatifu, khandi mubumanyi oburalilu. Khandi inywe mumanyile murio imela yeefwe mwinywe eyali khulweenywe 6Neenyu mweekhola abalondi beimela yeefwe nende eyOmwamij shichila mweenjisilia likhuwa mubusandibwi obunji, halala nende obusangaali bwaRoho Omutakatifu; 7nimwikhola murio eshimanyilo khubasuubili bosi abali eMakedonia nende Akhaya.
8Okhuba likhuwa liOmwami liarula mwinywe, nilirahulilishila eMakedonia naAkhaya yonyene ta, habula mubuli handu akobusuubili bweenywe obwa muli ninabwo khuNyasaye katswanile ebulafu; kho ifwe shikhuli nende elichila nikhuboola likhuwa ta. 9Shichila bo abeene batoonyanga khukeefwe, okhwinjila khweefwe mwinywe shinga olwa khwali; khandi shinga olwa mwashiukhanila Nyasaye nimulekha ebifwanani bilia biabutswa, mbu mumukhalabanile Nyasaye watoto oubeetsangaho mwoyo, 10nokhulindiilila Omwanawe okhurula mwikulu; ne niye owa yalamusia okhurula mubafu, mbu Yesu, oukhuhoninjia muburima obuli okhwitsa.
Currently Selected:
1 Abatsesalonika 1: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
