1 Timotseo 5
5
Aka khukhoyile okhukholelanga abandu
1Oramukondeshela omundu omukofu ta, habula okhumuchesiyia shinga olwa ali so; okholelenje abasaatsa abashilikhwo, shinga abaana beenywe; 2abakhasi abalikhwo abashiele, shinga abamawo; abashilikhwo, shinga abambootsoyo; ne mubweleleshe bwosi.
3Obeetsulilenje abakhasi abalekhwa abali abalekhwa toto. 4Ne omukhasi omulekhwa naba nali nende abaanabe kata abeetsukhulu, bo baranjilile beeche okhuloiosia akeidini yabwe khubeinzu yabwe, nokhubakalusilia abeebuli babwe ebibakhoyeele; shichila niko aka Nyasaye achama. 5Ne oyo ouli omukhasi owalekhwa toto, owatong'a yenyene, abeetsanga nahandiye obunaayibwe khuNyasaye, nalumililanga khukhusaaya nokhusaba, eshiteere neshilo. 6Habula oyo owihaana khumwenya, nomufu kata nashiliho mwoyo. 7Amakhuwa kano nako olachenje, mbu baleshe okhuba neshikha. 8Ne omundu yesi ourayinilia abebe ebibahela ta, nokhushila muno abelitaalalie, ye yaambakhaane akobusuubili; nomubii okhushila oyo oubula obusuubili.
9Omukhasi omulekhwa ahandiikwe khulwanzilo naba naraleema khumiyikachie amakhumi kasasaba ta, niyalinji omukhasi womusaatsa mulala; 10nali oweifuma indayi khulwa ebikholebie ebilayi; naba niyakhusia abaana; naba niyeenjisinjia abacheni; naba niyoosinjia abatakatifu ebilenje; naba niyakhoonyanga abasandibwa; naba niyalinji omulumilifu mubikhole ebilayi biosi.
11Ne abakhasi abalekhwa abashili okhuhela bario obuyindifu, obakaanie; shichila obwikombi bwabwe bubakhwesanga okhurula khuIiristo, nibeenya okhuteeshibwa, 12nibaba bario neshiina khulwa okhulekha obusuubisii bwabwe obwambeli. 13Khandi bachendanga mutsinzu eyi nende eyi, nibeeka bario akokhutofuhala; ne shikhuli okhutofuhala khwonyene ta, habula nende okhubeetsanga abebitoonyo, abeeyinjisia mukabeene, nibaboola amakhuwa akarakhoyeele ta. 14Kho niko akachila ninzenya mbu abakhasi abalekhwa abashili okhukofula bateeshibwe nibeebula abaana nioaruka tsinzu tsiabwe, oburaheelesia omusuku ulia obwiyangu bwosi okhunyeka ta; 15okhuba abandi bamalile okhushiama nibamulondakhwo Setani.
16Omusuubili yesi, omusaatsa kata omukhasi, naba nalikhwo nabakhasi abalelchwa, abakhoonye, oburachila ikanisa niyisitohelwa ta, mbu mana yinyale okhukhoonya abo abali abalekhwa toto.
17Abakofu abamanya okhuruka bulayi bapaarwekhwo mbu nabakwaniile emikabo chibili, okhushila muno abo abanyakhana mukhwilwatsa nende okhwechesia. 18Okhuba amahandiiko kaboola kari Orabohanga ing'ombe omunwa olwa yihuulanga imele ta. Khandi kari Omukholi wemilimo akwanile omushaarakwe.
19Orafuchiilila obwinjililwi bwosi bwomukofu ta, habula nibaliho abaloli babili bataru. 20Ababa niboonoonile, obahalabile imbeli wabosi, mbu abandi bosi bariitsenje. 21Ekhulaka imbeli waNyasaye, nende Kristo Yesu, nende abamalaikabe abalobole, mbu okholenje ako kosi oburakhalaka amakhuwa khale, kata okhukhola nebiela ta. 22Oratetekhana okhumurakhwo omundu amakhono ta; orasanjilana mubionoono biabandu bandi tawe. Wilinde obe omweleleshe.
23Lekha okhunyweetsanga amatsi konyene, ne wikhoonyele idivai induutu khulwa amakhuwa akeindayo, khulwa obuteshelebwo.
24Baliho aba ebionoono biabwe bimanyikha ebulafu, nibibaranjilila okhuula khushiina; khandi baliho aba ebiabwe bibalondachilila. 25Khandi biliho ebikhole ebilayi ebimanyikhanga birio ebulafu; ne kata ebirali birio, shibibisikha tawe.
Currently Selected:
1 Timotseo 5: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
