2 Petero 2
2
Abanabii bobubeeyi, nabeechesia bobubeeyi
1Nebutswa abanabii bobubeeyi babuukha mubandu, shinga olwa baliba mwinywe abeechesia bobubeeyi, abalaleeranga mabiswi ameechesio kobubeeyi akaleera obutibi, nibeeyambakhana kata Omwami owabakula, nibeeleerela abeene obutibi bwakatu. 2Kata abanji balilonda mubiima biabwe biobwilaasi; ne nibo abalichila injila yobulamu yilanyekwa.
3Khulwa likhalikhali baliboola akobukaatii nibamukhola inywe okhuba ebiobukhala; ne bulaano eshiina shiabwe shiakhale shishishinda, kata obutibi bwabwe okhurenjeetsa tawe. 4Shichila Nyasaye shiyalekha abamalaika ta olwa boonoona, nebutswa yabafuuba muTarataro, nababiikha mubuko bweshiilima ti, okhulindiilila eshiina. 5Kata shiyalekha eshialo shiakhale ta; habula yamuteetsa Noa, omurumbusi wobulunjishi, nabandi musaafu halala ninaye, olwa yaleera omuyembo kwamatsi khushialo shia abo abaramuria Nyasaye ta. 6Olwa yakwisia amatookho kaSodoma naGomora likoshe yakakhalachila eshiina shiokhumululwa, nakakholile okhuba eshilolelo khubeenabo abamenyanga nibaramuria Nyasaye ta; 7nebutswa yamuhonia Loti omulunjishi oyo, owali nachoonyiliibwe elala khulwa akobwilaasi bwabamayaanu; 8shichila omundu oyo omulunjishi, olwa yali namenyile hakari mubo, nalolanga nende okhuhulila, yasaalilanga omwoyokwe omulunjishi inyanga buli nyanga khulwa ebikhole biabwe biomusilo. 9Omwami yamanya okhuhonia abo abariitsanga Nyasaye mukhuteemwa, nokhubabiikha ababula obulunjishi mubukuumwi okhuula khunduukho yeshiina; 10nokhushila muno abo abachenda mumela yomubili, mubwikombi obuleera akeshifwabwi, nibaleka oburuchi bwosi. Nabatsaalishi, abemirwe emiumu, abararia okhunyeka aboluyali ta 11olwa abamalaika, kata nibabashila amaani nobunyali, shibabakhalachila eshiina shiobunyechi imbeli wOmwami tawe.
12Nebutswa abo abeengana tsisolo nasolo etsibula obuchesi, etsioburulanda bwokhuyiimwa nitsisishibwa, abanyekanga khumakhuwa aka bakorwa eshisina shiako, balasishibwa mubusishibwi bulala bwenobwo, 13nibanyoola amabii, omukabo kwobumayaanu bwabwe. Nabandu abatsatsahala okhumeelanga mushiteere. Bali butswa ebiroonyelesi netsimbala, abameelela emienya chiabwe abeene, olwa baliitsanga nineenywe mumasabo.
14Tsimoni tsiabwe tsikhaabanga omukhasi omuheyi, nitsirakonela okhwonoona ta; bahombelesinjia abemioyo emiteshele; emioyo chiabwe chianasibwa akelikhalikhali; beebulwa mushilaamo shiobubii. 15Balekha injila yatoto, nibashiama, shichila balonda injila yaBalaamu waBeori, owachama omuleabo kwobumayaanu; 16ne yakondesheelwa obukhayibwe; isishili isilu yaboola nomwoyo kwomundu, niyiikalila amalalu komunabii oyo.
17Abo bali tsisebele etsibula amatsi, khandi linang'ong'we elichesibwa neimbumbuyeka; nibo aba eshiilima eshimali ti shiabiishilwa. 18Barumbulanga amakhuwa amakhongo akobwikhulumami akali butswa amakhaya, nibatsuuba abo ababa nibakheehonokokha mumakhono kabebiima ebirambaatsanu, mubwikombi bwomubili, nobwilaasi. 19Babasuubisia obulekhuule, olwa abeene bali abasumba bobusasishi; shichila omundu akwitsanga omusumba wakeenako akamuhula. 20Okhuba abandu nibaba nibeehonokokha mukeshifwabwi shieshialo khulwa obumanyi bwOmwami khandi Omuhonia Yesu Kristo, mana bamala nibeetsoka muko khandi nibahulwa, kho obumaliilishi bwabwe buba obubii okhushila shinga olwa babeelenje. 21Bwakhabeele bulayi khubo nibarakhamanyile injila yobulunjishi ta, okhushila okhuchimanya mana nibashiukhana nibalekha lilako elo litakatifu elia bali nibaheebwa. 22Kabeekholakhwo akaboolwa muluchelo olwatoto, mbu Imbwa yikalushiile amasasi kayo, nayo ingurwe eyosiibwe khukhukalakala mumatoyi.
Currently Selected:
2 Petero 2: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
