3 Yohana 1
1
Lishiesio
1Eyirula khumukofu, yule khuGayo omuheelwa, owa eheelanga mubwatoto.
2Omuheelwa wanje, ekhusaayila mbu mukosi okaasenje noba omulamu, shinga omwoyokwo nakwo olwa kukaasanga. 3Ndeekhoya muno abaana beefwe olwa beetsa nibarumbula akobuloli khubwatotobwo, shinga olwa ochendanga mubwatoto. 4Kata shindi nomwikhoyo khundi okushila kuno ta, mbu okhuhulila akabaane banje shinga olwa bachendanga mubwatoto.
Aka Gayo akholelanga abacheni kapaakwa
5Omuheelwa wanje, obeetsanga omwisiikwa mukosi aka obakholelanga abaana beefwe nende abacheni bosi. 6Barumbuule akobuheelibwo imbeli wabeikanisa. Ne chama oboongule khuluchendo lwabwe shinga olwa kakhoyeele imbeli waNyasaye. 7Shichila khulwa Eliira elo barula nibarabukula eshindu shiosi khuBamahanga ta. 8Kho khukhoyile okhwinjisia abafwana bario, nikhusanjilana ninabo okhukhalabanila obwatoto.
Obufukuli bwaDioterefe
9Ndahandiichila ikanisa; ne Dioterefe, owenyanga muno okhuba owambeli mubo, shiakhufuchiilila ta. 10Kho nimba ninzitsa ndalaboola khukebikholebie ebia akholanga, nasindobokha niyeelakalakania nakhufukula namakhuwa amamayaanu. Kata ako shikamuhela ta; mbu ye omwene shiyeenjisinjia abaana beefwe ta, ne abeenya okhubeenjisia abakaaninjia, nabeelusia mukanisa.
Ifuma indayi yaDemeterio
11Omuheelwa wanje, oralonda ikhola imbii ta, habula indayi. Oukhola amalayi nowaNyasaye; oukhola amabii shiyamulolakhwo Nyasaye ta.
12Demeterio ali neifuma indayi khubandu bosi, khandi khubwatoto bwene; kata fwesi khurumbula khurio; ne omanyile mbu oburumbusi bweefwe nobwatoto.
Amashiesio akahelelesia
13Embeele namakhuwa amanji okhukhuhandiichila; ne shinjamile okhukhuhandiichila ako kosi neikalamu nobwino ta. 14Ne enaayanga okhulolana ninawe mundaalo etsili ahambi, mana khulasungana mumoni khumoni. 15Omulembe kube khwiwe. Abeetsa beefwe bakhushiesiye. Shiesia abeetsa, buli mundu neliiralie.
Currently Selected:
3 Yohana 1: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975