1 Abatsesalonika 4
4
Okhuchenda okhumuchamisia Nyasaye
1Kho elihelelesia, baana beefwe, ndielino; khumusaaya nikhumwitsusia muMwami Yesu, mbu olwa mweechesibwa nineefwe shinga olwa mukhoyile okhuchenda nokhumuchamisia Nyasaye, ne nindio muchendanga, mbu mumeeteshenje murio. 2Okhuba mumanyile amalako aka khwamulaka khulwa Omwami Yesu shinga olwa kali. 3Shichila lino nilio elia Nyasaye yeenya, mbu amukhole abatakatifu, mbu musile obuheyi; 4mbu buli mundu khwinywe amanye okhuleera omukhasiwe mubutakatifu nende oluyali, 5oburakhola mubwilaasi bwobwikombi, shinga Abamahanga abaramumanya Nyasaye ta. 6Omundu yesi aleshe okhuyiira niyoonoonela omwana wabwe mwikhuwa lino; shichila Omwami niye omumali weshikwoli mu ako kosi, shinga olwa khwamuboolela khale nikhumurumbulila. 7Shichila Nyasaye shiyakhulanjila eshifwabwi ta, habula obutakatifu. 8Kho oukhaya kano shiakhayila omundu ta, habula Nyasaye, oumuheelesia Rohowe Omutakatifu.
9Khumakhuwa akokhuheelanga abaana beefwe, libulaho elichila nimuhandiichila ta; shichila inywe abeene mwechesibwa nende Nyasaye okhuheelananga; 10okhuba toto mwene, nolwa mubakholelanga abaana beefwe bosi abomuMakedonia yosi. Ne khumuchesiyia, baana beefwe, mbu mushilaane muno; 11khandi mbu muchoome okhwichendelesia mubuholeelefu, nokhulinda akali akeenywe, nokhukhola emilimo namakhono, shinga olwa khwamulaka; 12mbu muchendenje bulayi imbeli wabali elwanyi, khandi mbu muleshe okhutamba eshindu ta.
Akabafu nakabali mwoyo, khushise shiokhwitsa khwOmwami
13Ne shikhwenya mbu mukorwe, baana beefwe, khuka abo abakona tsindoolo ta; mbu muleshenje okhubeelela, shinga abandi abo ababula obunaayi. 14Shichila shinga olwa khusuubila mbu Yesu yafwa nalamukha, khandi bario abeenabo abakona tsindoolo muYesu, Nyasaye aleetsa ninabo. 15Okhuba kano khumuboolela khulwa likhuwa liOmwami; mbu ifwe ababa nikhushiliho mwoyo, abatong'a okhuula khukhwitsa khwOmwami, shikhulabaranjilila balia abamala okhukona nahatuutu ta. 16Okhuba Omwami omwene aleekha okhurula mwikulu halala nomulanjisio nomwoyo kwamalaika omukhulundu, nende olwika lwaNyasaye; nabo abafwila muKristo balaranjilila okhulamukha; 17mana ifwe ababa nikhushiliho mwoyo khulakaamwa ninabo halala mumaleesi, okhwakaana nOmwami mulwanga: mana khurio khulabeetsanga nOmwami tsindaalo tsiosi. 18Kho mulemanie emioyo nende amakhuwa kano.
Currently Selected:
1 Abatsesalonika 4: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
