1 Timotseo 1
1
Lishiesio
1Eyirula khuPaulo, omurume waKristo Yesu, khulwa lilako liaNyasaye Omuhonia weefwe, nelia Kristo Yesu ouli linaayo lieefwe; 2yule khuTimotseo, omwana wanje watoto mubusuubili:
Obukoosia, netsimbabasi, nomulembe, ebirula khu Kristo Yesu Omwami weefwe, nende Nyasaye ouli Samwana.
Obuchesiyii khukameechesio kobukaatii
3Shinga olwa ndakhusaaya mbu omenyekhwoyo eEfeso olwa ndali nindi okhutsia eMakedonia, okhoyile okhukaania abandu nabulebe obureechesia ameechesio kandi lukano ta, 4kata okhureka amarwi khuketsingano kata khuketsinzibulo akabula eshiakamo, akaleera amareebano nikaralolosia tsiyemi tsiaNyasaye etsili mubusuubili, tawe.
5Ne elikhoyile okhurula mubukaanii obwo nilio obuheeli oburula mumwoyo omweleleshe, nomwoyo omulayi, nobusuubili obubula obubatsa. 6Abandu nabulebe beehaanya kano, nibashiukhanila imbakha ikhaya. 7Beekomba okhuba abeechesia beitorati, kata olwa bakorwa eshisina shiakeenako aka baboolanga nende akeenako aka barumbulanga chiminiyai.
8Ne khumanyile mbu amalako namalayi, omundu naba nakalonda shinga amalako keene olwa kalaka, 9namanyile mbu amalako shikachooma khumundu ouli omulunjishi ta, habula khubakhayi bamalako, abeinumba; khulwabo abaramuria Nyasaye ta, aboonooni; khulwabo ababula idini, abakafwiri; khulwa aboopi babasamwana naboopi babanyina, abeeri babandu, 10abaheyi, abatanyana, abeebi babandu, ababeeyi, abeetsuba ebiitsubo biobubeeyi, kata elindi liosi eliakhafukula ameechesio akali amalamu, 11shinga olwa kali munjiili yoluyali lwaNyasaye omwene ikhabi yosi, eya ndaheebwa okhulinda.
Paulo yakhupa orio khulwa tsimbabasi etsia yabeelwa
12Emukhupila orio omwenoyo owa'nyalila, niye Kristo Yesu Omwami weefwe, shinga olwa yambasia mbu endi omwisiikwa niyaraho khubukhalabanibwe, 13kata olwa ndalinji omunyechi nomusandii, owamahababa. Nebutswa ndabeelwa tsimbabasi, shichila ndakholanga khulwa okhukorwa, nimbula obusuubili; 14khandi obukoosia bwOmwami weefwe bwashilaana muno, halala nobusuubili nende obuheeli obuli muKristo Yesu.
15Likhuwa lino neliisiikwa, elikwanile okhufuchiiliilwa elala, mbu Kristo Yesu yeetsa mushialo okhuhonia aboonooni; ne khubeenabo nisie owambeli. 16Nebutswa lino nilio eliaebila nimbeelwa tsimbabasi, mbu mwisie owambeli tsana Yesu Kristo alolosiliemwo obwifwilibwe bwosi, embe eshilolelo shiabo abakhamusuubilila mundaalo etsiitsa okhuula khubulamu bwobumeli. 17Kho bulaano Omuruchi oyo owobumeli, ourahwaho ta, ouralolekha ta, ouli Nyasaye yenyene, aheebwe ifuma noluyali, ebisoni nebisoni. Amina.
18Mwana wanje Timotseo, amakhuwa kano ekhulachilisia, amakhuwa kobulakusi shinga olwa kali akeemila injila khwiwe, mbu khulwako oseerenje lihe lilayi, 19nohanda khubusuubili khandi khumwoyo omulayi. Baliho abasindikha ehale akomwoyo omulayi, mana obusuubili bwabwe nibukhama khamu shinga eliaro eliiyinikha mumatsi. 20Ne mubeenabo Himenayo nende Alekisanda balimwo; nabo ndabahaana mumakhono kaSetani, mbu beechesibwe okhulekha akobunyechi.
Currently Selected:
1 Timotseo 1: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
