1 Timotseo 2
2
Ameechesio khukokhusaaya
1Niko akachila nikhusaaya olwambeli mbu musaayilenje abandu bosi, nimubasabila nimubalaamila, nimukhupa orio khulwabwe; 2khulwa abaruchi, nende bosi abali mubwikhalo bwobwami; mbu khumenye mumulembe nobuholeelefu, nikhuriitsanga Nyasaye, nikhwitembelesia bulayi. 3Lino nilio lilayi elifuchiilikha mumoni mwaNyasaye Omuhonia weefwe, 4owenyanga mbu abandu bosi bahonibwe niboola khubumanyi bwobwatoto. 5Okhuba aliho Nyasaye mulala, khandi wanjila mulala hakari waNyasaye nende abandu, niye Kristo Yesu, naye yesi nomundu; 6oweehaana omwene abe eshinunulo khulwa bosi; oburumbusi bwobuloli nabwo nibuhaanwa khushise eshikhoyeele. 7Nasi ndakholwa omwilwatsi khandi omurume wabwo; emboola akatoto, shimbeeha ta; mbu omwechesia wAbamahanga mubusuubili nobwatoto.
8Ne niko akachila ninzenya mbu abandu abasaatsa basaayenje buli handu hosi, nibakalikha amakhono nibamuriitsanga Nyasaye, aharali oburima kata amayinje ta. 9Khandi bario abakhasi nabo beesiayile tsingubo etsikhoyela obuholo nobwitembelesii; nibareesiayila liswi libasa, kata ebieitsahaabu netsilulu nebiifwalo biobukusi obunji; ta; 10habula okhwisiayila ebikhole ebilayi, ebikhoyeele abakhasi abeeyamanga mbu nabamuriitsanga Nyasaye. 11Omukhasi yeechenje mubuholeelefu, nobuhulili bwosi. 12Nasi shifuchiilila omukhasi okhwechesia kata okhwamiha khumundu omusaatsa ta, habula okhuholeela. 13Schichila Adamu yaranjilila okhulongwa, mana Hawa narakhwo. 14Kata shiyali Adamu owakaatibwa ta, ne omukhasi niye owakaatibwa, nakwa mubukhayi. 15Nebutswa alahonibungwa mukhwibulanaba nalumilila mubusuubili nobuheeli nobutakatifu, halala nobwiruchi.
Currently Selected:
1 Timotseo 2: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
