1 Timotseo 4
4
Akobuhunzulwi kalakulwa
1Nebutswa Roho akhumanyia bulayi mbu mundaalo tsiolunyuma abandi balahunzukha nibarula mukobusuubili nibareka amarwi khubaroho abashiaminjia, nende ameechesio kamadimoni, 2khulwa obwikaati bwabandu ababoola akobubeeyi, abasiliilwel mumioyo chiabwe. 3Bakaaninjia abandu oburateeshania ta, nibabalaka okhusila ebiliibwa bindi ebia Nyasaye yalonga okhubukulwa nibikhupilwa orio nabandu abasuubili abamanya akobwatoto. 4Okhuba buli shilonje shiaNyasaye neshilayi, kata shibulaho eshikhoyile okhulobwa, nishiba nishibukulwa nende okhuupa orio; 5shichila shibeetsanga nishiahulwa khulwa likhuwa liaNyasaye nokhusaaya.
Omukhalabani omulayi wa Yesu Kristo
6Noba nobeetsusia abaana beefwe khumakhuwa ako, oba orio omukhalabani omulayi waKristo Yesu, owooiilwa mumakhuwa kobusuubili, nakameechesio amalayi ako aka walondilenjemwo. 7Nebutswa tsingano tsiobukafwiri, etsiabashiele, otsilobe. Ne winasinjie khubikhole bieidini, 8okhuba okhwinasia khubikhole biomubili khulimwo inganga induutu; ne akeidini kalimwo inganga yamakhuwa kosi, nikalimwo obusuubisie bwobulamu obuliho bulaano, nende obwenobwo obuli okhwitsa. 9Likhuwa lino neliisiikwa, elikwanile okhufuchiiliilwa elala, 10mbu Niko akachila nikhunyakhananga nikhutariilikha, shichila obunaayi bweefwe buraliile khuNyasaye oubeetsangaho mwoyo, ouli Omuhonia wabandu bosi, nokhushila muno wabasuubili.
11Amakhuwa kano, okalache nokeechesia. 12Omundu yesi aleshe okhulechelesia obusooliilibwo; habula obe eshilolelo khubasuubili mumakhuwa, mubwiyili, mubuheeli, mubwisiikwa, mubweleleshe. 13Rakhwo omwoyo okhusoomela amahandiiko ebulafu, nokhwilwatsa, nokhwechesia, okhuula olwa ndakhoole eyo. 14Oreebilila eshihaanwa eshio eshili mwiwe ta eshia waheebwa munjila yobulakusi, olwa omukanda kwosi kwabakofu beikanisa bakhurakhwo amakhono.
15Obeetsenje oweshinani khukano; wihaanile elala khukombu okhutsiilililakhwo mana khubamanyishile bosi. 16Wilinde omwene, nende obwechesiibwo. Lumilila mukano; okhuba orio oleehonia omwene nende okhubahonia abo abakhuhulilanga.
Currently Selected:
1 Timotseo 4: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
